الـــــراوي ... ((( رواية الحاضر ))) ... أسرة العلا

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...

الخميس الموافق 15 / رمضان / 1428 هـ # 80 # الساعة 11.15 مساء

بـــــسم الله الرحمن الرحيـــــم
السلام عليكم ورحمة الله وبركاته
وأسعد الله أوقاتكم بكل خير .. وأهلا وسهلا بكم من جديد في مقال الراوي بصورته الجديده والتى تحمل عنوان رواية الحاضر .. وهذا المقال أمتداد للمقال السابق تفضل و أسعدنا بزيارة مقال الراوي (http://www.osrt-alula.com/vb/showthread.php?t=5876) .. وسنعود مجددا للكتابة فالمنتدي وطرح يوميات رواية الحاضر بعد طول انقطاع وفشل المقال الاول .. وللعودة أسباب عديده نذكر منها :

أولا
وجود كوكبة جميله من الاخوان والاخوات المعجبين بمقال الراوي والمتابعين له والذين أسعدوني بوقفتهم معي وبدعمهم للمقال ولكاتب المقال فلهم مني كل تحية وتقدير

ثانيا
أنتهاء المشاكل السابقة التي تزامنت مع طرح مقال الراوي ولله الحمد

ثالثا
حاجتي الشخصيه لطرح المقال علي صفحات الانتر نت ليسهل الاطلاع عليه من قبل بعض الاصدقاء .. والاقربون أولا بالمعروف .. لذا سأطرح مقالي عبر منتديات أسرة العلا

رابعا
الاستفتاء الذى قمت بعمله حول المقال ولاقي نتائج جيده ولله الحمد تفضل بالاطلاع علي الاستفتاء (http://www.osrt-alula.com/vb/showthread.php?t=6942)

خامسا


والان وقفه مع الاخوة الكرام الافاضل الذين ساندوني ولهم الدور الاكبر في نجاح و وجود أبو خالد الراوي فلهم مني كل محبة ومعزة وتقدير وأحترام

أولا : لمساتكم عبر ردودكم علي المقال
http://101sqr.jeeran.com/photos/645491_l.jpg

ننتظر بشغف ذلك القلم العذب الذي يسل لنا تلك الرويات العلاوية الأصيلة

سأكون اول السعداء بموضوعك المقبل

اعتذر عن الرد فقد طالت غيبتك

ادام الله عليك الصحة

تحياتي

اللهم بر الناس اذهب الباس أشفى ابوخالد شفاء لا يغادره سقم وامده بالصحة والعافية أمين
الداعى لكم بشفاء والعافية محبكم
أبو عبدالرحمن

يعطيك الف عافية

صح لسانك ابو خالد

صح لسانك يا ابو خالد

السلام عليكم ورحمة الله وبركاته
اخوي ابو خالد حنا نعرف ان الراوي يعرف بنفسه ومن يكون وين يسكن لكي نتسني للرجوع اليه في كل ما يروي لنا فاذا عرفت من الراوي فانا من المؤيدين لرجوعه

السلام عليكم

اخوي ابو خالد

وجودك بيننا ضروري

سوأء عرفنا الراوي او لم نعرفه؟؟؟

صوتي من صوت العزيز / رعد الليالي:(71):

اهلا وسهلا بك يابو خالد وانا من المؤيدين لوجودك

بالله عليك

وين بتروح

ويهون عليك

تترك رعدالشمال

بدون راوي

تبي ترتاح

شوي ماعليش

معك اجازه

عشرين ساعه

فقط

http://101sqr.jeeran.com/photos/652492_l.jpg

لا ثم لا لاتغادر ابقى معنا واتحفنا برواياتك واطلالتك الرائعة 0
تحياتي 0

بدونك مستحيل
مش ممكن
ابو خالد
كلامي من كلام رعد الليالي

والوسم

وطيب القلب
رعد الشمال

لا

انا من المؤيدين لرجوعك ياابو خالد ومن غيرك احنا ولا شي

ههههههههههههههههههههه.......والله حلوه منك ياابوخالد وودي اسألك متى بتتقاعد........ويعطيك الف عافية.

* * *

ثانيا : لمساتكم عبر الرسائل الخاصة
يعطيك العافيه عل موضوعك الجميل في المواضيع العامه

بالتوفيق لكم

ابوعبدالله

:alslam3likm:

جزاك الله خير اخي ابوخالد
وبارك الله فيك

ومشكور على انجازاتك الرائعه بل الجميله

والكلمات تعجز عن مابداخلنا

ولك مني خلص التحيه
اخوك / دخيل الله المنصور

واتمنى لك السعاده والتوفيق ولايحرمنا لقائك بجنات النعيم

:xdeen:



:1:




:(71):

السلام عليكم ورحمة الله وبركاتة

اشتقنالك اخوي تعرف السفر

يعطيك العافية حبيبي

صباح الخير ياعم ابو خالد
اطلعت على جميع مواضيعك التي تحكي قصصا عن تراث العلا ولقد سررت بما وجدت من معلومات قيمه وثريه
اقدم لك شكري الجزيل لاني بحاجه لمثل هذه المواضيع
ليس لانني اقدم بحث او دراسه انما لانني احب الاطلاع ومعرفة المزيد عن هذه البلده لانني لم اعش بها ولا ازورها الا يوما واحدا بعد كل اربع او خمس سنوات
ولا اذكر الا شي بسيط عنا
ارجوك لاتحرمنا من متعة الحديث عن هذه البلده
وشكرا

مساك الله بالخير ابو خالدالراوي
ممكن تحكينا عن ايامك انت رواوي وكيف كانت ايامك

شكراً حبيبي
* * *

ثالثا : لمساتكم عبر البريد الالكتروني
* * *

فلكم مني كل الشكر والتقدير مع تمنياتي لكم بقضاء وقت ممتع واتمناء ان استفيد وأفيد وأن لاتجدو مني الا ما يسركم


..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[أبو خالد]

ملاحظة
_ هذا المقال تمت كتابته في مساء سوم الخميس الماضي .. وقمت بأظافته للمنتدي وتفاجأت بأختفائه .. ومن ثم قمت بأعادة كتابته و أظافته للمره الثانية في صباح يوم الجمعة .. وحذف وأختفي للمره الثانية .. والان نعيد كتابته من جديد والله يستر .. للأسف الشديد أختفي المقال الاول ولم أجده ولا توجد لدي نسخه أحتياطية لثقتي الكبيرة بالمنتدي .. المقال الاصلي أفضل مئة مره من ما كتبت بعاليه .. ولكن خانتني الذاكره ولم اظف العديد من الرسائل والردود التي أفخر بها .. أظافتا الي رسائل البريد الالكتروني والمحادثات علي الماسنجر التي اخذت منها مقططفات وأظفتها للمقال السابق .. أسباب الرجوع كانت 16 تقلصت للاسف الي 4 فقط .. خساره وليس لدي سواء ان أقول حسبي الله ونعم الوكيل .. ومن اليوم الحذر ثم الحذر ثم الحذر
تحياتي

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...

فالبداية أحب أن أعتذر للأحبه عن التاخير في طرح المقال والاشكالات التي رافقت هذا الطرح .. هذا حال الدنيا وكل يوم نتعلم درس جديد .. للأسف أنقطعت سلسلة الافكار وضاعت الفكره التى كنا قد بدأنا بمناقشتها حول المسلسلات الرمضانية والضجه المعتاده كل عام في شهر رمضان المبارك .. لو أخذنا جوله في جنبات المنتدي سنجد الكثير من المواضيع حول المسلسلات الرمضانية وكلها تتحدث عن مقاطعتها وشن حرب ضروس عليها وطحن القائمين عليها .. ولكن هل نحن فوق مستوى الشبهات ؟؟ .. هل جميع الاعضاء مصنفين بأنهم مقاطعين لهذه المسلسلات ولا يتابعوها كغيرهم ؟؟ .. أشك في ذالك

أذكر في ما مضي من أشهر مباركه انه في شهر رمضان كان الجميع بلا اي استثناء يتابعون المسلسلات الرمضانية .. ليس هذا وحسب .. بل تزدحم الشبات والاستراحات بالمتابعين .. وكنا ننسق برنامجنا اليومي وفق مواعيد عرض المسلسلات .. الجميع كان متابع والجميع كان متفاعل وناقد ومتذوق .. واليوم نجد الجميع اصبح معارضا ومطالبا بحضر هذه المسلسلات ويدعو الي مقاطعتها والبعد عنها !! .. ما الجديد ؟؟ .. الله أعلم

أذا كان التغير الحاصل نتيجة أهتداء وعوده للصواب وشراء الاخره وبخس الدنيا فهذا أمر في غاية الروعه والجمال .. واسال الله ان يثبتنا علي طاعته

و أن كان التغير ما هو الا مجاراتا للتيار وريائا وترديد لصدى الصوت وحسب فهذا امر جلل .. أنا عن نفسي أعترف بأني متابع شبه جيد للمسلسلات الرمضانية .. وعندي أحساس بأن غيري الكثير من أعضاء المنتدي والاخوة القراء يتابعون المسلسلات أيضا .. فلماذا نخادع أنفسنا وندعي المقاطعه والبعد .. لماذا نظهر عكس ما نبطن .. هذه ليست دعوه لمتابعت المسلسلات الرمضانية وانما دعوة لتصحيح الخطأ الذي وقع فيه الكثيرين .. نتفاجأ بأحدهم وهو يقول :
( أنا ما أتفرج علي التلفزيون .. وخاصتا المسلسلات الهابطه .. تريقه وقلت حياء .. يتريقو علي شبابنا وحريم تسوق وبنت تتزوج متعه وبنات يرقصن واغاني ومدري وشو ويستخفو بعاداتنا و و و و و )
ويعطيك شرح مفصل لكل المسلسلات .. من أين لك كل هذه المعلومات ؟؟ .. كيف وصلتك أخبار هذه المسلسلات ؟؟ .. وكيف أستنتجت وجهة نظرك الخلابه حول أحداث هذه المسلسلات ؟؟ .. الكل يدعي المقاطعه .. والكل يردد نفس الكلام ونفس الاصداء .. عقولنا أكبر بكثير من هذا الشي .. فبدل أن ننقل مواضيع ونرتكز علي اراء الاخرين لماذا لا نتكلم بألسنتنا نحن .. لماذا لا ننقد ما نراه وندعي اننا لا نراه ...

