المساعد الشخصي الرقمي

مشاهدة النسخة كاملة : حنو و عهوووووده .. الراوي .. أسرة العلا

أبو خالد
11-07-2007, 01:15 AM
بــــــــــسم الله الرحمن الرحيــــــــــم

حنو و عهوده
( حنان و عهود )

بدون مقدمات ...

اليوم الاول .. الأحد 23/10/1428هـ .. الساعة 2:00صباحا





### الفصل الاول ###


أسمى وليد .. نقيب في وزارة الداخلية .. أبلغ من العمر حوالي الثلاثين و بس .. يمكن أقل يمكن أكثر مو مهم .. المهم أني عازب .. و هذي في حد ذاتها مشكله .. عاداتنا و تقاليدنا تفرض علينا الزواج فسن مبكر .. خاصتا أذا كنت من قبيلة معروفه و أبوك شيخ من شوخها .. قضيت عمري فالسفر و الترحال .. و أستفدت من أسفاري الشي الكثير .. يكفي العلم اللي درسته .. و أنا علي فكره معي شهادتين .. شهادة طيران و شهادة بكلريوس عداله جنائية .. و كلها أخذتها من أوروبا .. و حاليا بحضر الماجستير في أكاديمية نايف الامنية حول أبعاد الجريمة و علاقتها بالطباع البشرية .. و كل هالكلام أنتها خلاص


خطبه تقليديه .. بنت من الجماعه .. مناسبات و عزايم .. هدايا و مجاملات .. مواعيد حفل زفاف تتأجل مره وراء مره .. لدرجة أني أهملت الموضوع و صار بين أهلي و أهل البنت .. و أخيرا أتفقو علي أن الزواج يتم بعد سنه


كثيرين يتبدل حالهم و قت الخطبه .. اللي ينحف و اللي يسمن و اللي ينجن و اللي يركد .. أنا غير .. أستمرت حياتي بشكل طبيعي جدا .. و ما كان عندي أي أهتمام و لا حتى مجرد تفكير بالتغير الكبير اللي طراء علي حياتي .. هالتغير اللي راح يقلب حياتي رأسا علي عقب


مرت الايام و نسيت أني خاطب .. جد والله صار الوضع عادي جدا .. أتصال .. رقم غريب .. و صوت أغرب .. بنت .. أول مره تكلمني بنت .. أول مره أسمع صوت أنثى بجوالي غير أمي و أخواتي و أحيانا خالتي أو عمتي الكبيره .. السلام عليكم ورحمة الله وبركاته .. و عليكم السلام .. الاخ وليد .. أي نعم معاكي وليد .. كيف حالك أخوي .. والله بخير و لله الحمد .. فترة صمت


عفوا أختي أمري بأيش أقدر أخدمك .. أنا أمل .. عفوا مين أمل .. أنا أمل .. خطيبتك .. هلا هلا أخت أمل .. حلوه أخت .. أيش هالغباء اللي نزل علي .. و طول المكالمة و أنا أقلها أخت و سمى و طال عمرك و من هالكلام .. البنت كانت تبغاء تسألني سؤال مهم و خطير جدا جدا


وليد أنت تبيني و الا لا .. هلا .. و شلون أبيكي و الا لا .. طبعا أبيكي .. صح .. أنا فعلا أبيها و الا وش السالفه .. يعني جاهز للزواج و الا مجرد فكره طاوعت فيها أهلي


مجاملات مجاملات مجاملات .. طيب أنت ما بتسأل و لا تتصل و حاستك ما بتفكر فيني .. فهذي صدقتي .. شوفي أمل .. أنا ماني متعود علي هاللي صار .. و للحين ما تأقلمت علي الارتباط .. و بعدين أنا ماني متعود أتكلم بالجوال .. أطول مكالمه لي ما تزيد عن دقيقه أو دقيقه و نص .. تعرفي أختي أنك طحتي فشايب و ماهو أخذ علي أمور الشباب .. من حفره لدحديره .. أحاول أرقع الموضوع لكن مافي فايده


كثر الله خيرها سلمت و ودعت و قفلت الخط .. الحمد لله .. و الله يعين المتزوجين و المخطوبين و المطلقين بالمره


بنية أتصلت غلطانه قالـت لـي مرحـب غسـان
قلت إلها يا أهـلا وسهـلا محسوبـك عبدالرحمـن
قـالــت لـــي عـفــواً أزعـجـتــك ...
قـلــت الّـــه يـــا حـلــوه عـــادي
لـيـلـيـه أتـصــلــي بـهـالـنـمـرة ...
بـحــب اسـمــع هـالـصـوت الـهــادي


فليلة كنت أردد هالابيات .. مدري وش جابها علي بالي .. و أنا فيني طبع غريب .. دائما تخطر فبالي شغلات أو نقدر نسميها أشارات لشي معين أتفاجأ أنه يصير فنفس اليوم .. يعني يطري علي شخص معين و المواقف اللي صارت معاه اتفاجأ بشوفته صدفه بدون أي ميعاد و في مكان ما يخطر علي بالي .. سكت و قلت لنفس انا ليه بردد هالابيات .. لا يكون جوالي بيدق الحين و تكلمي بنية غلطانه .. اي هين عمرها ما صارت


بعد أقل من نص ساعه .. دق الجوال .. رقم غريب .. و الاغرب أنه رقم بيت .. بيت أكيد لأنه في قبل الرقم رقم بطاقة زجول .. مين ذا يا تراء .. أبتسمت و أنأ أشيل الجوال و فبالي سالفت بنيه أتصلت غلطانه


