أبو خالد
09-14-2007, 07:50 AM
كل عام وانتم بألف خير وصحه وسلام
والله يعيد علينا ذا الشهر ويكرمنا بصيامه وقيامه ويرزقنا اجره
طرت علي بالي قصة قديمة حبيت ارويها لكم عشان نستفيد منها كلنا زي ما استفدت انا من ذي القصه وخدمتني في كثير من امور حياتي
والقصة هذي قصه حقيقية وقعت لواحد من عباد الله منذ مبطي .. يعني الدعوه فيها كان يا مكان في قديم الزمان وسالف العصر والاوان :
كــــــــــان فيه رجال اسمه محمد بن راشد .. ومحمد ذا الله عطاه مزرعة فيها نخل وعنب ورمان وخضروات وخير من الله .. وكان ياخذ من عطاء المزرعه اللي يكفيه هو وعياله وبس .. والباقي كان تاركه سبيل لوجه الله .. كل من مر علي المزرعه يا خذ اللي يبي و الدراهم اللي تجي من غلة المزرعة كان يوزعها علي الفقراء والمساكين .. ومع الوقت الله عطاه و وسع برزقة وكبرت المزرعة وكثر خيرها ولله الحمد .........
مرت السنين والايام وصار لصاحبنا قصه غريبه شوي .. محمد بن راشد كان عنده شجرت (( أثل )) فالمزرعة كان شكلها غريب شوي .. وجاء واحد من الناس وقال هالشجره مبروكه وفيها شفاء ودواء وفيها ايه من آيات الله ( الظاهر كان مصري ) .. وبداء ينشر هالكلام لين صدقو الناس .. ما مر سنه الا والناس بدأت تزور الشجره وتاخذ من ورقها وفروعها تذكارات وعلاجات وناس تربط خرق وحبال بجذعها وناس ترقص وتغني تحتها وخبال فخبال .. صارت زي المعابد المصرية .. المهم زعل محمد بن راشد وتضايق من هالقصه .. وحاول قد ما يقدر انه ينصح الناس و يوعيهم ويفهمهم ان هذي خزعبلات ما انزل الله بها من سلطان .. ولكن ما في فايده ............
وليلة من الليالي قرر محمد أنه يقطع الشجره ويكتفي شرها ويكفي الناس شرها وبلاها .. واول ما صلي الفجر شال فاسه وراح للمزرعة عشان يقطع الشجره .. وهو فالطريق جاه واحد وقاله :
( وين رايح بفاسك ذي .. خير ان شاء الله )
قاله عندي شجره بالمزرعه ورايح اقطعها
رد الرجال :
( لا ما تقطعها و لا لك فيها )
قال محمد عجيبه .. مزرعتي حلالي ويمنعني ادخلها واقطع الشجره اللي فيها .. المهم كلمة من ذا وكلمة من ذا تهاوشو وتماسكو الحلوق وتضاربو .. قام محمد وشال الرجال ذا ورضخه فالارض .. ونزل فيه تكفيخ لين قام يصارخ ويقله خلاص خلاص فكني .. قام محمد ترك الرجال وقال يا اخي الشجره ذي مؤذيه .. وجاي من وراها شر وبلا لهالسبب ابي اقطعها .. فرد عليه الرجال وقاله :
( خلي الشجره ولك مني كل يوم احط تحت مخدتك 30جنية ذهب )
................................
قلبها براسه وقال ياولد .. ثلاثين جنية .. والله زينه .. اسوي وافعل ومدري وشو .....
المهم محمد غير رائية وترك الشجره .. وراح بيتهم .. ومرت الايام .. خمس ايام كل ما صحي من النوم يلقاء تحت مخدته ثلاثين جنية ذهب !! .. وانبسط الرجال واغتنا فأيام .. واليوم السادس صحي من النوم ما لقي شي .. وسابع يوم كمان ما لقي شي .. قال شكله الرجال خلاص خلص موضوعه مع الشجره وبطل يدافع عنها .. خليني اروح اقطعها وارتاح منها .. وشال فاسه وراح للبستان .................