قد أكون مخطأ في تصوري هذا وكل ما قلته منافي للواقع .. ولكن ما يزال في قلبي شك بأني لامست وتر الحقيقه و وصلت للواقع .. رغم أني أتمنا العكس تماما

والان أسمحو لي أن أتكلم عن نفسي :
قبل بداية شهر رمضان بعدت أيام قمت بعمل فرمته كامله للقنوات الفضائيه .. وحذفت جميع القنوات ما عداء 12 قناة فقط .. قنواتنا السعودية ( الاولي والثانية والرياضيه والاخباريه وأفراح وتهاني و تهنئة ) و عدد محدود من القنوات .. وأعترف بأني أتابع هذه القنوات .. ولكني متابع سيئ .. فضروف العمل لا تسمح لي بالمتابعه .. حتى أني أتابع المسلسلات كيفما اتفق .. فلا ادري ما اسم المسلسل ولا الممثلين فيه .. وكثيرا ما أشاهد ممثل في دور سجين مثلا ومن ثم ضابط .. وتحصل معي ( خربطه ) بمعنا الكلمة .. ولكن لا يهم فمتابعتي للتلفاز لا تتجاوز قضاء لما زاد من الوقت فقط .. ومن ناحية ثانية أحب ان أكون مواكبا لما يدور حولي .. أنا مقاطع للمسلسلات المصريه ولا أتابعها نهائيا .. ولكني أتابع المسلسلات الهادفه مثل التي تتحدث عن سيرة أحد أبناء البادية بطريقه محترمه لايشوبها اسفاف أو خروج عن الذوق .. بالاظافه الي النافذه السعودية المسماه طاش ما طاش .. وطاش رغم كل عيوبها لا أحد ينكر أنها تلامس الحقيقه وتنبع من واقع مجتمعنا .. كل الحلقات المعدوده التي تابعتها من طاش لم تاتي بجديد .. وكل موضوع تطرحه نكون سمعنا به أو تكرر في مجتمعنا .. قد يكون هناك تحفظات علي الطرح ولكن المطروح صحيح .. حتي تلك الحلقه التي هوجمت و اتهمت بالاستهزاء بالدين ورجال الدين .. كلنا نعلم بأنها قصه حقيقيه ولا تخفاكم .. وهي قناة سعودية كانت تبث من الاردن تسمي قناة الخليجية .. والحلقه كانت تحكي فصولها والتغيرات التي طرأت عليها .. وأغلب الحلقات كانت لنفس الغرض .. أما مسلسل بيني وبينك فهو مسلسل كومدي فيه الكثير من الاخطاء والتجاوزات .. ولكنه مسلسل واقعي وهو مخصص للضحك .. والضحك مثل وجبة التحلية التي تتبع الوجبة الرئيسة .. ولنا الخيار في تناول التحلية أو تركها جانبا .. أما باقي المسليلات التي تابعت بعض حلقاتها فلها عندي تعليق مهم جدا وأن شاء الله سأطرحه فالقريب العاجل

أطلت عليكم وشكرا لتواجدكم معي

..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[رعد الشمال]

ابو خالد

طول بالك علينا شوي

الله يسلمك

مشكور

http://101sqr.jeeran.com/photos/792607_l.jpg

[باسم ابو سليمان]

الله يعطيك العافية

[ربيع]

لف راسي وانا بقرا يا ابو خالد
الدنيا نفسا درس ونحن نتعلم منها
والنجح هو الذي يصل بالنهاية الى نه يكسب القلوب
القولب الرهيفه

شكرا لك يا ابو خالد

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...


فالبداية أحب أوجهه كل الشكر والتقدير للأخوة الكرام اللي أسعدوني وشرفوني ومرو علي المقال وأطلعو عليه .. والشكر الاكبر للردود الجميله وللأخوان رعد الشمال و باسم أبوسليمان ولأبوريوف .. بارك الله فيكم وخليكم معنا

تكلمنا سابقا عن المسلسلات الرمضانية بشكل عام .. وذكرت أن لي عوده بخصوص بعض المسلسلات .. لكن مقال الراوي مقال متنوع زي ما عودناكم .. لهالسبب راح نأجل موضوع المسلسلات شوي ونتكلم بشي ثاني

اليوم بحكيلكم قصه حلوه .. بس هالمره ما صارت بالعلا صارت بمكان أبعد شوي .. يعني كم كيلو عن العلا .. بمدينة نيويورك تحديدا .. المهم هالقصه صارت في أحدي البنوك الامريكية .. يوم من الايام جاك هاك الرجال ودخل للبنك .. هاي وما هاى وكيف حالكم الزبده قالهم أنه يبي قرض .. يبغاء مبلغ سلف .. قالو خير .. عندك راتب ناخذ منه اقصاد عندك شي ترهنه بالمقابل قال ايه .. عندي سيارتي .. وكان معاه سيارة .. سيارة عادية .. عادية جدا .. سياره من نوع ماى باخ موديل 2006م بس .. سيارة بقيمة 800.000دولار بس .. يعني حوالي 3.000.000ريال سعودي بس .. مسكين ما عنده غيرها .. وهالمسيكين جاي للبنك ويبغاء 5000دولار سلف .. خمس الاف مره وحده .. وبيرهن هالقرنبع عندهم .. قالوله اوكي .. بس بناخذ عليك فوايد .. قلت حيى يتعاملو بالربا والعياذ بالله .. قال ما في مشكل .. شهر زمان وارجع المبلغ .. وبس

الرجال أخذ الفلوس .. والبنك أخذ السياره .. وحطوها بعيونهم .. عسيل ومداراه وكل يوم يجي واحد يتسدح عندها ويحلمو باليوم اللي ينتهي فيه الشهر وما يسدد صاحبنا ويصادرو سيارته .

اسبوعين ثلاثه وصاحبنا محضر بالبنك .. هااااااااااااااااى .. جيت اسدد الدين .. هاه كم وصلت الفوايد .. قالوله 15دولا مره وحده .. قال بسيطه .. وطلع قلم وكتب حواله من حسابه لصالح البنك بمبلغ 5015دولار فقط لا غير .. وقال هاتو السياره .. مدير البنك قاله ولاا يهمك سيارتك بالحفظ والصون .. وكل يوم نغسلها ونعتني فيها ونداريها لا تخاف عليها .. بس أبغاء أسألك سؤال .. توني مشيك علي رصيدك لقيت فيه ملايين .. وسيارتك ماى بخ 2006 .. وشكلك بزنس مان .. يعني رجل أعمال علي ما أظن ( أسألو اللي يعرفو أنقلش ) .. طيب لشن طلبت 5000سلف .. يعني معقوله مامعك قروش .. والا زنقه وعدت .. قال صاحبنا انا ما علي خلاف .. أشتريك أنت وبنكك ذا .. بس أنا كنت مسافر لأورباء .. وخفت علي السياره .. وأرخص قراش أحط فيه السياره ويكون قراش محترم وآآمن بياخذو مني حوالي 5000دولار .. أنتو حفظتو سيارتي .. غسيل وحراسه وحماية .. وكل ذا بـ15دولار بس ...

وبس أنتهت القصه

أشوفكم علي خير


..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...


الاب .. الأم .. الابناء
اليوم روايتنا مختلفه بعض الشي .. دعونا من التكلف ولنتحدث لغتنا الام ...
اليوم سالفتنا غير .. بنتكلم عن المثلث الالماسي .. الابو والام والابناء .. والكلام طويل ويبغاله دواوين وأقلام وحبر وثلاث اربع منتديات عشان نوفيه حقه .. لكن اليوم بأتكلم عن نقطه معينه .. النقطه هذي هي عباره عن معادله حسابيه .. وهي كالتالي :
أب + أم = أبناء - طلاق + ضياع = أبناء + ألم + وحده + خساره = أهل
أب + أم = أبناء أبناء = أهل
مهما أختلفت المعادلات وطرق الحساب فالناتج واحد .. أب و أم و أبناء يساوي أهل .. رغم كل المتغيرات ورغم كل التقسيمات ورغم كل الاخطاء والنواتج الاهل يبقو أهل

عندنا ثلاث مشاكل رئيسية .. الطلاق .. القسوة .. الاهمال

الطلاق
شرع الله .. صحيح أبغض الحلال بس هذا أمر الله .. والطلاق له محاسنه زي ماله مساوئه .. الطلاق وسيله شرعيه لتنظيم الاسره ولأصلاح الاخطاء .. وممكن يكون فيه خير للطرفين .. وما شرعه الله سبحانه الا لعلمه عز وجل بأن الحياة الاجتماعية زي ما تحتاج للزواج والارتباط تحتاج أحياننا للطلاق

القسوة
للأسف فيه نسبه كبيره من الاباء والامهات يتمتعون بقسوة غريبه وعجيبه .. قاسين علي عيالهم وبناتهم .. صراخ زعل عصبيه ضرب وأحياننا توصل للأهانات بعد .. وكل هالقسوة تنعكس علي الابناء في حياتهم دراستهم مستقبلهم تعاملهم مع الناس وحتى تعاملهم مع أبنائهم فالمستقبل

الأهمال
فوقتنا الحاضر بدع الاهل في أهمال أبنائهم .. زمان الاب المهمل تلقاه بلشان بالمزرعه أو فالبل أو أن خربت خربت تلقاه راعي سهر وخرابيط وهم قله ولله الحمد .. اليوم تلقاء الاب لاهي بالدردشه الكتابية ( شات ) .. والام عالماسنجر .. سفر رحلات شبات حفلات سهرات زيارات و مشاغل الحياة اللي تخلي الواحد ينسي عياله ولا يفكر فيهم .. لدرجة الواحد ما يسال ولا يحاسب والا يكون رقيب علي نفسه وأهله

النتيجه
كلكم عارفينها .. ومات خفي كان أعظم .. وصعب نشرح ونحوي فمقال واحد .. تشتت ضياع تفكك ألام عقد نفسيه كل مشاكل الدنيا واحد من أهم أسبابها التفكك الاسري .. حتي أهم شي بالحياة اللي هو الدين والعباده بيتأثر بعوامل تفكك الاسر ...

ما أبغاء أطول بهالمجال ولا أفتح جروح ولا أقلب مواجع .. لكن عندي نقطه مهمه أبغاء القي الضوء عليها .. وهي الاهل

الأهل
الأهل ثم الأهل ثم الأهل .. مهما صار ومهما تم يبقو الأهل أهل .. (( ولا يغير الله ما بقوم حتي يغيروا ما بأنفسهم )) .. مستحيل ننعم بالحياة ونرتاح بالدنيا وأن شاء الله بالاخره بعد الا أذا أحسنا معاملتنا لأهلنا .. أب قاسي نعامله باللين لين يلين .. وحتى لو ما لان يبقاء أب .. نفتخر فيه ونشيله علي روسنا .. أم لاهيه أو قاسية هي كمان برضه تعتبر أم .. ومهما صار أم .. نحطها بالعين والقلب .. ونعطيها كل شي لأنها تستاهل كل شي وأخنا بدونها ولا شي .....

أكره كلمة في قاموس البشريه يوم يقول الولد او البنت أهلي ما يستاهلو .. لا ثم لا ثم لا .. الاهل يبقو أهل مهما صار .. ظروف الحياة متطلبات البشر أحكام القدر الزواج الطلاق والزواج وغيره وغيره كلها أمور ممكن تحول الحياة الي الم وجراح وحزن .. وأحنا بشر كل شي ممكن يأثر علينا .. يعني الولد يشوف أبوه مهتم بأولاده من زوجته الثانية وتاركه هو لانه ولد البطه السوداء من حقه يزعل ويتضايق .. لكن واجب عليه أنه يحب أبوه ويعامله معامله حسنه .. البنت تشوف أمها لاهيه بدنياها وبزوجها وتاركتها تزعل هي كمان .. لكن مهما صار هذي أمها .. و واجبها تجه أمها معروف وما يبيله شرح .....