ألوه .. السلام عليكم .. سلام و عليكم السلام .. أنته محمد .. لأ أنا وليد .. طيب أسفه .. شكلي غلطانه .. غلطانه غلطانه غلطانه غلطانه غلطانه غلطانه غلطانه ...... لا أختي منتي غلطانه .. ما في أحد يتصل من بيت و يستخدم بطاقه أتصال ويغلط .. صعبه أصدق .. أنا أسفه .. بس كنت أبغاء أتصل علي وحده صاحبتي و غلطت و أتصلت عليك .. عفوا بس أنتي قلتي محمد .. محمد مين .. ما أدري بس لما رديت سالتيني عن محمد .. اي محمد .. قصدي ايوه ايوه .. لمن سمعت صوت رجال سويت نفسي غلطانه وسالت عن محمد .. يعني تعترفي أنك منتي غلطانه .. الا غلطانه .. انتي قلتي سويت نفسي ماني غلطانه .. قصدي غلطانه و أنته لخبطتني أيش هوه دا تحقيق .. ههههههههه حلوه دا .. و بعدين أيه تحقيق فرصه خليني أمارس الاشياء اللي درستها و ما جربتها .. ليه انت محقق .. لا أنا عسكري .. طيب العسكري يحقق مع الناس .. لا أنا احرس الناس .. اها يعني جندي .. لالالالالالالالالا أنا نقيب طيار .. لا والله .. قسم بالله نقيب طيار .. نقيب و طيار و حارس كيف تجي دي .. صح كيف تجي .. لا ماني حارس خلاص ماني حارس .. أنا مرافق شخصي .. لمين .. للأمير محمد بن نايف .. مين محمد بن نايف .. موظف بالداخليه في أحد ما يعرف الامير محمد بن نايف .. انا .. طيب صاحب السمو الملكي محمد بن نايف يصير مساعد وزير الداخلية للشؤون الامنية .. اها .. و أنا واحد من طاقمة الشخصي و موظف بمكتبه الخاص .. طيب .. ههههههه بعد كل ذا طيب .. وش تبغاني أقول .. مين انتي .. أنا حنان .. حنان مين .. وي لا ماني حنان .. طيب طيب حنان مين .. قلتلك ماني حنان .. مع السلامه .. طيب


ألوه .. طيب يا وليد .. وش هالشجاعه وش هالاقدام .. و ليد يتجراء و يتصل علي بنت .. أمي بالقوة أكلمها و دايم تكون هي المتصله .. وش خلاك تتصل الحين


ألوه .. نعم .. الله ينعم عليكي .. حنان .. نعم ايش تبغاء مني ( على وشك تبكي ) .. بس أبغاء أعرف وش حكايتك يا حنان .. حكاية أيش .. حكايتك أنتي .. ليش أتصلتي و عني سألتي .. قلتلك غلطانه ايش هوه دا حرم الواحد يغلط .. حنان مستعد أحلف أنك منتي غلطانه .. طيب أيش تبغاء دحيييييييييين .. أبغاء أعرف وش القصه .. طيب .. طاب فالك قولي وش السالفه .. بس أمانه معاك ما تقول لأحد و لا تعلم أمل .. أمل .. أيوه أمل فهمت .. فهمت أيش .. أمل خطيبتك .. ايش فيها .. مو أنته خطيب أمل .. أيه أنا خطيب أمل .. طيب خلاص .. ايش هو اللي خلاص فهميني .. ياربي ما فهمت أمل أدتني الرقم و طلبت مني أتصل عليك .. ليه .. عشان تشوف أنت تكلم بنات و الا لا .. ليه .. ايش هوه اللي ليه .. مدري طيب وبعدين .. ولا قبلين حطتني فموقف بايخ الله يجازيها .. يعني هذا تست .. أيش يعني تست .. قصدي أختبار .. أيوه أختبار .. ههههههههه طيب كيف نجحت والا فشلت بصراحه .. ياويلي منك .. ليه .. فاشل ونص كمان .. افا .. وانا كمان فاشله .. لا لاتقولي عن نفسك كذا أنا قبلتها بس ما ارضى عليكي .. تسلم خلاص .. وشو اللي خلاص .. أقفل .. ليش .. خلااص انتهت المكالمه .. ليه .. ايش هوه اللي ليه .. أنا اسف بس سامحيني اول مره أكلم بنت .. باين .. والله العظيم أول مره أكلم بنت .. و أنا كمان .. وشو .. أول مره أكلم ولد .. هههههههههههه أولا أنا ماني ولد ثانيا حلوه ذي أول مره أول مره و أمل مرسلتك علي .. الله يسامحك أستاهل كل كلمة تقولها و الله يجازيكي يا أمل .. انا أسف يا حنان سامحيني ما كان قصدي .. معذور يا أخ وليد .. حنان .. نعم .. ممكن أسمع صوتك مره ثانيه .. ليه كيف ليش .. لا ولا شي بس من جد حاس نفسي أبغاء أكلمك مره ثانيه عادي يعني لا يروح بالك بعيد .. ما أدري أيش أقلك بس خلاص ما ينفع .. معليش مكالمة و حده وبس .. طيب .. تسلمي يالله في أمان الله .. مع السلامه


بنية أتصلت غلطانه قالت لي محمد
قلت لا أنا وليد
قالت اسفه قلت لا انا اللي اسف
ما زبطت .. مالي فالشعر


طيب وش اللي صار .. ايش المكالمة الغريبه ذي .. وليد اعقل وش اللي صارلك .. وليد .. وش صار


أنتهى .. الساعة 3:00صباحا .. و لنا لقاء .. تحياتي
أبو خالد
11-07-2007, 01:17 AM
حنو و عهووده
( حنان و عهود )


تابع اليوم الأول .. الأحد 23/10/1428هـ .. الساعة 2:00ظهرا





### الفصل الثاني ###


مــــــــــا نمت ذيك الليلة .. و طول الوقت و أنا أفكر باللي صار .. طيب وش السالفه .. حب .. مدري .. يعني مثلا حبيتها من أول نظره .. أي نظره يا شيخ أشبك شفتها يمكن قصدي حب من أول مره سمعت صوتها .. صح .. هذي هي .. هذا التفسير الوحيد .. أنا أول مره بحياتي أكلم بنت و يمكن هذا اللي لخبطني .. زي اللي طول عمره ما شاف تلفزيون مثلا و أدمن عليه من أول مره شافه .. صح .. و بعدين أنا حياتي جافه نوعا ما .. يعني طول عمري ما أحتك الا بالرجال .. حتى أمي و أخواتي كنت قليل أجلس معهم و نادرا ما أسولف معاهم .. أيه من يوم كنت صغير و أنا مسوي فيها رجال و ما أجلس الا مع الرجال و أروح و أجي مع أبوي و أسافر معاه .. حتى لا طلع للبر أو راح للأبل أطلع معاه و أغيب عن البيت بالايام و الاسابيع .. هذي هي .. حياتي كانت هي السبب اللي خلي عقلي يطير لما سمعت صوت بنت .. بس ذا غلط .. بأي حق أكلمها و ليش أدخل حياتها .. لا و ماهي بعيده تتعلق فيني البنت كمان و نبلش .. ايه صح أنا ما ينقصني شي ليش ما تتعلق فيني .. طول و عز و وسامه و مركز و هيبه و من عائلة غنية جدا جدا .. و ماهي بعيده يوم من الايام أصير شيخ لقبيلتي بعد