وفنص الطريق طلعله نفس الرجال الغريب .. وتبادلو نفس الحوار ونفس الكلام .. وتهاوشو بعد .. بس ذي المره الغريب هو اللي شال محمد بن راشد ورضخه فالارض وكسر راسه كمان .. فقاله محمد انت من انت .. وبعدين انا اقوي منك ورميتك بالارض المره اللي فاتت وصرت تترجاني .. كيف قدرت علي المره هذي .. فرد الغريب :
( المره الاولي كان ايمانك قوي .. لهالسبب انت قدرت علي وانا ما قدرت عليك .. لكن يوم ضعفت قدام الفلوس وغرتك الدنيا ضعف ايمانك .. وخسرت نفسك وعشان كذا قدرت عليك وكسرت راسك .................................... )
فقاله محمد .. طيب من انت .. علمني مين انت ومن وين طلعت لي .. ؟؟
فرد الرجال الغريب :
( أنا أبليس .................................. )
وآسف عالاطاله وكل عام وانتم بخير
تحياتي
والله يعيد علينا ذا الشهر ويكرمنا بصيامه وقيامه ويرزقنا اجره
طرت علي بالي قصة قديمة حبيت ارويها لكم عشان نستفيد منها كلنا زي ما استفدت انا من ذي القصه وخدمتني في كثير من امور حياتي
والقصة هذي قصه حقيقية وقعت لواحد من عباد الله منذ مبطي .. يعني الدعوه فيها كان يا مكان في قديم الزمان وسالف العصر والاوان :
كــــــــــان فيه رجال اسمه محمد بن راشد .. ومحمد ذا الله عطاه مزرعة فيها نخل وعنب ورمان وخضروات وخير من الله .. وكان ياخذ من عطاء المزرعه اللي يكفيه هو وعياله وبس .. والباقي كان تاركه سبيل لوجه الله .. كل من مر علي المزرعه يا خذ اللي يبي و الدراهم اللي تجي من غلة المزرعة كان يوزعها علي الفقراء والمساكين .. ومع الوقت الله عطاه و وسع برزقة وكبرت المزرعة وكثر خيرها ولله الحمد .........
مرت السنين والايام وصار لصاحبنا قصه غريبه شوي .. محمد بن راشد كان عنده شجرت (( أثل )) فالمزرعة كان شكلها غريب شوي .. وجاء واحد من الناس وقال هالشجره مبروكه وفيها شفاء ودواء وفيها ايه من آيات الله ( الظاهر كان مصري ) .. وبداء ينشر هالكلام لين صدقو الناس .. ما مر سنه الا والناس بدأت تزور الشجره وتاخذ من ورقها وفروعها تذكارات وعلاجات وناس تربط خرق وحبال بجذعها وناس ترقص وتغني تحتها وخبال فخبال .. صارت زي المعابد المصرية .. المهم زعل محمد بن راشد وتضايق من هالقصه .. وحاول قد ما يقدر انه ينصح الناس و يوعيهم ويفهمهم ان هذي خزعبلات ما انزل الله بها من سلطان .. ولكن ما في فايده ............
وليلة من الليالي قرر محمد أنه يقطع الشجره ويكتفي شرها ويكفي الناس شرها وبلاها .. واول ما صلي الفجر شال فاسه وراح للمزرعة عشان يقطع الشجره .. وهو فالطريق جاه واحد وقاله :
( وين رايح بفاسك ذي .. خير ان شاء الله )
قاله عندي شجره بالمزرعه ورايح اقطعها
رد الرجال :
( لا ما تقطعها و لا لك فيها )
قال محمد عجيبه .. مزرعتي حلالي ويمنعني ادخلها واقطع الشجره اللي فيها .. المهم كلمة من ذا وكلمة من ذا تهاوشو وتماسكو الحلوق وتضاربو .. قام محمد وشال الرجال ذا ورضخه فالارض .. ونزل فيه تكفيخ لين قام يصارخ ويقله خلاص خلاص فكني .. قام محمد ترك الرجال وقال يا اخي الشجره ذي مؤذيه .. وجاي من وراها شر وبلا لهالسبب ابي اقطعها .. فرد عليه الرجال وقاله :
( خلي الشجره ولك مني كل يوم احط تحت مخدتك 30جنية ذهب )
................................
قلبها براسه وقال ياولد .. ثلاثين جنية .. والله زينه .. اسوي وافعل ومدري وشو .....
المهم محمد غير رائية وترك الشجره .. وراح بيتهم .. ومرت الايام .. خمس ايام كل ما صحي من النوم يلقاء تحت مخدته ثلاثين جنية ذهب !! .. وانبسط الرجال واغتنا فأيام .. واليوم السادس صحي من النوم ما لقي شي .. وسابع يوم كمان ما لقي شي .. قال شكله الرجال خلاص خلص موضوعه مع الشجره وبطل يدافع عنها .. خليني اروح اقطعها وارتاح منها .. وشال فاسه وراح للبستان .................
وفنص الطريق طلعله نفس الرجال الغريب .. وتبادلو نفس الحوار ونفس الكلام .. وتهاوشو بعد .. بس ذي المره الغريب هو اللي شال محمد بن راشد ورضخه فالارض وكسر راسه كمان .. فقاله محمد انت من انت .. وبعدين انا اقوي منك ورميتك بالارض المره اللي فاتت وصرت تترجاني .. كيف قدرت علي المره هذي .. فرد الغريب :
( المره الاولي كان ايمانك قوي .. لهالسبب انت قدرت علي وانا ما قدرت عليك .. لكن يوم ضعفت قدام الفلوس وغرتك الدنيا ضعف ايمانك .. وخسرت نفسك وعشان كذا قدرت عليك وكسرت راسك .................................... )
فقاله محمد .. طيب من انت .. علمني مين انت ومن وين طلعت لي .. ؟؟
فرد الرجال الغريب :
( أنا أبليس .................................. )
وآسف عالاطاله وكل عام وانتم بخير
تحياتي