عندي فكره حلوه
كل واحد يمر بموقف مشابه قدامه حل من أثنين .. أو يختار الحلين سوا .. الحل الاول أنه يطالع ويتذكر ويبحث ويسأل ويسمع ويشوف البشر اللي حوله .. أبائنا وأجدادنا وصولا اي السلف الصالح والصحابه والانبياء عليهم صلوات الله وسلامه .. كيف كانت حياتهم وكيف تعاملو مع أبائهم و أمهاتهم سواء كانو حليلين أو قاسين .. شوفو العبر والقصص الي تحكي عن البر بالوالدين وحاولو تقلدوهم وتاخذو العضه منهم .. شوفو سعادتهم فالدنيا ونتائج تربيتهم لأبنائهم رغم قسوة أبائهم وأحكمو بأنفسكم .. صدقوني راح تشعرو بالغبطه وتتمنو توصلو منزلتهم

الحل الثاني انه نسمع ونشوف الامثله السلبيه اللي حولنا .. والمثل يقول من شاف مصيبة غيره تهون عليه مصيبته .. بنت تقول بابه ما يهتم فيها نقلها شوفي زميلتك ما عندها بابه .. أبوها متوفي .. ولد يحسد صاحبه علي دلع أمه نقله أحمد ربك أن عندك أم .. كم ولد وبنت عايشين بديره وأمهم بديره ثانية .. كم ولد وبنت عايشين بديره وأمهم جنبهم بنفس الحي بس ما يعرفوها ولا تعرفهم .. كم ولد وبنت ما يعرفو مين أبوهم .. كم يتيم وكم مسكين وكم مظلوم وكم أبن أنولد وأهله مساجين وكم مريض وكم مدمن مخدرات وكم مجرم وكم سكير عربيد وكم وكم .. صدقوني أحنا بنعمه .. وهالنعمه واجب شكرها .. أذا الابن بيزعل من أبوه عشان كف أو ضربه بيده وش يسوي الابن اللي أبوه يذبحه باليوم مئة مره وهو يقله أمرك .. وين راح أسماعيل عليه السلام يوم يعطي السكين لبوه ويقله أفعل ما أمرت به .....
أذا البنت بتزعل من أم حرمتها من المصروف أو نزلت السوق أو الكلمه الطيبه وش تقول البنت اللي تقدمهاأمها للزباين وتقبض الثمن .....
أذا البنت بتزعل من أبوها عشان ضربها أو قلها كلمه زعلتها وش تقول البنت اللي أبوها أغتصبها .....
أذا الولد بيزعل من أمه عشان كلمة أو منع من زواج أو عدم أتفاق مع زوجته وش يقول الولد اللي أمه بتبيع نفسها او بتتعاطي مخدرات أو .....

كل هذي أمثله بعيده عنا ولله الحمد .. وكلنا بخير ونعمه .. طيعو أهلكم .. أصبرو علي قسوتهم .. تكيفو مع ظروفهم .. حتي في حال الطلاق هذي حياتهم وأنتو مجبورين تعيشوها .. لا حبك قلبي ما ضامتك عيني .. الحب يخلينا نشوف الاسود أبيض .. نشوف الاسائة حسنه .. نشوف السلبيات قمة الايجابية .. وحب الاهل واجب .. طاعة للرحمن وراحة بهالزمان و أستثمار للمستقبل .. عيالنا راح يعاملونا زي ما شافونا نعامل أهلنا

نرجع للمعادله :
أهل = حب + طاعه + صبر + أحتساب عند الله = أب = أم = أبناء

الأهل ثم الأهل .. وما ينفعنا غير الاهل .. زوجتك اللي فضلت عليها أهلك ما قبلت فيك لو ما جو معاك أهلك .. و زوجك اللي بعتي أهلك عشان بكره يبيعك بأرخص الاثمان

والزوجه اللي تشوف زوجها شايل أهله بعيونه بتحطه فوق راسها .. والزوج كذالك .. لكن مستحيل زوج أو زوجه تحترم زوج عاق أو زوجه عاقه

الأهــــــــــــــل ثم الأهـــــــــــــــــــل

طولت عليكم اليوم وسامحوني علي القصور وأن شاء الله يعجبكم الموضوع


..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[ابن العلا]

اهلا وسهلا بعوتكم . مبدع كما عهدنك راوي أسمآ على مسمآ الحياة مدرسه نتعلم منها ونستفيد من خبرات أبو خالد الراوي مقدمه على طبق من ذهب أختصار مفيد بدون خلال
بارك الله فيكم وعلي مشاركة ابناء عمومتك خبرتكم الجميله في مدرسة الحياة
وتقبل مرور محبكم
أبو عبدالرحمن

[أبو خالد]

مشاركاتي الحين 999 يعني زي رقم المباحث

وهي مشاركتي رقم 1000 يعني

الالفية الاولي

وكنت اتمنا تكون المشاركه رقم 10.000
حبا في هالمنتدي الرائع

ويسعدني ويشرفني أن مشاركتي الالفيه تكون رد علي أستاذي الفاضل وقائد هالصرح الجميل أستاذنا الكبير سليم الماضي

أبن الــعــلا

وأحب أشكره بهالمناسبه علي دعمه وتواجده معنا و وقفاته الجميله معي ومع باقي الاعضاء وعلي هالامكانيات الممتازه اللي وفرها لنا لخدمة العلا وأبناء العلا ولجمع شمل الاسرة العلاوية ولدعم أواصر الترابط وصلة الرحم في ما بيننا

وفقك الله وبارك فيك و أدامك لنا

تحياتي أستاذي

أخـــــــــــــــوك
أبـو خـــــالـــــد
الـــــــــــــــــراوي

[أبن الوطن]

بارك الله فيك وفي موضوعك أخي الكريم

:f0714757c9:

زيارة وتحية للمواضيع الوطنية

:719c9ffbb8:

دمتم ودام عزك يا بلادي
دمتي عروس الجبال والجمال

[*حبى الزاهر*]

http://www.9m.com/upload/2-10-2007/0.7417201191312635.gif

http://www.9m.com/upload/2-10-2007/0.32101191312711.gif

[أبو خالد]

أبن الوطن

حبي الزاهر

أسعدتوني و شرفتوني ونورتو المقال

ومشكورين عالمرور والمشاركة

تحياتي

[ناجي آل مسعود]

الله يعطيك العافية

[أبو خالد]

الله يعافيك ناجي

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...


مين أذكاء .. حنا وألا أمريكيا .. ؟؟
كثيرين يقولوا أمريكا .. لأن أمريكا فيها أمريكان .. فاهمين ومتعلمين وحركات محد قدهم .. لكن خرطي ما عندهم ما عند جدتي .. واسالو أخويانا اللي درسو بأمريكيا .. وفيه كم واحد هنا درسو هناك .. صدقوني الأمريكان عندهم كل شي من قرنبع الدنيا .. لكن جد ما عندهم سالفة .. واليوم جايبلكم سالفة حلوه .. تثبت مدي الذكاء الخارق عند الخماجات .. وسالفتنا اليوم مغبره شوي زيي .. يعني صارت سنة 1994م .. وصارت في ولاية متشقن الأمريكية .. وهالسالفه رغم أنها غريبة شوي بس تراها صحيح وأنا شاهد .. لان القصة هذي كانت مصوره بكمرة مراقبه .. ما أطول عليكم واحكي لكم السالفة

يوم من الأيام كان في بنت اسمها فلانة ( ناسي اسمها بس خلينا نسميها بوشه ) .. بوشه ذي عمرها 16سنوات .. وتدرس فالثانوي .. عندهم هناك النظام غير .. يعني عندهم سستم .. العيال والبنات يشتغلوا حتى أيام المدارس عشان يعتمدون علي أنفسهم ويزبطو أمورهم ويشترو لوازمهم الخاصة مثل الدخان والمخدرات ولعب القمار والسكار والسهرات الخربانه .. المهم بوشه ذي كانت تشتغل بمطعم ماكدونلدز ( أن شاء الله كتبتها صح ) .. وكان دوامها من الساعة مدري كم لين الساعة 9 بالليل .. وهناك الموظف يجي ويلبس لبس الشغل فالمطعم نفسه .. يعني كل واحد عنده دولاب يحط فيه خلاقينه ويلبس لبس ماكدونلدز .. وهالدواليب جايه بغرفه صغيره .. فيها دواليب ومكتب صغير عليه تلفون ( الله يلعنه من تلفون ) وفيها لوحة الأوامر والتعاميم والجداول وهالشغلات .. بوشه غلق دوامها وراحت للغرفة تبي تغير خلاقينها وتروح للبيت .. دخلت للغرفة وما كان فيها احد .. ودق التلفون .. ردة بوشه .. نعم مين .. ؟؟

رد عليها واحد .. وقلها أنا مسؤول فدرالي .. مين أنتي .. ومين ومين ومين ... المهم كل ما سألها تجاوب زيا لبقره .. علمته بأسمها وكل المعلومات اللي سال عنها .. مين مديرك وين ساكنه كل شي كل شي .. آخذو حوالي نص ساعة عالتلفون والبنت خايفه مسكينه وهذا مستلمها .. كانوا زملائها داخلين طالعين كل واحد يغير ويروح بيته ولا كأنه شايف شي .. شوي سألها هاك الملقوف ( وخلينا نسميه جورج ) .. جورج ذا دب وأبله وعمره 24سنه .. سألها مين بتكلمي .. قالت هذا مسؤول .. واللي عالتلفون قالها مين هذا قلت هذا جورج .. وبداء يسال وهي تعطي معلومات عن جورج وتوصفه للمتصل .. وكملو تحقيق .. شوي مدري وش قالت قام قلها أنتي غلطتي ولازم تعاقبي .. جورج موجود قالت إيه قال عطيني إياه .. كلم جورج وقاله ابغاك تضرب بوشه لأنها غلطت .. جورج قال لا مايصير قاله لا تخاف هي موافقة .. قام جورج سال بوشه قال موافقة أضربك قال إيه ( خايفه ) .. قام المتصل قال لجورج خليها تنسدح علي الطاولة واضربها علي مؤخرتها .. وذا البقرة تسمع الكلام وتحط صدرها عالطاوله وذا يضربها .. والمتصل يقله كمان كمان .. بعدين قله أنا ماني سامع صوت الضرب .. خليها تفصخ تنورتها .. ( وما راح تصدقوا ) فصخت البقرة وجلس يضربها وهي تتألم بس موافقة .. شوي قاله خليها تفصخ كل ملابسها .. عيا جورج قال للمتصل خذ أنت قلها .. كلمها المتصل وقلها ابغاكي تفصخي كل ملابسك .. قالت حاضر .. وفصخت كل ملابسها .. لا وجالسه تصيح بعد وتقله بليز ودي أمي أبغاء أروح بيتنا وهو يقول لا خليكي هنا .. المهم شوي شوي لين خلها تسوي حاجه ماراح أقولها لأني استحي أكتبها .. والحمار ذا جورج مبسوط .. كل ذا والمشرفة حقتهم كل شوي تدخل للغرفة وتقلب فالأوراق وتسجل وتكتب وتروح وتجي وعااااااااااادي جدا ولا كأنها شايفه شي .. وبوشه كل ما شافتها تقلها فكيني بليز وذي مطنشه ولا كأنه في شي .. وعلي ذا الحال للساعة 1 بالليل .. من 8ونص تقريبا لـ 1 بالليل .. يعني أربع سااااااعات ونص وذا مضطهد البنت علي التلفون .. لا والنكت هان جورج تعب .. وخلاص استانس واخذ اللي يبغاء .. قام وطلع .. جاء بعده واحد وسوي نفس الفلم .. ثالث واحد كان محترم شوي .. رفض هالخرابيط وكاش علي البنت وقلها البسي خلاقينك .. وكلم المتصل من أنت وش تبي جلس يضحك صاحبنا وسكر الخط ................ وبس

انتهت السالفة

تخيلوا سالف هزي ذي .. يعني تدخل العقل وإلا لا .. ؟؟ .. ما تنبلع .. بس أنا شفتها .. القصة ذي صارت بالمطعم وتحت وحده من كمرات المراقبة .. وكانت مصوره من الألف للياء .. لا والتلفون فيه خاصية تسجيل مكالمات .. يعني كل الفلم ذا مسجل صوت وصوره .. طيب وبعدين .. أهل البنت بلغو الشرطة بنتنا ما جت .. شوي وإلا داخله عندهم للقسم تبكي وش فيكي قالت صار كيت وكيت وكيت بس بالانقليزي يعني ذس وذس وذس .. ودعوه ورا دعوه .. ومحاكم ولجان وقضيه استمرت حوالي ثلاث سنين .. والبنت تطالب ماكدونالد بمبلغ 200.000.000دولار أمريكي كتعويض .. وبعدين مدري وش صار .. يمكن للحين حايسن بالمحاكم

كل ذا كوم واللي راح أقوله ذا كوم .. تدر وان هالقصه تكررت فامريكيا أكثر من 64مره .. هههههههه تخيلوا .. بين عام 1968 إلي عام 1998 تكررا حوالي 64مره .. وهذي المرات المسجلة فيها بلاغات وبس .. وما خفي كان أعظم .. لكن صدقت دعوات المسلمين يوم يقولوا اللهم أجعل كيدهم في نحورهم .. بسوو المستحيل ويصرفو ملايين عشان يخربو عيالنا وشوفو وش آخرتها

طولت عليكم اليوم بس إن شاء الله مقال اليوم عجبكم



..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...