لا لا لا لا لا لا لا لا لا أنا لازم أنهي هالموضوع بأسرع و قت .. و لازم أترك بنت الناس فحالها و أبتعد عنها .. كذا راح أضيع نفسي و أضيعها معي .. خلاص أتصل عليها و أقلها ذا الكلام و أعتذر منها و خلاص توبه .. و بعدين أنا خاطب و أذا أبغاء أكلم خطيبتي أولى .. بس لو أتصلت عليها يمكن أتلخبط زي أمس و تتطور الامور و أقرب لها أكثر بدل ما أبعدها عني .. تدري .. أحسن حل أني أنسى الموضوع مره و حده و لا عاد أتصل نهائيا


مرت أربعة و عشرين ساعه علي مكلمتي الاولي .. مدري وش جاب الجوال ليدي .. و مدري وش اللي طلع رقم حنان علي الشاشة .. لالالا أنا أبغاء أتصل علي خطيبتي .. خليني أدق علي أمل و أكلمها و أتعرف عليها أكثر و خلاص


ألوه سلام عليكم .. و عليكم السلام .. أمل .. أيوه .. كيف حالك .. والله بخير الله يسلمك كيف حالك أنته .. بخير ماشي حالي كيف الوالد و الاهل و الاخوان .. كلهم بخير و يسلمو عليك .. الله يسلمك و يسلمهم أنا حبيت أتطمن عليكي و أدردش معاكي شوي أذا ما عندك مانع .. هاه لا أبدا تفضل أنا كمان أبغاء أتكلم معاك .. خير أن شاء الله أيش تبغي تقولي .. هاه لا ولا شي أنته قول .. بس أنتي قلتي أنك تبغي تكلميني فشي قولي ايش عندك تفضلي و خذي راحتك .. لا أنا ما عندي شي قصدي بشكل عام يعني أبغاء أتكلم معاك .. طيب و أنا معاكي تفضلي تكلمي .. وش أقول .. اي شي .. هههههههههه أسفه بس شر البلية ما يضحك أنا خجلانه بس حاسه أنك خجلان أكثر مني .. أي والله ماني عارف وش أقول .. صمت .. طول الصمت .. طيب وبعدين .. أمل ليه ساكته .. ما أدري بس ماني عارفه وش أقول .. طيب أسمعي لحد كذا كويس و بداية جيده خلينا نقفل و بكره يمكن ناخذ راحتنا أكثر .. حلو خلاص نقفل علي كذا و بكره و خير .. خير أن شاء الله يالله في أمان الله .. مع السلامه


قفلت من هنا و بدون تردد أو تفكير أتصلت علي رقم أمس .. أتصلت علي حنان .. أألوه حنان .. نعم .. كيف حالك .. بخير ليه متصل يا وليد .. مدري بس .. بس أيش .. مدري .. صمت .. حنان توي أتصلت علي أمل .. والله حلوه .. أي والله بس مدري كيف حسيت نفسي منحرج و هي كمان ما كانت علي بعضها و حالتنا كانت يرثئ لها .. طيب أنته كمان مقصر معاها صار لكم أكثر من ثلاث شهور مخطوبين و ما كلمتها و لا حتى سألت عنها .. طيب ماني متعود يا حنان و لا أعرف أتكلم مع بنات .. ياسلام طيب و أيش بتسوي الحين منت قاعد تتكلم معايه .. أنتي غير .. أيش قصدك يعني أنا ماني بنت .. لالالا مو هذا قصدي بس أنتي أتكلم معاكي و أكون واثق من نفسي و مرتاح و أخذ راحتي عالاخر أحس أني أعرفك من زمان .. صمت .. حنان وينك .. معاك .. طيب ليه ساكته .. ايش أقلك و بعدين خلاص .. وشو اللي خلاص .. خلاص قلت اللي عندك أيش تبغاء دحييييين .. هههههههه أبغاء أسمع تعليقكك و بعدين صح أيش قلتي لأمل .. ما قلت شي .. كيف يعني ما قلتي شي .. يعني لسى ما كلمتها .. طيب وش راح تقوليلها .. راح أقلها وليد هذا ما يستحي و جلس يعاكسني و كل يوم يتصل عليه و يأذيني .. أفاااااااا .. أيوه و راح أقلها كمان ولا خلاص .. حنان .. نعم .. جد وش راح تقوليلها .. وليد أمل هدي صاحبتي من أيام المدرسه و عزيزه عليه لأبعد الحدود و ما أقدر أخونها أو أكذب عليها أحسن شي أني أقلها أني ما أتصلت عليك و خلاص .. كيف يعني .. اقلها انه ما جتني الجرئه أني أكلمك و خلاص .. طيب خير أن شاء الله .. يعني خلاص .. ايش خلاص .. يعني ماراح تتصل تاني .. هههههههههه لا لاتخافي كل يوم بأتصل عليك .. انا ما أبغاك تتصل خلاص خلاص .. هههههه أتطمني اتصل اقلك وش سويت مع أمل و أسمع تعليقك و علي قولتك خلاص خلاص .. يا سلام ناقصه أنا أصير طبيب نفساني هيه تشتكيلي منك و أنت تشتكيلي منها .. طيب حلو و حسابي و حسابها عليه أمري بس كم تبغي .. مليون ريال هههه .. يسعدلي هالضحكه أنتي بتضحكي و الا بتبكي و الا شرقتي .. أسكت خلاص فين المليون .. والله العظيم حاضر و من عيوني و أبشري بعزك .. تسلم و يدوم عزك أمزح معاك .. لا تستاهلي يالغلا .. تسلم طيب خلاص نقفل .. انتي ليش مستعجله .. لانه خلاص تكلمنا فالمفيد أيش تبغاء الحين .. طيب طيب خلاص يالله يالغلا في أمان الكريم .. مع السلامه