اليوم مدري وش أكتبلكم .. بدورلكم علي موضوع بس ماني لاقي .. تدرو أحكيلكم قصه .. كان يا ما كان .. مبطي من زمان .. كان فيه واحد ملقوف .. لا كانو مجموعة ملاقيف .. وكنا برمضان .. قصدي هم كانو برمضان .. ومسوين فيها رياضيين وجالسين يهرولو علي طريق العذيب .. يعني بعد الديره طريق الشبات .. و قتها كانو توهم مسوين السيدين .. وشغالين بالرصيف اللي فالنص .. مع السواليف والهروله نسيو انفسهم ونسيو مركز البوليس .. اخويانا كانو من الحجم العائلي .. ومزحهم كمان عائلي .. كانو بيلعبو بالرصيف .. الحجار الكبيره حقت الرصيف يشيلوها ويطشوها بالارض .. المهم اخر حجر شالوه كان قريب للشرطه .. وطبعا شافوهم .. واحلاء مطارده
ركيضه لين طلعت روحنا .. دخلنا من مزرعة سرور الله يذكره بالخير ونزلنا عالعاقول .. والعسكر ورانا مصرين غير يمسكونا .. وهاتك من حفره لجدار لكومة جريد .. وحاله .. وهالكلام كان حوالي الساعه 4 الفجر .. وظلمه ما تشوف ايدك .. يعني انا بنهظم السحور .. انا عن نفسي طحت بكومة جريد ورحت فيها .. جروح وتشقق بنطلوني الجينز وحاله ( نصاب قميص وسروال سنه ) .. المهم خوينا الثاني نقز جدار وتفاجأ بوجود حفره .. حتى انا تفاجات بصريخه يوم طاح .. الثاني تزحلق فطين وراح عجين .. قلب كرميلا .. وتلطخ وحالته حاله حتي ثمه وعيون كلها طين .. واحلا شي خوينا الاخير .. هذا مسكوه قبل يدخل للمزارع .. بس صاحبنا دقر بالارض .. ثبت رجوله وتنح .. اربع عساكر يحاولو يسحبوه للجيب ما قدرو غير بعددددددددددين يوم تعب الرجال ركبوه .. بس عاد الباقي مشفر ماني قايل .. بس كانت ايام حلوه .. ولا تجربو يا شباب واعقلو شاطرين .. ختاما تحية حب وشوق لجميع الاصدقاء
تحياتي لـــ :
م م س
م م ش
أ ع
أ م س ش
م أ ح
وتحياتي للجميع

..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[أبن الوطن]

كل يوم نتعلم = من الدنيا دروس
في هذي الدنيا = ما أنولد أحد متعلم

المشكله الاحقاد = وضعاف النفوس
أحترت أنا مدري = معاهم كيف نتفاهم

دمت أخوي ودام عزك يا بلادي
دمتي عروس الجبال والجمال

[أبو خالد]

جبتها عالجرح طال عمرك

وصح لسانك ولسان من قال

مشكووووووووووور عزيزي عالمرور الكريم والمشاركه الجميلة

من جد بلشت وياهم كيف نتفاهم

لكن هذا حال الدنيا

كل يوم درس جديد

تحياتي

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...

بصراحة .. الوضع ما يطمن .. وشكله المقال ما عجبكم .. لكن ما يخالف .. وكل الشكر والتقدير للأخوان اللي تواصلو معي وما زالو متابعين المقال .. علي راسي والله .. ولعيونكم راح نكمل

موضوع اليوم عن الزواج .. وموضوع اليوم راح يكون موضوع مشترك أتمنا ألقاء من يشاركني فيه .. الزواج .. تكلمنا كثير عن الزواجات وعن اشياء كثيره .. لكن ما احد منا تكلم عن موضوع مهم جدا يتعلق بالزواج .. اللي هو كيف نتزوج .. ؟؟

كثير يدور فبالهم هالسؤال .. ابغاء اتزوج لكن ما اعرف كيف .. أحنا كل يوم نتعلم .. ما طلعنا من بطون أمهاتنا متعلمين .. واحد تقله أمه ودينا لبيت فلان عندهم شبكة .. راح يقول حاضر .. لكن ما احد منا تجراء وسال وش يعني شبكه .. ؟؟

أدري أن كلكم فاهمين وعارفين .. لكن في بيننا اللي ما يعرف هالامور ولازم يتعلم .. في ناس متزوجين وما يدرو كيف تزوجو .. قصدي التفاصيل .. تفاصيل الزواج أو المراسم او العادات والتقاليد وخطوات الزواج .. هذا كله كوم وأختلاف العادات والتقاليد من بلد لبلد كوم ثاني .. المهم الحين أننا نبحث عن عاداتنا العلاوية وبعدين نقارنها بالعادات الاخري

لو سألنا اي واحد راح يقول بسيطه .. خطبه ملكه عرس خلاص زواج .. هذي كلها عارفينها .. احنا نبغاء التفاصيل .. من الاف الي الياء .. يعني شاب فكر يتزوج .. وش يسوي .. ؟؟

البداية فمنزل الشاب .. يتوجه لمين ويكلم مين .. ايش دور الاب والام والاخ والاخت .. ؟؟

كيف يختار العروس .. ؟؟

ايش الحاجات اللي لازم يجهزها ويفكر فيها قبل العرس .. وايش الشروط اللي لازم يكملها قبل يتزوج .. ؟؟

حط نفسك مكان العريس مره ومكان ابو العريس مره ومكان اخوه مره ثانية .. وش راح تسوي وكيف راح تتصرف .. ؟؟

وانتي كمان .. حطي نفسك مكان العروس ومكان ام العروس ومكان ام العريس بعد .. واخواته وعماته وكل وحده لها دور بالعرس .. ايش راح تسوي بالضبط .. ؟؟

خلصنا من الخطوه الاولي نبداء بالثانية .. الخطبه

أيش نقول .. مع مين نروح .. الساعه كم نروح .. ايش نلبس .. وش نسوي .. ؟؟

أهل العروس .. كيف نستقبل العريس .. وش نقوله .. كيف نتصرف .. وش نسوي حنا كمان .. ؟؟

المتزوجين .. مين منكم عنده أستعداد يكتب عن تجربته فالزواج والخطوات اللي اتبعها عشان يفيد غيره .. ؟؟

ونكمل مع بعض خطوه خطوه

لا أحد يستعجل .. شاركو أكثر من مره .. حبه حبه

راح أضيف روابط تابعوها وشاركو حسب الرابط ( بعد أذن المشرف طبعا )( الله يخارجنا )

الروابط

شارك في موضوع الاستعداد للزواج (http://www.osrt-alula.com/vb/showthread.php?t=8013)

شارك في موضوع الخطبة (http://www.osrt-alula.com/vb/showthread.php?t=8014)

شارك في موضوع الشبكة والمهر والتجهيزات (http://www.osrt-alula.com/vb/showthread.php?t=8015)

شارك في موضوع الملكة وعقد القران (http://www.osrt-alula.com/vb/showthread.php?t=8016)

شارك في موضوع حفل الزفاف .. ليلة العمر (http://www.osrt-alula.com/vb/showthread.php?t=8018)

شارك في موضوع مــا بعد العرس .. القفص الذهبي (http://www.osrt-alula.com/vb/showthread.php?t=8019)

شارك في موضوع تجربتي .. شاركونا بتجاربكم (http://www.osrt-alula.com/vb/showthread.php?t=8020)

شارك في موضوع مواقف وطرائف العرسان والعرائس (http://www.osrt-alula.com/vb/showthread.php?t=8021)

أتمنا ما اثقل عليكم بمواضيعي وان شاء الله نلقي النجاح ونوصل للمطلوب .. وبالله التوفيق

أطلت عليكم وشكرا لتواجدكم معي

..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[ابن العلا]

الله يعطيك العافيه.... ياأبو خالد اثريتك مشاغب انت والمجموعه من زمان وانا اقول منين جايب الذكريات الجميله وهذه الروح المرحه .. ...اعذر الاخوان الزوار علي مقالاتك نظرآ لتفرغهم لشراء ملابس العيد والحلويات ... وان شاء الله تري ردودهم قريب لاتنسانا من صالح دعاك من جوار الحرم النبوي وكل عام وانت الله ربك أقرب دمتم بخير
وتقبل مرور محبكم
أبو عبدالرحمن

[أبو خالد]

الله يعطيك العافيه.... ياأبو خالد اثريتك مشاغب انت والمجموعه من زمان وانا اقول منين جايب الذكريات الجميله وهذه الروح المرحه .. ...اعذر الاخوان الزوار علي مقالاتك نظرآ لتفرغهم لشراء ملابس العيد والحلويات ... وان شاء الله تري ردودهم قريب لاتنسانا من صالح دعاك من جوار الحرم النبوي وكل عام وانت الله ربك أقرب دمتم بخير
وتقبل مرور محبكم
أبو عبدالرحمن

شرفتنا بمرورك العطر أستاذ سليم .. ومشكور على المتابعه والتشجيع .. مشاركتك تكفي وزيادة وأن شاء الله الاخوان ما يقصرو .. وأن شاء الله أضيف مشاركات الاصدقاء فالمنتديات الاخري للأستفادة .. كما أشكرك على ردكم الكريم على رسالتي .. أمل تقبل هديتي المتواضعة وجزاكم الله عنا كل خير

تحياتي

[باسم ابو سليمان]

يعطيك العافية اخوي ابو خالد

[غريب]

اخوي ابو خالد الراوي

اسعد الله ايامك

والله لا يحرمنا منك

دايم تفيدنا بطرحك

[أبو خالد]

حياك الله يالغريب

منور يالغالي ولك وحشه .. زمان ما شرفتنا بطلتك البهية

والحمد لله والشكر بأن من علينا بطرح ما يلاقي قبولكم وأستحسانكم

وأن شاء الله نكون عند حسن الظن

تحياتي

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...

اليوم المفروض أتابع معاكم موضوع الزواج .. مجموعة مقالات للأن ما أخذت حقها .. وكل الشكر والتقدير للإخوان اللي تفاعلوا مع الموضوع وشاركوني .. وكل الشكر والتقدير للإدارة اللي سمحت و أبقت المقالات .. وأنا بانتظار مشاركاتكم

اليوم طلعت علينا شعلة المنتدى بموضوع جديد .. وهذي عوايد كناري دايم سباقه لكل جميل ورائع .. شدني الموضوع وحبيت أضيف عليه تعقيب بسيط .. خاصتا أن موضوعها فيه نقطة مشتركة مع مقالاتي بخصوص الزواج .. أدخلوا علي ذا الـــــرابـــــط (http://www.osrt-alula.com/vb/showthread.php?t=8035) وخذو فكره عن الموضوع وعن الصورة المرفقة

موضوع كناري عن تشوه خلقي لأحد المواليد .. والتشوه هذا ماني عارف نوعه بالضبط ( يبيلها دكتور وراح أسال بأذن الله ) .. لكن أتوقع أن التشوه ممكن يكون جنين آخر غير مكتمل .. يعني ممكن يكونوا تؤأم سيامي نادر .. وممكن يكون ورم أو تجمع دموي تطور لين صار بهالشكل

أنا هنا أبغاء أناقشكم في سبب التشوه .. طبعا أولا و أخيرا هذا أمر الله وخلقت ربنا .. وما عليها أعتراض .. و ما نقول غير الحمد لله الذي عافانا مما أبتلاه .. والله يديم علينا نعمة الصحة والعافية اللهم آمين

لكن الله سبحانه وتعالي قال (( وجعلنا لكل شي سببا )) وأحنا لازم نبحث عن السبب عشان نستفيد ونتعض .. أعتقد كلكم بتفكرو نفس تفكيري .. الأمراض الوراثية

أحتمال كبير ويمكن هو الأقرب للصواب أن التشوه الخلقي ناتج عن خلل في جينات الوراثية .. العلم تقدم بشكل كبير .. وطب الهندسة الوراثية أثبت بما لا يدع مجال للشك بأن الهرمونات والجينات سبب رئيسي فالتشوهات الخلقية وباقي الأمراض الوراثية .. عليه أتفق الناس علي حل أحترازي لتفادي هالامراض والمشاكل الوراثية .. و الحل هو الكشف الطبي للراغبين بالزواج .. كلكم تعرفوا زواج الأقارب وما ينتج عنه من مشاكل صحية في بعض الحالات .. نحن لا نعمم ولكن نقول البعض .. نسبة 50% ويمكن أكثر من شعبنا السعودي متزوجين من الأقارب .. ويمكن ما أبالغ لو رفعنا النسبة لـ 80% .. والحمد لله ما عندهم خلاف .. لكن ما ننكر وجود أمراض وراثية .. لكن ما ننكر أنه من أيام أجدادنا والناس تعرف أن بيت فلان دمهم حلو وما يبراء جرحهم .. يعني عندهم داء السكري .. وبيت فلان عنده البرص .. وبيت علان فيهم عرج .. ومن هالكلام

مؤخرا الدولة رعاها الله فرضت علينا برنامج الكشف الطبي للمقدمين علي الزواج .. وهالكشف خدم ناس كثير .. وكشف أمراض كثيرة ممكن لا قدر الله تنشأ بسبب زواج شخصين معينين .. والحديث عن الكشف الطبي يطول .. ومن حقه أفراد موضوع خاص فيه

كثير منا تضايق وزعل لما نزل هالقرار .. وكل صيفيه تلقاء الناس شغالين حش ونقاش فهالموضوع .. وليش كذا وليش كذاك .. وهذا غلط وهذا صح .. وهذا وهذا ..............

الصورة اللي جابتها كناري أوضح وأكبر رد علي كل هذه الألسن اللي ماهي مقتنعة بنظام الفحص قبل الزواج .. صحيح المقدر والمكتوب مامنه مهروب لكن الله خلق لنا عقل نفكر فيه ونعرف الصح من الخطاء .. وشئ اتفقوا عليه الناس و أثبتوه علميا فواجب علينا ان نعمل به .. حتى الرسول صلي الله عليه وسلم ذكر في سنته الطاهره في ما معنا الحديث ( أن العرق دساس )

أطلت عليكم وشكرا لتواجدكم معي

..... و كل يوم نتعلم من الدنيا دروس .....

هذا العمل المتواضع مهدا مع التحية للغالية الحنين و للأخت أميرة الأحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[*حبى الزاهر*]

ررررررررررررووووعه وكلمة مبدع في حقك قليله
دائم متالق ابا خالد فعلا الوراثه تلعب دور كبير بعد الله جلا وعلا في التشوه الناتجه من زواج الاقارب
نسال الله السلامة للجميع
رعاك الله وحماك
http://www.ghalay.com/up/get-10-2007-9oe9cwjz.gif (http://www.ghalay.com/up)

[أبو خالد]

الرائع حضورك ومتابعتك عزيزتي

نورتي الموضوع وعطرتيه بمشاركتك الجميله

مشكوره يا حبي الزاهر

مشكوره عالمرور والمشاركة ومتابعت المواضيع

ومشكوره علي نقاط التقيم

تحياتي عزيزتي

[رحال الشمال]

الله يعطيك العافيه يا ابو خـــــــــــــــــــــالد

[تناهيد الحب]

:002::002::002::002:
ماشاء الله عليك يابو خالد
روايتك اليوم رائعه
تحتاج لمن يساهم بها بتجاربه اتمنى ان تجد مبادره
أسعدتي بروايتك
وبانتظار المزيد

[أبو خالد]

الله يعطيك العافيه رحال الشمال

نورت المقال

شكرا لمرورك الكريم

تحياتي

[أبو خالد]

عزيزتي تناهيد

لولاكي و لولا أحبائي و أعزائي المتابعين للمقال لما ظهر بهذه الصورة

لكي مني كل الشكر والتقدير وفائق الاحترام لشخصكي الكريم ولأصلكي النبيل

غمرتيني بعطرك الرائع ومتابعتك الجميله للمقال و لجميع مشاركاتي

و أن شاء الله نكون عند حسن الظن

أنتظرينا و أعذريني علي التقصير

تحياتي سيدتي

[أبو خالد]

رسالة خاصة للجميع :

بــــــــــسم الله الرحمن الراحيــــــــــم
الـــــسلام عليكم ورحمة الله وبركاتـــــة

كـــــــــــــــل عـــــام و أنــتــم بألـــــ1000ـــــف خير

عيدكم مبارك وسعيد أن شاء الله .. وعساكم من عواده العايدين الفايزين المهتدين الصايمين المطيعين لربهم .. والله يعيده علينا وعليكم باليمن والمسرات اللهم آمين
اللهم آمين
اللهم آمين

يسرني بهالمناسبه السعيده أن آرفع أسماء ايات التهاني والتبريكات لشخصكم الكريم الله يعيده علينا وعليكم باليمن والمسرات .. والله يجعلنا من العايدين الفايزين برضى ربهم ويجمعنا بنبيه الكريم وبصحابته يوم الدين .. الله يتقبل طاعاتكم وصيامكم وقيامكم .. والله يمحو زلاتكم ويخفف من ذنوبكم اللهم آمين

أسعدنا الله سبحانه وتعالي بصحبتكم و بجمعنا وياكم فهالاسرة الجميله الله يديمها لنا ويديم المحبه بيننا ونورث هالصرح الرائع لأبنائنا أن شاء الله

أكرر تهنئتي لكم بالعيد السعيد و أهني نفسي بصحبتكم وبتواجدي معكم

بارك الله فيكم و وفقكم لما يحبه ويرضاه

أخوكم ومحبكم
أبــو خــــــــــــــــــــالــــــــــــــــــــد
الــــــــــــــــــــــــــــــــــــــــــــراوي

[تناهيد الحب]

http://www.s7rup.com/up/get-10-2007-s7rup_com_ced6msz8.gif

[أبو خالد]

الله يجزاكي كل خير يا تناهيد

والله يتقبل منا ومنك صالح الاعمال

مشكوره علي المرور والمشاركة الجميله

تحياتي

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...

كـــــل عـــــام و أنــتــم بألـــــف خــيـــر .. عيدكم مبارك وسعيد والله يعيده علينا وعليكم باليمن والمسرات .. و الله يجعلنا من عباده الفايزين برضاه وعفوه ومن أهل جنته اللهم آمين

مر علينا شهر رمضان الكريم مرور الكرام .. يوم ويومين وثلاث وراح الشهر .. ما درينا مته بدأ و لفا مته أنتهاء .. حتى الكلام الحلو قرب ينتهي ونعيش عالم الصمت .. المقال مالقي من يقراه .. ولا لقي من يكتبه .. أنا قصرت وتقاعست والقراء ملو و بطلو يقرو .. ما نقول غير الله يخارجنا .. باقي شوية اوراق خاصه بالمواضيع السابقه اللي فتحناها وما كملناها .. مثل موضوع المسلسلات وموضوع العرس ومواضيع ثانية كثير .. أن شاء الله عن قريب نرجع نتكلم فيها وياريت نلقاء اللي يشاركنا

المهم اليوم جايبلكم موضوع جديد .. وموضوع اليوم عن البحرين .. أشمعنا البحرين بالذات ما أدري .. خليكم معي لأني بأخذكم في زيارة سريعه لمملكة البحرين الشقيقه ...

البحرين

البحرين هي دولة صغيرونه تقع جنب السعودية من جهة الشرق .. يعني اللي يبغاء يروح البحرين يمسك خط حايل لين يقول سلام يالشرقيه .. طبعا يمر عالرياض يجدد الجواز ويسلم علي أخوياه وبعدين يكمل .. المهم توصل الدمام تلف يسار وتطلع عالخبر .. وهناك تروح لحي العزيزيه .. فيه مخطط جديد جنبه محطة بنزيل .. وقف وعبي فل وخذ ببسي وجميع لوازمك قبل تحرك .. ومن عندك تشوف مدخل الجسر .. امسك جسر الملك فهد الله يرحمه ( طبعا ادفع الرسوم وترحم وادخل ) .. تمشي شوي تلقي جزيره فله .. لمبات خضر ولمبات حمر .. نفس الطرق بس النور يختلف .. نفس المباني ونفس السيارات .. يختلف اللون وبس .. حتي الجوازات زي بعض .. يفرق اللون وبس .. جزيره مقسومه نصين .. ولونين .. بس تحس انها وناسه .. المهم ختم جوازك وخلص اجرائاتك وحرك لين تقول سلام يالبحرين ...