بعد شهر ... وليد أنا ماني سعودية .. طيب .. أيش هوه اللي طيب أنته سعودي و ضابط و قبيلي كيف تبغاء علاقتنا تستمر .. حنان .. نعم .. حنان أنتي كل شي بحياتي يا حنان أنتي اللي فتحتي عيوني عالدنياء أنتي غيرتي كل حياتي و كل شي يا حنان .. وليد اللي بتقوله هذا وهم يا وليد أنته خاطب .. حنان الشرع حلل أربع و بعدين أمل هذي ما تعنيلي شي .. بس أنا تعنيلي الشئ الكثير و ما أبغاء أخرب بيتها بيدي و مستحيل أخليك تأذيها .. حاضر يا حنان و لا تخافي علي أمل راح أحطها بعيوني بس أنتي كمان أبيكي بقلبي يا حنان .. لا يا وليد صعبه و الله صعبه .. ليه صعبه .. وليد أنته فين و أنا فين .. أيش أنته فين و أنا فين كلنا عيال آدم و حواء و صدقيني أنتي عندي من أغلى الناس و علي عيني وراسي بعد .. يسلم راسك يا غالي بس صدقني اللي بتقول عليه مستحيل .. غااااااااااااااالية ما في شي أسمه مستحيل و أنا من بكره راح أجي و أخطبك من أهلك .. لا .. اشبك و ليه تصارخي يا حنان أنا ما قلت شي غلط بجي أخطبك و أتزوجك علي سنة الله ورسوله .. لا يا وليد لا لا لا لا .. ليش لا .. طيب و أمل .. أش فيها أمل هذا أنا بكلمها كل يوم و علاقتي فيها تحسنت و صدقيني ما راح أقصر بحقها و راح أحطها فعيوني بس ما أقدر أستغني عنك الدنيا مالها طعم من غيرك يا غاليه .. آآآآآآآآآآآآآآآآآه يا ناااااااااس أيش اللي بيصيري فيني .. أشبك يا حنان ليش تقولي كذا .. وليد اللي بتسويه غلط غلط غلط .. حنان أنا أحبك .. صمت .. حنان .. صمت .. حنان قلتلك أنا أحبك .. صمت .. ردي عليه .. أيش أقول .. قلتلك أنا أحبك .. و أنا أمووووووووووووووووووووووووووووووت فيييييييييييييييييييييييييييييييييييييييك


وهـــــــــــــــنـــــــــــــــا بدأت الــــــــــقــــــــــصــــــــــة .. عرفت الحب و تعلمت أسراره و صرات عاشق و لهان .. بس مو لخطيبتي الرسمية لا لنور عينيه حنان .. والله حبيتها يا ناس و تعلقت فيها .. صحيح ما شفتها للحين و لا أدري كيف شكلها و لا اعرف اي شي عنها .. كل اللي كنت اعرفه انها طيبه و حنونه و خجوله و حساسه و رائعه بكل المقاييس .. كانت تسمعني بكل اهتمام و تتعاطف معي .. كانت الوحيده اللي اكشفلها اسراري و ابوح لها بهمي و ألامي و كانت تتحملني و تساعدني قد ما تقدر .. كانت ترطب جفاف حياتي و تحلي لحظات عمري .. كانت أحلى شي فحياتي و أحسن شي صار لي بعمري و كانت حنان .. حنان حنان


مرت ست شهور علي الحبي و علاقتي بحنان .. و تقريبا ثمنية شهور و نص علي خطبتي لأمل .. وقفت مع نفسي و القيت نظره علي حياتي لقيت كل شي متغير .. علاقتي بالناس تغيرت شغلي تغير علاقتي بأهلي تغيرت كل شي حولي تغير .. كانو يسموني خازن النار و العياذ بالله .. ما احد شافني أضحك أو حتى أبتسم .. كانو يحترموني و يتحاشوني و يتفادو يضحكو أو حتى يحتكو فيني .. كان لي هيبه موحشه و مكروهه و كان الكل يتضايق مني ومن تصرفاتي .. صحيح أني محترم نفسي و ما اغلط علي احد و لا أظلم أحد لكني كنت مكروه لأني منزوي عن العالم و جامد في تصرفاتي و طباعي .. تخيلو لدرجة زملائي مع انهم ضباط زيي و بعضهم أعلى مني رتبه كانو يتاكدو من قيافتهم و يشيكو علي سترهم و يعدلو بريهاتهم قبل يدخلو مكتبي .. كنت بالنسبة لهم جهاز أو أله الكترونية مبرمجه للعمل و بس .. و أحياننا كنت أسمع بالصدفه تعليقاتهم علي .. مره يقولو الرجل الحديدي و مره يقولو الرجل الالي و احياننا xxxxx مكده .. لكن بعد حنان تغير كل شي


صارو الخفراء عالبوابه ينتظرو جيتي بفارغ الصبر .. أدخل الوزارة معلق عالبوري والا مطلع يدي من الشباك و ارميلهم جريده مثلا او اوقف عالباب و اسكر عالناس عشان اشرب فنجان قهوه معاهم و أذا رجعت للسيارة ولقيت واحد او اثنين محشورين وراء اقلهم معليش كانو بيفتشوني .. و الغريبه ان الناس اللي وراء يضحكو و يستانسو .. الابتسامه صارت ما تفارق وجهي .. و صرت انسان سعيد و حبوب و فكاهي و امزح و اتريق قدام الجميع .. حتي المسؤولين الكبار اللي الكل يتميلح قدامهم انا كنت امزح و اضحك معاهم عادي جدا .. الكل لاحظ التغير اللي طراء علي بس ما احد سألني ليش .. خافو يسألوني أرجع اكتم زي اول .. حتى شكلي تغير .. لوني تغير تقاسيم وجهي تغيرت جسمي تغير و أمتلئ و صرت في أحسن حال و نعمه من الله سبحانه و تعالي