في طريق اسهل .. امسك خط المدينة .. واطلع طيران .. من طياره لطياره لين تقول سلام يا مطار البحرين الدولي .. وهالمطار بجزيره اسمها المحرق .. والمحرق هذي تقريبا اكشخ جزيره فالبحرين .. صحيح نصها مطار بس فله .. مطارها ذا عجيب .. كبير وخطير .. فيه مدرج علي كيف كيفك .. مدرج علي البحر كان هو المدرج الوحيد فالشرق الاوسط اللي يقدر يستقبل طيارة الكونكورد .. المهم تطلع من المطار تلقي قدامك ثلاث جسرور توصلك لبر البحرين هي جسر الشيخ حمد وجسر الشيخ عيسى بن سلمان وجسر الشيخ خليفة بن سلمان .. والبحرين يعني الجزيرة الام .. اللي فيها المنامه ( العاصمة ) .. وعلي طاري العاصمه فيه قرية اسمها السنابس .. وان ما خاب ظني هي مستعمره علاوية فالبحرين لأنهم يتكلمو زينا .. المهم فيه جزر واجده فالبحرين .. أنا ما عديتها بس تقريبا 33جزيره ونص .. وفيه مدن واجد فالبحرين راح اتكلم عنها بالتفصيل بعدين ان شاء الله

أهم المدن اللي شفتها هي المنامه ( هذي زي حي الوزارات عندنا فيها كل العسكر والمسعولين والناس الكشخه ) .. وفيه ديره اسمها الرفاع ( هذي كشخه كلها قصور وفلل .. فيها بيت مدير البحرين والشيوخ والمسأولين وفيها قصور سعودين يا كثرهم .. وفيها بيت لصاحبنا الحرامي ) .. فيه ميدنة اسمها مدينة عيسى ( هذي احدث مدينة .. عماير ونوادي وشركات وفلل وحاجات حلوه ) .. اما مدينة حمد فهذي عجبني فيها تنضيمها .. زي جده كذا شوارع منظمه وبيوت مرصوصه واحياء وحركات ) .. وفيه مدينة اسمها ستره ( هذي مدينة شبه صناعية .. يعني فيها تشليح ومصانه و ورش وعمال وشغلات زي كذا ) .. وفيه مدن وقراء ثانية بس ما رحت لها

البحرين فله .. واللي عجبني فيها ان كل شي غريب وعجيب .. يعني انت راكب جيب لكزز وجنبك هايلكس 79حمراء ومخططه بأسود .. تشوف وحده لابسه شورت جنز وفنيله تكشف اكثر من ما تستر وجنبها وحده متشحه بالسواد من راسها لأخمص قدمها .. تلقاء الاحمر يمشي جنب الاسمر .. تلقاء عماره كلها قزاز جنب بيت زي عماير مصر متشقق ويخر مياها .. تلقي شارع نظيف ومرصوف ومنظم ومزروع يتقاطه مع شارع تراب زي شوارع اليسيره .. تشوف مزارع وسط ارقي الاحياء .. تشوف عمال لابسين بدل وكرفتات وراكبين مرسدسات .. وتشوف بحرينين اصل وفصل اكلين هوا .. يتعداء من جنبك بي ام فيه سواق و واحد كشخه راكب وراء وتسال عنه يقولولك هذا الشيخ خليفه بن سلمان رئيس مجلس الوزراء .. فله لا حرس ولا يصيحون .. ويتعدا من جنبك مرسدس فيه واحد وحولين حرس ويقلك هذا محافظ .. معقوله يقلك ايه .. فيه ناس محبوبين وفيه ناس مكروهين .. وهنا ما في لعب اي مسؤول يخبط يلعنو ابو خيره .. ما علينا بالسياسه

المهم بكره ان شاء الله راح اكملكم حكاية البحرين لأنه ما في وقت الحين .. والن شاء الله يكون عجبكم الموضوع ولا اكون طفشتكم بخرابيطي

أطلت عليكم

شكرا لتواجدكم معي

..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[الغيورة]

;كثيرة هي الدروس التي نتعلمها وما أجمل ماعرضت من دروس غفل عنها البعض وكم أتمنى أن يقرأها الكثير ممن غفل قلبه عن والديه وعقهما وأساء لهما بقصد أوعن غير قصد
أخطاؤنا وزلاتنا كثير ة في الحياة نتخطاها لاهين عما ستفعله بمن نخطئ عليه



رواية رائعة أخي سلمت ووفقك الله

[باسم ابو سليمان]

يعطيك العافية ابو خالد
بس لو تبعد عن السياسة يكون افضل

[أبو خالد]

الله يسلمك يالغلا من كل شر

مشكوره عزيزتي الغيورة علي كلماتك الرائعه و دعمك وتشجيعك للمقال

كل الشكر والتقدير لحضورك الكريم ومرورك العطر ومشاركتك الجميلة

تحياتي أختي العزيزه

[أبو خالد]

الله يعافيك يا باسم

[أبو خالد]

مشكورين

عالمتابعه

والتواصل

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...

مشكورين علي متابعتكم الرائعة وتواصلكم الجميل .. المهم نكمل الرحله البحرينية .. اليوم راح اتكلم عن محافظة المنامه .. وهي اللي تظم العاصمه المنامه .. وتقع فالجزيره الكبيره جزيرة البحرين واللي سميت الدوله علي اسمها

المنامه بلد عجيبه .. نقدر نقول لها وجهين .. علي وزن بحرين .. ويقال ان سبب تسمية مملكة البحرين بهالاسم هو ان اكبر الجزر اسمها البحرين .. وفيه رائ أخر يقول ان سبب التسميه يعود لأمتزاج الماء العذب مع ماء البحر .. هالشي كثيرين ماهم مصدقينه لكن انا شفت بعيني وشربت ماء عذب من وسط البحر .. فيه ينابيع حلوه وسط البحر يسموها البحرينين كواكب .. يقلك زمان كان الغواصين والصيادين يعبو منها ماء حلو .. يغوصو لين يصلو للماء الحلو ويعبو منه ويشربو .. يعني تجيب قارورة موية صحه فاضيه .. وتغوص فالبحر لين توصل للنبع .. تفك القارورة وتعبيها ماء .. وتطلع وتشرب وتحمد الله سبحانه وتعالي

وزي ما قلت للمنامه وجهين .. الوجه الاول عباره عن مناطق سياحية وعماير و فلل و فنادق ومنتزهات وحاجات حلوه .. في اشياء بالمنامه ما هي موجوده فغيرها .. مراكز ترفيه ومجمعات تجارية ومراكز استجمام ومراكز vip ومراكز خدمات واشياء حلوه .. وهالاماكن متوزعه فأحياء جميله ومنظمه زرت منها :
( الواجهة البحرية .. المنطقة الدبلوماسية .. الكورنيش .. الحورة .. القضيبية .. الفاتح .. الجفير .. وسط المنامة أو الداون تاون .. السلمانية .. العدلية .. منطقة ميناء سلمان الصناعية .. السقية .. بو عشيرة .. النعيم .. السويفية )

الوجه الاول من المنامه جميل جدا .. سيارات وعمارات وناس كشخه وفله .. كل جديد وجميل تشوفه هنا

الوجه الثاني للمنامه أجمل .. أطلع من المناطق السابقه وروح لهالمناطق :
( البرهامة .. الصالحية .. الزنج .. بلاد القديم .. السيف .. سنابس .. كرباباد .. النبيه صالح )
هنا راح تشوف وجه ثاني للبحرين .. سكيك او صكيك .. او بالعربيه الفصحاء حقتنا زوق ودواعيس .. زقيقات ضيقه وشوارع ترابيه وبيوت قديمة .. في بيوت طين لليوم عايشه وعايش فيها ناس .. سيارات فالسبعينيات واقدم كمان .. غبار فغبار .. حتي الناس كمان مغبرين .. أكشخ واحد تلقاه لابس فوطه تحت الثوب وغتره بيضاء مخططه كروهات وسديرية وحاط ساعه ام سلسه .. والعقال كبير وملفوف لف .. كراسي خشب وحبال .. براريد شاهي من القدام الي تجي اخضر واحمر وازرق .. كاسات شاي صغيره بس معها صحن صغير .. وتراء يشربو الشاهي بالصحن مو من الكاسه .. وطبعا القدو محضر ( هذا ما راح اتكلم عنه ) .. وناسه وفله .. حتي الحريم هنا محترمين شوي .. يعني فيه عبي وفيه ثياب ساتره .. المسميات هنا تختلف عن المنامه الحديثه .. واحلى اسم مر علي هو ( الطبينه ) .. الطبينه ذي بقاله صغيره تكون فحوش بيت وفاتحه عالشارع طبعا .. كل ذا كوم و السمك كوم .. عندهم طريقه حلوة فطبخ السمك .. ما يطبخو فالمطبخ عشان المطابخ صغيره ومكتومه .. يطبخو فالحوش .. السمك بالذات .. والرجال هو اللي يزبط السمك .. وفيه نوعين من السمك أنصحكم فيهم هم الشنعد والصافي .. دقيتلي غدوه تجنن فبيت أحد الشيبان البحرينين اللي عزمنا ولزم علينا .. طبعا عياله زبطو الرز وبهرو السمك فالمطبخ .. بس يوم جاء وقت القلي طلع طباخه ( دافور نيكل ) فالحوش وحط عليه صاجه زي حقة الخبز الممسح بس مقلوبه .. وحط فيها الزيت اللي يموه دهن وهاتك قلي .. كل ذا فالحوش جنب الفرشه اللي كنا جالسين عليها .. وكنا جالسين علي فرشه حصير وفيها طراحات لونها بيج و وردي و حاطين مخاد قديمة تكينا عليها .. البيت نسبيا جديد .. بس تصميمه قديم .. السقف خشب ومدعم بعوارض كبيره وفيه زيره وجنينه صغيره وحركات .. الغرف موزعه بالحوش والدرج حديد يطلع لغرفتين فالسطوح وفله بمعنا الكلمة

القديم والجديد يتعانق فالبحرين ويشكل صوره أكثر من رائعه .. وبكره أن شاء الله لنا لقاء ونكمل هالرحله سواء

أطلت عليكم وشكرا لتواجدكم معي

..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[غيث]

الله الله الله بسم الله مااشاااء الله تباارك الله على هالابداااع الرااائع والجميل بكل مجاالاته
أخي الحبيب
أبو خالد
.::الـــــراوي ::.


وشكـراً لتعطيرك المنتدى بباقتك الرائعة من مشاركات
أشكرك من كل قلبي لتفااعلك الجميل والرااائع والذي يتحفنا داائماً
بالجديد من افكارك
من خبرتك وزياراتككم أتمنى أن تتسع سدورنا وصفحات منتدياتنا لقلمك
وما يحمله من عبير مشاعرك ومواضيعك
وآرائك الشخصية
التي سنشاركك الطرح والإبداع فيها

حيــاك الله اخوي في منتداك وبيتك المرحب بك
لقد عانقت جدران منتدانا
عطرقلمك ... وتزيّنت
مساحاته بأعذب عباراتك
وأن شاء الله تكون عوناً لنا و لتطوير المنتدى
... كفوفنا ممدودة لكفوفـك
لنخضبها جميعاً بالتكاتف والترابط والتاخي في سبيـل زرع بذور الأخلاقيـات الراقيـة
ولا نلبـث أن نجني منهـا إن شاء الله ثمراً صالحاً..
ونتشـارك كالأسرة الواحدة لتثقيف بعضنا البعض في كل المجالات
فالصدر لك ولبوحك يتسع كإتساع الأرض

يسعد منتدانا باستقبال من هم بمثل شخصك
ليكون مميزاً بين المميزين وأنت لها
فأهلا بك في منتدياتاسره العلاواالذي يتشرف بمن هو مميز مثلك
لــتــصــل هــمــســات قــلــمــك إلــى قــلــوبــنــا وعــقــولــنــا
ودنا نتعلم من بعض ما عندك بارك الله فيك
في إنتظار ما يفيض به قلمك من جديد ومفيد ..
واسال الله العلي العظيم انا يوفقنا جميعا
الى ما فيه الخير لنا ولك ,,
ننــتــظــر بــوح قــلــمــك

وتقبل تحياتنا وتقديرنا
ولك مني أرق تحية

[أبو خالد]

أستاذي الفاضل أبو فواز

أشكرك من أعماق قلبي علي هذه الزيارة الاخوية الجميلة لمقال الراوي و تعطيرك صفحات المنتدي بهذه الكلمات الرائعه والمعبرة

بارك الله فيك و في أمثالك و أدامك الله لهذا المنتدي أخ كبير نعتز ونتشرف بالتواجد معه

كما أشكرك علي الدفعه المعنوية والتي ستساهم بأذن الله في أعادة النظر في مقال الراوي .. وكما تعلم هذا المقال ما هو الا ( خرنفه ) أو تفاهات كما يسميها البعض و لا تليق بمنتدي جليل وكبير كمنتدي أسرة العلا ...