أهلي لاحظو تغيري .. راح الخجل راح الانطواء راح التعقيد اللي بحياتي .. صرت أضحك و أمزح و أروح و أجي و زيارات عائلية و أطلعهم للمزرعه و مرات للبر و ألعب مع الاطفال و أساعد أمي فالمطبخ و أحياننا أنا أطبخ و صرت محبوب و مبسووووووط .. أختي كانت تخاف مني مع اني عمري ما رفعت صوتي عليها او أذيتها بأي شي .. أساسا عمري ما اذكر اني كلمتها ههههه .. جتني و قالت لي انها كانت تخاف مني .. كانت تشوفني شي كبير او تمثال عسكري مثل التماثيل الاغريقيه .. والحين صارت تضحك و تمزح معي و صرت في غاية السعاده .. هذا حالي فالبيت و فالعمل و في حياتي اليوميه


أما في حياتي الخاصه فكانت حنان ثم حنان ثم حنان .. و أخيرا أمل .. كنت عايش جوووو خيالي ورومنسي و عاطفي و أحلى ما فيه كان الاحترم و التقدير و الحب العفيف و الخالي من كلامات الفحش و الاغاني و الخرابيط .. كان كل كلامنا صافي و طالع من القلب للقلب .. و كنا عايشين بجو لا يوصف و لا مر علي أحد قبلنا حتى قيس و ليلي


أمل .. حياتي مع أمل كانت سيئة نسبيا .. ما كنا نتفق علي شي .. و كنا نختلف علي كل شي .. و نزعل من بعض لأتفه الاسباب .. و اساس كنا ننقطع عن بعضنا بالايام .. و مكالماتنا صارت مجرد دقايق معدوده مقابل الساعات اللي كنت اقضيها مع حنان .. التطور الوحيد اللي صار بعلاقتي مع أمل أني ملكت عليها قبل فتره و صارت زوجتي شرعا


أنتهى .. الساعة 3:00 ظهرا .. و لنا لقاء .. تحياتي
أبو خالد
11-07-2007, 01:18 AM
حنو و عهووده
( حنان و عهود )


اليوم الثاني .. الأثنين 24/10/1428هـ .. الساعة 4:00 صباحا





### الفصل الثالث ###


ولـــــيـــــد أم أمل أتصلت عليه و كلمتني بخصوص العرس .. خير أن شاء الله وش فيه .. البنت نفسيتها تعبانه شوي و أعتذرت من الكلية و ما راح تكمل الترم هذا .. طيب خير أن شاء الله براحتها .. ايش اللي براحتها أقلك البنت نفسيتها تعبانه و متضايقه منك و بعدين لا تنسى هذي زوجتك .. مانسيت بس أيش تبغوني أسوى .. أنا كلمت أمها عشان نقدم موعد العرس أيش رأيك .. رائي بأيش .. بالعرس أيش رائيك تتزوجو أخر الشهر .. هاه الحين .. أيه الحين معاكم شهر كامل تجهزو فيه أنفسكم .. بس يمه .. وش بس و ما بس أنتو ماهو ناقصكم شي أطلب أجازه و خلاص البيت جاهز و كل شي جاهز ليه التأجيل .. ما أدري والله عالعموم أنا قلت لكم من البداية سوو اللي تبغوه .. طيب و أنت أيش اللي تبغاه .. أنا ما أبغاء شي .. وليد وش صايرلك .. ما فيني شي .. وليد هذا عرس و مسؤولية و هذي بنت ناس و لازم تحط فبالك هالشي .. و أنا حاضر يمه .. و أبشري بسعدك خلاص كلمو أهلها و أنا حاضر و بكره بقدم عالاجازة .. علي خير أن شاء الله


السلام عليكم صباح الخير طال عمرك .. و عليكم السلام ورحمة الله وبركاته صباح النور حياك الله نقيب وليد .. الله يحيك طال عمرك ما بغيت أعطلك بس عندي طلب بسيط أذا تسمحيلي أقدمه .. لا أبد لا تعطيل و لا شي تفضل يا وليد وش عندك .. تسلم طال عمرك أنا سلمك الله قدمت علي أجازة و تمت الموافقه عليها بس المفروض أنها تبداء بعد ثلاث شهور و صارت ظروف خلتني أقدم موعد العرس و لهالسبب حاب أخذ الاجازه أبتداء من هالشهر .. ألف مبروك يا نقيب وليد أنت تستاهل كل خير .. الله يسلمك و يبارك فيك أنا كلمت سعادة اللواء و هو ما عنده مانع و أن شاء الله بيكلفو واحد من الزملا بمهامي لين أرجع من الاجازة .. خير أن شاء الله و لا يهمك أعتبر أجازتك سارية المفعول من اليوم كان تبي و بزيدها 15يوم من عندي بعد تستاهل .. مشكور و ماقصرت طال عمرك و عقبال ما تفرح بنايف و عبدالعزيز .. هههه لا تكبرني يا وليد توي شباب وعيالي بدري عليهم توهم صغار .. الله يخليه لك أن شاء الله .. آمين .. أسمحلي طال عمرك أستأذن .. تفضل .. تأمر شي طال عمرك .. مشكور يا نقيب وليد مع السلامه .. مع السلامه طال عمرك


وليد أنا ما أبغاء عرس .. ما تبغي عرس كيف يعني بطلتي و الا ما تبغي حفله .. لا وش بطلت انا قصدي ما ابغاء حفله و قلق .. هههههه الحين صارت الحفله قلق لنا سنه نتهاوش علي تفاصيل ليلة العرس و الحين صارت قلق .. ايه قلق و غثاء و ما ابي أدوش راسي .. طيب يا أمل زي ما تبغي بس لا تنسي أن العرس ماهو لي أنا و أنتي وبس العرس لنا و لأهلنا و من حقهم علينا أننا نفرحهم و نخليهم يشاركونا فرحتنا .. يعني تبغاء تقنعني أنك فرحان يا وليد .. أمل يمكن أنا مقصر بحقكك و يمكن أو اكيد ماني عارف اعبر عن شعوري تجاهك و عن فرحتي وسعادتي لكن هذا الواقع و مع الايام راح تعرفيني اكثر و تعذريني يا امل .. أتمني هالشئ و براحتك تبغاء تسوي عرس براحتك .. خلاص اجل بنسوي حفل بسيط و خلاص .. طيب مته .. مته تكوني جاهزه .. أنا جاهزة من الحين .. خلاص نتزوج الحين