و أني لأشكر أدارة المنتدي و الاخوة المشرفين والمراقبين و كل من لديهم صلاحيات الحذف والازاله علي صبرهم و طولة بالهم و سماحهم لي بمتعت الكتابه في هذا المنتدي حتى الان

جاري البحث عن ما يليق بالمنتدي و يوافق الاهواء و لي عوده أن شاء الله

أكرر شكري أستاذي

وتقبل تحياتي

[أبو خالد]

زيارة تنشيطية لتفعيل المقال

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...

[align=center][size=9]لقاءات
مع الراوي

لا حول و لا قوة الا بالله العلي العظيم

ما في ردود و لا تفاعل و لا حتي زيارات

كتبنا ونوعنا و ما في فايده

كنت مخصص حوالي 12 مقال عن البحرين قلت يمكن تستفيدو منها لكن ما في فايده

ما علينا

المهم في مشروع جديد بسويه و هو عباره عن مشروع شبه صحفي .. مجموعة لقاءات و حوارات نطرحها فالمنتدي لعل وعسى نخرج منها بمعلومه او بفائده .. والموضوع هذا للحين تحت الدراسة و ما جت الموافقه عليه للأن .. لكن بأذن الله راح يتم و راح يكون فيه لقاءات مع الاخوة الاعضاء و الزوار الكرام و مع ابناء العلا و مع ابناء الوطن و كل يوم بيكون فيه لقاء جديد .. و ان شاء الله ان هالمشروع ينجح و يراء النور عن قريب .. راح اضيفلكم لقاء تجريبي يعطي فكره عن مشروع اللقاءات و ان شاء الله يعجبكم .. و الحين عن أذنكم بروح أجهزلكم كل جديد و مفيد أن شاء الله


[color=#FFFFFF]..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[أبو خالد]

الـــــراوي ... (( رواية الحاضر )) ... أسرة العلا


... كل يوم نتعلم ...

لقاءات
مع الراوي

اليوم أعزائي و أخواني اعضاء أسرة العلا نبداء مشوارنا مع سلسلة اللقاءات الحوارية التي تعود علينا بالخير والفائده ان شاء الله و نسعى من خلالها الي تقريب وجهات النظر و الحصول علي المعلومة عن ماضينا وحاضرنا و تطلعاتنا المستقبلية

للأسف ضيفنا لهذه الحلقة ضيف ثقيل عليكم و ضيف قليل حيا و لا يستحي علي وجهه ضيف لعنه الله سبحانه وتعالي و استمرت لعنته ليوم الدين و كل من سمع طاريه لعنه وتعوذ منه .. فلعنة الله علي أبليس اللعين و أعوذ بالله من الشيطان الرجيم و نبداء اللقاء .....

فالبداية نرحب فيك و لعنت الله عليك عكرت مزاجنا بزيارتك اللئيمة و خربت أجوائنا الإيمانية واجتماعنا علي الخير و طاعة الرحمن

هلابك و مشكور علي هالترحيب الحلو وهالمقدمه الجميلة

فالبداية نبيك تعرفنا بنفسك .. عطينا المعلومات الشخصية

طبعا معاكم إبليس اللعين الرجيم .. وأنا من الجن من عرب الشيطان القبيلة المعروفه .. متنقل ما بين العزوبية و شبه الزواج و لي ملاين الأبناء من غير عيالي اللي بالتبني و هذولي منكم يالبشر بعضكم يجيني وأتبناه .. و بالنسبة للسكن مالي مكان محدد عايش بأرض الله الواسعة أصول وأجول بكل مكان

أعوذ بالله منك .. ما ذكرت العمر ضيفنا اللعين

اها بالنسبة للعمر حدث ولا حرج .. أنا هنا من قبلكم يالبشر و باقي إلي يوم الدين .. وعلي فكره بعضكم يقول لبعضكم يا طويل العمر .. تراء ما في طويل عمر غيري يعني مالكم ومال ذي الكلمة

أعوذ بالله منك .. ضيفنا اللعين لك انجازات عديده و أعمال حفرت في ذا كرت التاريخ لكن تخسى ما نبي نسمعها منك .. السؤال هو وينك .. لك فتره مختفي عن الساحة .. وين كنت

ليش الإحراج يعني منت عارف وين كنت .. أنا كنت بأتمتع بأجازتي السنوية .. تعرف أنا كل سنه اخذلي أجازه شهر و أحب تكون إجازتي بشهر 9 لأن الجو زين

أعوذ بالله منك .. إيه هين أنت تحب شهر تسعه .. بس اللي اعرفه انك تأخذ الاجازه غصبا عنك .. بقدرة الله عز وجل تغل أيديك ورجولك بالسلاسل و تحبس أنت وربعك عن المسلمين

هذاك زمان .. صحيح أنا احبس و تغلل أيدي ورجلي بالسلاسل لكن أكون مبسوط .. مبسوط لأن تعبي وشغلي ما راح هدر .. أنا صحيح أكون بأجازة لكن عمالي الأكفاء يشتغلون ليل مع نهار بغيابي .. ما هم مقصرين

أعوذ بالله منك .. كيف يعني .. ممكن توضح

يعني العادة نسبة أرباحنا تتراوح بين سبعه مليار سيئة إلي عشرة مليار سيئة بالشهر ( والعلم عند الله ) لكن فشهر رمضان تزيد النسبة وتوصل إلي خمسين مليار احيانن .. الناس تنهبل برمضان .. و رجالي ماهم مقصرين .. سوينا لكم برامج ومنكرات و سهرات و أغاني و وناسه .. والكل يشارك و يخبص .. من غير العداوة والكره اللي بينكم و برامج كثيرة ممكن أكلمك عنها بالتفصيل

أعوذ بالله منك .. لا اقطع واخص خزاك الله عارفين وش مسوي فالخليقة .. المهم كيف قدرت توصل لهالمستوى

تعب السنين .. الإخلاص فالعمل .. ما عندي كسل وتراخي .. الاهتمام .. الامانه .. المصداقيه .. أنا الله سبحانه وتعالي كان بيحطني بالنار من يوم خلق أبوكم آدم .. قلت له يارب أمهلني ليوم يبعثون .. خليني أعيش و اجمع لي كم واحد يونسوني بالنار .. والحمد لله الله عطاني هالفرصه .. و أنا حلفت يومها وقلت (( بعزتك لأغوينهم أجمعين )) و هذا أنا صدقت مع نفسي ومع الله سبحانه وتعالي و اجتهدت بعملي و جالس اجمع الشباب اللي بيخاوني للنار

أعوذ بالله منك .. الله قال (( ألا عبادك منهم المخلصين )) هذولي تبطي و أنت ما أغويتهم بأذن الله و الله يجعلنا منهم .. ضيفنا اللعين أشوفك مبسوط بإنجازاتك .. طيب رجالك هذولي شياطين الأنس مجتهدين زيك وألا مشي حالك

لا شياطين الإنس ونعم فيهم .. شغالين زي الساعه .. فساد و خراب و دمار و مأمرات و خرابيط و نجاسات .. تصدق أنهم سووا شغلات أنا ما قدرت عليها .. أنا أوسوس لواحد عشان يخطي هم يسووا مسلسل يتابعه ملايين وكلهم يخطو .. احرش واحد علي واحد هم يقوموا حروب .. لا شياطين الإنس مبدعين

أعوذ بالله منك .. اجل تقاعد انتو طس وفكنا شرك

لا لازم أكون متواجد دائما .. علمتك أنا ماني مهمل بواجباتي .. أنا ما اصدق علي الله يطلق سراحي بعد رمضان علطول ارجع للشغل وبكل نشاط وحيويه .. والدليل يوم العيد

أعوذ بالله منك .. وش فيه يوم العيد

يوم العيد هذا من أحلا أيام ألسنه عندي .. فسوق و مجون و خراب و انتهاك للأعراض و نشر للبدع والمفاسد .. من تشرق شمس يوم العيد و أنا شغال .. اطلع يوم العيد وشوف البناااااااات .. كاسيات عاريات .. صايعات .. غزل فجور دمااااااار .. حتى فالمساجد .. فالحرمين و مصلي العيد فكل ديره تلقاء الحريم كاسيات عاريات متعطرات متبرجات .. الرجال يصلوا العيد وعيونهم رايحه فيها .. كل صلات عيد اكسب ملايين السيئات .. بعد العيد تشتغل التلفونات وعيدك مبارك حبيبي وهات حنحنه .. البنات يوم العيد كلهم يصيروا صغار .. طول السنة متغطيه8 يوم العيد يقولوا لا توها صغيره ههههه وتطلع للشارع كاسية عارية مظهره لشعرها ومفاتنها .. و تسلم علي عم و ولد عم و ولد خال .. وبس تخف الزحمة تبدءا الخرابيط و الخلوات الغير شرعيه و الحب والغرام و......