والله ألف الف مبروك يا وليد .. الله يبارك فيكي حبيبتي عقبال ما افرح فيكي .. خليك بنفسك افرح انت و مالك و مالي .. حنان صدقيني فرحتي الحقيقيه معاكي انتي .. وليد شيل هدا الجنان من راسك .. هههه جنان و الا جونان ههههه يا زين لهجتكي يالحضريه .. أش فيها لهجتي ماني عاجبتك .. عاجبتني و نص كمان بس ياريت انا كمان اعجبك .. وليد أنته اللي ما تعجب فيك عمياء و هبله و ما عندها احساس .. واااااااااااو كل ذا يعني انتي معجبه فيني .. أيوه خلاص ارتحت .. طبعا .. دب .. وانتي كمان دبه .. أيوه انا دبه و قصيره و حولا و عرجاء .. الله احلى مواصفات جايه زي فتات احلامي بالضبط .. ااااااااااااااااه منك .. طيب ليش تصارخي .. منك جبتلي الجنان .. سلامتك يا بعدي انتي .. الله يسلمك وليد أنا معجبه فيك و يعلم الله أني أحبك و أموت فيك و أنك كل شي بحياتي بس ياوليد .. بس ايش .. خلاص .. وشو خلاص لا ما ينفع كذا قوليلي وش اللي فبالك .. تبغاء تعرف .. ايه وش فيه قولي .. ما أبغاء أتزوجك


حنان تحبني .. و أنا أحبها .. طيب ليش ما تبغاني .. ايش السبب .. يمكن عشان الفرق اللي بيني وبينها .. يمكن عشان ما تبغاء تخرب علي أمل .. يمكن عشان الظروف .. والله معاها حق طيب وش اسوي الحين .. ايش الحل .. أمل من غير شي نفسيتها تعبانه و زعلانه مني لو درت عني و عن حنان أكيد بتنجن .. أهلى ما راح يوافقو أكيد و راح يطلعولي مية علة و عله .. وبعدين حنان أجنبية يعني لازم تصريح من الوزارة و أنا بالذات صعبه يعطوني تصريح .. طيب والحل


السلام عليكم .. وعليكم السلام ورحمة الله وبركاته أستريح .. كيف حالك طال عمرك .. الحمد لله كيف حالك يا وليد وش سويت بالاجازة .. كلمت طويل العمر و قلت له أنك موافق و هو بعد ما قصر قالي أعتبرها سارية المفعول من اليوم و زادها 15 يوم من عنده بعد .. تستاهل يا وليد تستاهل كل خير .. تسلم طال عمرك .. قول يا وليد باين عليك أن في شي مشغلك .. بصراحه يا أبو عبدالله في عندي مشكله و أبي رائيك و مشورتك .. أبشر يا وليد أجلس و خذ راحتك و تكلم قول اللي عندك .. و الله يا أبو عبدالله ما أدري وش أقول بالضبط .. قول .. أبو عبدالله .. نعم .. بالنسبة للضباط اللي يبو يتزوجو وحده غير سعودية وش المطلوب .. وليد وش السالفه بالضبط .. لا سلامتك بس بسأل .. شوف بالنسبة للضباط شئ و بالنسبة لك أنت شئ ثاني أنت يا وليد نقيب طيار و أذا أستمرت علي نفس الوتيرة تراء بتاخذ مكاني عن قريب و بنشوفك لواء و يمكن فريق و فريق أول بعد .. الله يطول بعمرك ويخليك لنا يا أبوعبدالله .. أنا أتكلم جد يا وليد .. و بعدين أنت وضعك خاص .. شلون خاص .. يعني أنت ضابط من أكفاء الضباط و معاك شهادة من أكبر و أعرق الكليات العسكرية فالعالم بالاضافه الي رسالة الماجستير اللي بتحضرها و أن شاء الله الدكتوراه عن قريب يعني وضعك حساس شوي .. طيب هالشي ما يشفعلي و يساعدني فموضوعي .. ابدا أنت ثروة و طنية و صعبه نفرط فيك .. ماهو لهالدرجه يا أبو عبدالله أنا ما سويت شي و ما سويت الا واجبي .. أكيد بس ما أحد ينكر تميزك و بعدين لا تنسى أيام زمان أيام جيتنا ملازم و ما شاء الله عليك تميزت و أبدعت فكل الدورات اللي ألتحقت فيها وشف بدلتك كلها أوسمة و ونقات ما شاء الله تبارك الله و هالشي يخيلينا نتمسك فيك أكثر و أكثر .. بس يا طول العمر .. وليد شوف الزواج من الخارج لاهو عيب و لا هو حرام بس الناس اللي يتزوجو من الخارج يتزوجو لاسباب معينه ظروف مثلا او أنه ما لقي اللي ترضى فيه هنا او وضعه المالي او الصحي لكن أنت ما ينقصك شئ يا وليد و فيه مليون بنت تتمناك .. كلامك علي عيني و راسي يا أبو عبدالله بس صدقني أنا عندي ظرف و سبب قوي يخليني أتزوج وحده ماهي سعودية و أنا مصر علي هالقرار .. بسيطه قدم أستقالتك و أترك العسكريه .. فكرت بهالشي و خايف أن طويل العمر ما يقبل أست.... أنا اللي مستحيل أسمحلك تقدم أستقالتك أنت أنجنيت يا وليد وش اللي تقدم أستقالتك أنا كنت بمزح معاك .. بس أنا أتكلم جد طال عمرك و مصر علي طلبي .. وزوجتك أنت منت متزوج بنت xxxxx .. طيب وش فيها الشرع حلل أربع و أنت توك تقول أن ما ينقصني شي .. بس ليش يا وليد .. صدقني مو بيدي و بعدين هذا شي خاص فيني و أنا مصر عليه .. وليد ممكن تنسى هالموضوع .. مستحيل طال عمرك .. اسمعني أنسى هالموضوع و شيله من بالك مدة شهرين بس رح تزوج و عين من الله خير و بعدين تعال .. قصدك أن رائي بيتغير يا أبو عبدالله .. يمكن .. مستحيل صدقني مستحيل و أتمنى أن رائيك أنت اللي يتغير .. هههه يصير خير يالله لا أشوفك بالوزارة أنت بأجازة لا تجلس عندي يالله .. خير أن شاء الله و في أمان الله .. مع السلامه و موفق خير يا وليد


أقل من شهر يفصلنا عن موعد العرس .. و علاقتي بحنان و أمل أخذت منحنى عجيب غريب


وليد .. ايوه يا أمل .. معايه حنان عالخط و أبغاء أدخلها معانا في أتصال جماعي .. نعم ليش .. بس كذا أبغاها تسمع منك زي ما سمعت مني و بعدين تحكم مو أتفقنا أنك راضي بحكم حنان .. أنا راضي بحكمها بس ليش أكلمها .. أنته بتكلمي أنا و حنان راح تكون موجوده عالخط وبس .. طيب زي ما تبغي بس تراء أنتي المسؤوله .. طيب لحظه .. أتصال جماعي .. ألوه حنان معايه .. أيوه يا أمل سامعتكي .. حلو وليد الوه وليد فينك .. مدري يمكن البسه أكلت لسانه و الا ما يبغاء يتكلم عشان أنا معاكم .. لا أنا معاكم كيف حالك يا حنان .. والله بخير الله يسلمك أمل دايما تكلمني عنك .. ايه هي كمان تكلمني عنك و عن صداقتكم لبعض الله يديم الود والمعروف بينكم .. أي والله اللهم أمين .. بس ليش مزعل أمل يا وليد .. أي والله يا حنان جايبلي الجنان ما يسمع الكلام .. هذا أنتو يالرجال ما تسمعو الكلام و بس فالحين تزعلونا و تضايقونا .. أفا ليش كذا يا حنان بالعكس أنا أدور رضاها .. تدور رضاها و أنت دايم مزعلها


و أستمرت المكلمة الغريبه حوالي ساعه .. و يمكن أكثر شوي .. و الاغرب من كذا أني فالاخير لنت و صرت أقول حاضر و تحت أمرك .. و عشان خاطرك يا حنان أنا بسوي كل اللي تبغاه أمل و ماراح تسمعي عني الا كل خير أن شاء الله .. و أمل كانت مبسوطه بهالكلام


أنتهى .. الساعة 5:00 صباحا .. و لنا لقاء .. تحياتي
أبو خالد
11-07-2007, 01:19 AM
حنو و عهووده
( حنان و عهود )


تابع اليوم الثاني .. الأثنين 24/10/1428هـ .. الساعة 3:00 ظهرا





### الفصل الرابع ###





شــــــــــهــــــــــر مر أو يمكن أقل شوي و أنا كل يوم أقضي الساعات علي التلفون .. ساعه لأمل .. و ساعتين ثلاثه أتصال جماعي أنا و أمل و حنان .. و باقي اليوم أنا و حـــــنـــــان





قرب موعد العرس .. كنا حاجزين بقاعه كبيره و معروفه .. قائمة المعازيم لها أول مالها أخر .. و ضمت الامير و الوزير و الشيخ و الدكتور و الضابط و المهندس و المعلم و الغفير و الصغير و الكبير .. عرسي كان أشبه بملتقى حضاري .. و ما أبالغ لو قلت أن البلد كلها فرحت معي .. الا أنا





أول يوم لي مع أمل قالت لي فيه خمس كلمات .. وليد أنا عرفه اللي بينك و بين حنان





تهاني و تبريكات من كل مكان .. صفحه كاملة فالجريده تتوسطها صورتي و أنا بالبشت يوم الزفاف و صورة لي و أنا بالبدله العسكريه .. تهاني كانت تجيني عالجوال و حتي علي الفضائيات برسائل الـsms .. من جد كان العرس مميز و أكثر واحد كان مميز هو أنا و أمل .. و أجمل ما فينا أننا قدرنا نضحك عالجميع و نبين لهم أننا سعيدين و فرحانين و أنه ما في شي غلط .. و كان كل شي غلط بغلط





حنان حظرت العرس .. بس للأسف ما شفتها .. أو يمكن شفتها بس ما أنتبهت .. أساسا أنا ما أعرف شكلها .. طيب و الحل .. أتخذت قرار و قلت لازم أنفذه .. الله سبحانه و تعالي قسملي الزواج بأمل .. و هي أكيد نصيبي و صارت فذمتي و أنا مسؤول عنها .. و لها علي حقوق .. لهالسبب قررت أني أحاول قد ما أقدر أخلص لها و أسوي المستحيل عشان ينجح زواجنا





خمسه و ثلاثين يوم تقريبا .. خمسة و ثلاثين يوم و أنا و أمل خارج المملكة .. حجزت لنا رحله سياحية علي باخره فرنسية مشهورة لفينا فيها أوربا و أجزاء من أفريقيا .. كانت باخرة سياحية فاخره بمعني الكلمة .. يعني تقريبا خمس طعش نجمة مو خمسة بس .. و كان كل شي متوفر فيها .. فيها أسواق و مسرح و سينما و مكتبه و قاعة محاضرات و صالت العاب و نادي صحي و كل شي .. و كنت مستأجر جناح كبير و فاخر .. كبير لدرجة أنه فيه مسبح خاص لي أنا و أمل وبس





بدينا أنا و أمل نقرب من بعض شوي شوي .. و بديت أعوضها عن تقصيري معاها أيام الخطبه .. و كانت سعيده معي .. علي فكره تقريبا عشرة أيام ما مسكت تلفون او جوال .. و ما فارقت أمل لحظه و حده .. كانت هي اللي تستخدم التلفون وبس .. تتصل يوميا بأمها و أمي بعد .. و كنت أكلم و هي ماسكتلي السماعه .. و بالنسبه للطلبات كان فيه مضيفه لبنانية مسوؤلة عن جناحنا و هي اللي تاخذ كل طلباتنا و تجيبها لحد عندنا .. و طبعا أمل هي اللي كانت تتعامل معاها .. كانت بجد رحلة ممتعه و أجازة سعيدة .. حسيت أنه زاد وزني من زود الراحه و الوناسه