أعوذ بالله منك .. يخرب بيتك منت بسيط .. طيب أبغاء اعرف كيف قدرت تسوي كل ذا يالملعون

بسيطه .. الناس الحين ماهي محتاجه شياطين .. كل واحد عنده عشرين ادمي يوسوس له .. من غير الشياطين الفضائية إلي توسوس 24ساعه للناس و انتو وارهم ورآهم .. صدقني أول نبلش بالآدمي عشان نخليه يخطي .. الحين صاروا الشياطين الصغار مدلعين .. ترسل إبليس يخرب بيت يرجع يقلك خربت ثلاث مدن وأنا بالطريق .. انتو اللي خربتو وعطيتونا فرصه و طريق سهل عليكم

أعوذ بالله منك .. يعني تبغاء تقنعني إن ما في احد يقاومكم

أبدا .. ما فيه مقاومه .. بالعكس ما في غير كل ود وترحيب .. تجي للواحد تقله ازني يقلك اوكي و بشرب و بحشش وبشهر فالبنت و باعزم اخوياي عليها كمان .. وش رأيك جيناه بطلب جانا بخراب ديار .. ما فيه كلكم بتروحو فيها عن قررررريب

أعوذ بالله منك .. هين هين .. فيه ناس صعبه توصلهم أنت وشكلك يالملعون .. فيه ناس متمسكين بكتاب الله وسنة نبيه و ما يمديك توصلهم

ههههههههههههههههههه بالعكس هذولي أسهل شي .. صحيح يتعبونا شوي بس هذولي اللي نستمتع فيهم .. بيقراء قران نخليه يلخبط ويألف .. بيدرس عن النبي والصحابة نخليه يشك و يكذب التاريخ و نخليه يبتدع و يحيد عن الحق .. بيصلي ويطلب ربه نشغله بتكفير الناس و الجهاد ضد المسلمين و نخرب حياته .. نضيق عليه و نشغله بنصرة دينه عن عبادته .. يعني يترك الصلاة و يجادل الفساق عشان يهديهم ههههههه

أعوذ بالله منك .. أنا وش خلاني أسوي معك لقاء يالملعون .. المهم عندي سؤال خاص بالعلا و أهالي العلا .. كيف علاقتك فيهم

وشي العلا ذي .. زيها زي غيرها .. و بما إنها ارض زراعيه أنا كمان زرعت فيها .. زرعت الحسد زرعت العداوة زرعت البعد .. شوفهم حاسدين بعض مقاطعين بعض و متعادين و يتخانقو علي أتفه الأسباب

أعوذ بالله منك .. ما علينا .. طيب فيه آماكن بالعلا يقولوا انك ساكن فيها و فيها جن و خرابيط وش سالفة هالاماكن

ياخي قلنالك حنا بكل محل .. بالعلا وغير العلا .. فيه جن ومرده وخيلان فكل مكان .. بس العلا فيها آماكن سياحية حلوه لهالسبب نكثر فيها .. عندك الدور بيوت وبراد ونخل و وناسه وفاضيه لا احد مهتم فيها ولا احد يجيها .. وحنا ساكنين و مستانسين .. وعندك المزارع المهجورة واهم شي المستشفي القديم و العمارة الطويلة اللي جنب مسجد بن زقر .. وبعدين لا تنسى إن حنا اللي بنينا السراديب حقت العيون .. والحين فاضيه وحنا رجعنا لها .. وبعدين عندكم مناطق حلوه وما احد معبرها .. عشان كذا عايشين فيها عيالنا

عليك لعنة الله .. طيب بيضات يقولوا فيها كرسي لك و انك تجتمع بالجن كل يوم هناك صحيح و ألا خرطي

أنا وش يوديني للعلا .. وبعدين العلا وشهي ذي اللي ابلشتنا فيها .. حتى الناس اللي تفهم و سوت شي يستاهل إني أخرب عليهم و اغويهم كلهم براء العلا .. يعني أي واحد منكم يصحصح شوي علطول يهاجر للرياض وإلا لجده و إلا لاي محل اقل شي تبوك .. المهم يطلع من العلا .. يعني إذا أبغاء استهدف احد راح اروحله لديرته لأنه ما في احد بيقعد بالعلا .. بالنسبة لبيضات في مكتب إقليمي لنا هناك وبس عادي .. وبعدين تعرف العلا فيها شوية ذهب وحنا مسؤلين عنه وعن حراسته منكم

أعوذ بالله منك .. مدام وصلنا للذهب نرجع لمحور حديثنا .. كيف كان شغلكم زمان و كيف صار الحين

شوف الزمن يتغير باستمرار .. و تعاملنا معاكم يتغير مع تغير الزمن .. زمان كنا نسوي معسكرات تدريب و نستعد قد ما نقدر عشان نغويكم و نخرب حياتكم .. لكن الحين بطلنا نعلم عيالنا .. يطلع من بطن أمه يضحك علي قبيلة منكم .. ما صار فيه مجهود ولا تعب .. ماني مكلمك عن الأيام السوداء بحياتي اللي هي أيام الرسول والصحابة والسلف وأيام زمان .. بكلمك عن الأجيال الاخيره اللي سبقتكم بكم سنه .. زمان كنا نتعب شوي مع الناس .. عشان تفرق اثنين يبغالك سنه سنتين .. و جهد و إبداع بمعنى الكلمة .. الحين فثانتين تفرق مدينتين .. كنا نطلق أربعه خمس حريم بالسنة الحين نطلق حرمتين ثلاث بالثانية .. أول ندخل المسجد ونحترق بالقران ونأكل تبن عشان نطلع مصلي واحد من بين العشرات .. الحين نروح المسجد نلقاء الأمام حاط بنقالي يصلي بداله و مافي احد .. و إذا لقيني كم واحد فالمسجد نصفر لهم بس يطلعو ورآنا علي طول .. وبعدين أول كان كل شي علي ظهورنا .. ما في دش ما في أشرطه ما في مجلات ما في حركات ما في جولات و نت و خرابيط .. كنا نتسيدكم واحد واحد عشان تروحوا لمصر تحضروا حفله وألا تزنوا وتشربوا خمر .. الحين دخلنا مصر فكل بيت .. جبنالكم أفلام و خلاعة وبرامج و أغاني وهاتك شغل .. بصراحة نستأهل جائزة زيزو و المنتج المثالي خخخخخخخخخخخخخخ

لا بارك الله فيك يالملعون .. اللي قاهرني انك صادق وماني قادر أرد عليك .. لكن تدري الشرهة علي اللي يسوي معك لقاء صفحي .. يالله الخلا أعوذ بكلمات الله التامات من شر ما خلق .. أعوذ بالله من الشيطان الرجيم

http://gallery.7oob.net/data/media/23/HPIM0301.jpg

و في ختام هاللقاء المشئوم اعتذر لكم أحبتي عن استضافتنا لهالملعون لكن وش نسوي ما لقينا غيره .. آمل أنكم استفدتم و تعلمتم شي جديد من هاللقاء و إن شاء الله نعوضكم بلقاءات أزين و أفضل

أطلت عليكم وشكرا لتواجدكم معي

..... و كل يوم نتعلم من الدنيا دروس .....

هذا العمل المتواضع مهداء مع التحية للغالية الحنين و للأخت أميرة الاحزان و لمنتديات أسرة العلا
تحياتي
أبـو خـــــالـــــد
الـــــــــــــــراوي

[رحــــــــــال]

وفقك الله ورعاك ابو خالد 0
تحياتي 0

[الغريب]

ابو خالد جهودك كبيره و طيبه وملموسه في هذ الموضوع واجد ان المواضيع منوعه
ولكن مان اقرأ موضوع الا انسى الموضوع السابق وهذا يشتت انتباهي حتى الاستطيع استوعبالفائده من الموضوع, وكنت اتمنى تكون هناك مواضيع على انفراد وهي بلاشك قيمه ويستفداد منها ,من الاجدى ان لاتخط مع بعض وتحياتي لجهوك وابداعك وصبرك وجلدك على تجميع هذا الموضوع.

[أبو خالد]

هلا وغلا بك يا رحال و نورت المقال

مشكور علي مرورك الكريم

تحياتي

[أبو خالد]

أستاذي الغريب

هلا وغلا بك في مقال رواية الحاضر

و مشكور علي مداخلاتك الجميله والصحيحه 100%

و لكن عزيزي من يتابع مقال الراوي .. ؟؟

ما في احد يدري وش كتبت يالغريب .. و من البداية انا وضحت للقراء ان هالمقال مساحه حره ما هي متقيده لا بنظام ولا حدود .. أنا عن نفسي احب النظام لدرجت التعقيد و التتدقيق فكل صغيره وكبيره .. لكن ايش الفايده ؟؟

هالمقال هو عباره عن دردشه او خرنفه او تفاهات زي ما يسميها البعض .. مجموعه اوراق بيضاء كل ما دخلت المنتدي اشخبط عليها شوي و امشي .. اما بالنسبه للمواضيع الجاده فانا افردها بمقالات خاصه و انزلها بالاسره المخصصه لها .. لكن قبل احرق المقال لازم أجس النبض عن طريق مقال الراوي .. وبيني وبينك القناعت كنز لا يفنى .. ومدام الله عطاني كم معجب واضين و بيجاملوني و يقولولي اني صح خلاص يكفي .. نعمه يالله لك الحمد

لو لقيت تجاوب يالغريب و لقيد تقدير للانتاج الفكري كان اشتغلت بنظام وترتيب و خدمت هالمنتدي بعيوني .. لكن ما لقيت شي من يوم جيت منتدي اسرة العلا .. وعشان ما اكون جاحد نعمه اكبر جائزه فزت فيها هنا هي انهم كتبو تحت اسمي كلمة الراوي .. وخليها علي ربك

لكن جيتك عزيزه وغاليه يالغريب .. اختار الموضوع اللي شدك او عجبك و انا حاضر .. أعيدلك صياغته من جديد و اكملك اياه .. لان كل مواضيعي هنا ناقصه اكتب شوي و اضطر اتوقف

اكرر شكري و تقديري و احترامي لمداخلتك عزيزي

تحياتي

["ابن الواحة"]

يعطيك العافيه اخوي الراوي على هالموضوع
بالفعل جهد تشكر عليه
اتمنى منك تعمل حوار بين الطالب والمدرس ويكون فكاهي
طبعا هذا ماهو طلب بل امنيه
شكرا لك

[أبو خالد]

هلا والله وغلا يا ابن الواحه

و تامر امر و انا اخوك

و ان شاء الله ارسلك اللقاء في اقرب فرصه

و مشكور علي مرورك الكريم

تحياتي

[أبو خالد]

مر أسبوع علي أخر مشاركة في مقال الراوي

و بتمر سنه كمان و بدون مشاركات

حتى أنا صاحب الموضوع قصرت بحقه و أجد

لهالسبب ( حفظ لماء الوجه ) سأتوقف لأعادة الحسابات و للتمتع بأجازة أرجو أن لا تطول .. كما أتوجه بالأعتذار مقدما للأخوة الاعضاء .. لأني راح أكون بأجازه و للأسف ما راح أشارك فمواضيعهم او ارد علي مقالاتهم

أخذت حقي كامل مكمل و من حقي غيري علي أنه يأخذ حقه و يلقى فرصه للتنفس بعيدا عن التلوث و الضوضاء .. و الله يجيب العواقب سليمة يا رب

تحياتي

[ربيع]

http://www.osrt-alula.com/upload/upload/wh_87545488.jpg
ابو خالد

اقدم لك اجمل البطاقات التي يتوجب علي كمشرف ان اقول لك
بالتوفيق يا ابو خالد

[ربيع]

http://www.osrt-alula.com/upload/upload/wh_20023217.gif

متحرك

:clap:

[أبو خالد]

الله يسعدك و يهنيك يا أبو ريوف و ما قصرت

نردها لك فالافراح بأذن الله

كل الشكر و التقدير لك أستاذي و أخوي العزيز و أن شاء الله نكون عند حسن الظن .. هالبطاقه عزيزه و غاليه علي و أعتبرها جواز مرور لقلوب الاهل و الاخوان أعضاء أسرة العلا

فكل الشكر و التقدير لك عزيزي و بارك الله فيك

دمتم و دامت عليكم الافراح و المسرات و الله يفرحك بريوف أن شاء الله

تحياتي

[أبو خالد]

http://www.9o9i.com/download/4870472d3d5762149.gif

توقيعي

[الصديق]

زرت الموضوع و تمتعت بقرائته

سلمت و سلمت يمينك
تميز شهدناه و نتمنى أستمراره , و تراك مقصر هنا
أخوك
عادل السبيعي
أبوفارس

[أبو خالد]

يالله تحي أبوفارس
منور المقال و أنا أخوك و هلا والله و غلا بمنتديات أسرة العلا
عزيزي .. هنا هالنوع من المقالات ماله سوق
تحياتي
الـــراوي