أمل كانت طايرة من الفرحه .. يوم العرس كانت زهره كئيبه متقوقعه علي نفسها و بريقها مخطوف .. و يوم وراء يوم صارت تتفتح و تتألق و تزيد جمال و رونق .. تحولت مع الوقت لوردة تشبه لحد كبير الورد الطائفي البلدي





كانت الرحله تتنقل من ميني لميني .. وفكل مينا كان لنا برنامج معين .. يعني كل ما وصلنا بلد نلقى لجنة أستقبال و ترحيب و بعدين برنامج ترفيهي مدته ساع هاو ساعتين و احياننا ثلاث و بعدين معانا من ثلاث الي ست ساعات جوله حره ناخذ فيها راحتنا فالبلد وبعدين نرجع للباخره عشان ننطلق لبلد جديد .. و أكثر محل حبنا فالباخره هو محل الشنط لأننا كنا نشتري شنطه جديده كل يوم تقريبا .. جد والله رحنا بثلاث شناط و رجعنا بواحد و عشرين شنطة





مرت الخمسة و ثلاثين يوم زي لمح البصر .. بس كان فيها ذكريات و أشياء تكفينا سنه و يمكن عشر سنين بعد .. كل ذا و أنا بعيد عن حنان .. و قريب لأمل .. أمل ملكت جسدي و عقلي و قلبي .. جد والله كنت أحب أمل .. و كنت أغار عليها و أرتاح لها و أستمتع بتواجدها معي .. و ماكنت أصبر عنها لو ثواني .. حتى لما تأخذ حمام أكون واقف أنتظرها علي الباب .. حبيتها و هي حبتني و عطيتها كل ما يملك بشر قلبي وروحي والنظر .. لكني ما زلت أحب حنان





يقولون صعب القلب يحب أكثر من وحده .. و يقولون كذاب اللي يحب ثنتين .. ويقولون كمان :

داني داني يـــا قرت أعيــــــاني .. حبيبك الاول لا يــغــرك الثاني

ما أحد يحب اثنين الا أبو قلبين .. يلعب علي الحبلين من واحد لثاني

الحب بالخشي بالغصب ما يمشي .. واللي يبي عشي لا يغره الثاني

هذي كلمات تراثية من الموروث الشعبي اليماني .. كنت أرددها كل ما صار عندي تشنج بالمخ بسبب التفكير فحنان و أمل فنفس الوقت





أول ما نزلت فميناء بيروت و أنا بفكر كيف أكلم حنان .. و كنت مستعجل علي الديرة .. و كنت معجل أمل معي بحجة أن أجازتي غلي وشك تنتهي و لزم نرتب أمورنا قبل أرجع للدوام .. بس أمل كانت حاسه أني مشتاق لحنان .. و أنا كنت حاس أن أمل حاسه .. و كنت متحفظ لأبعد الحدود .. و ما أبيها تحس بشي .. بس كنت حاس أنها حاسه بشي .. والله حوسه و صابتني حساسية من زود الأحاسيس اللي فيني .. أنا وش جابني للحب





علي فكره طول الرحله ما جبنا طاري حنان .. و لا تكلمنا فموضوعها ولا فالكلام اللي قالته أمل يوم العرس .. أمل قالت أنها عارفه اللي بيني وبين حنان و بس .. ما قالت شي بعدها .. و أنا سكت ما رديت عليها .. لكني تذكرت الحين أني أبتسمت أبتسامه خطيره بمعني الكلمه .. أبتسامه فيها البرائه و الحب و الصدق و الكذب و فيها أمور وخفايا كثيره خلت أمل تحتار لدرجة أن راسها لف سبع لفات و داخت و قررت تنسى هالموضوع و تعيش حياتها .. و أنا زادت مواهبي بعد العرس .. كنت عسكري فذ و اليوم أنا ممثل محترف بمعنى الكلمة





لليوم و أنا أتذكر يوم عرسي .. و كمان أتذكر الاستقبال الحافل اللي صار لي يوم رجعت للديرة .. لدرجة سوو لي موكب من المطار للبيت .. حسيت أني منتخب المملكة وراجع بكاس العالم .. لكن مو كأس العالم فالكورة .. أنا كنت راجع بجائزة الاوسكار عن دوري كأحد أفضل و أقوى الممثلين فالعالم





أمل .. نعم حبيبي .. حنان .. وش فيها .. وش قصت حنان .. أي قصه .. أمل قبل نسافر أنتي قلتي أن في شي بيني وبين حنان و أنا ما حبيت أعلق عالموضوع و أنتظرت أسمع منك .. تسمع أيش .. القصه السبب اللي خلاكي تقولي هالكلام .. ما في لا قصة و لا شي خلاص أنسى الموضوع .. طيب أنسى الموضوع بس أنتي نسيتيه .. أيه .. الحمد لله هذا يدل علي أنه ما في موضوع من الاساس و أنه كل شي بخير و لله الحمد .. الحمد لله .. أنا زوجك يا أمل خذي راحتك معي بس لا تظلمي خلق الله حرام مالهم ذنب .. أن شاء الله





أول مره سمعت صوت حنان كان بعد حوالي ثلاث شهور من العرس .. حنان معقوله .. كيف حالك يا وليد .. بخير دامك بخير يالغاليه .. أن شاء الله دوم و مبروك يا عريس ان شاء الله تتهناء .. الله يبارك فيكي .. كيف كان شهر العسل .. حنان وينك من أول .. أنا كلمت أمل و كانت مبسوطه مره .. حنان ليش ما تردي علي أتصالاتي .. الحمد لله اللي الله هداء سركو و جمعكم علي المعروف .. حنان أنا بكلمك .. أيش تبغاء يا وليد .. حنان مشتاقلك حيل يا حنان .. أيش أخبار الاهل و الاخوان .. حنان خليكي معي .. وليد خلاص لا تتعبني و تتعب نفسك كل شي خلاص أنتهى .. بهالسهوله أنتهى .. أيوه أنتهى اللي بنسويه حرام و أنا ما أسمح لنفسي أخون أعز صديقاتي .. و أنا راح أخليه حلال يا حنان بكره بجي أخطبكي .. وليد أعقل يا وليد .. الا بجن و بنهبل أذا ما اخذتك .. بس أنا ما أبغاك .. افااااااا ليش يا حنان .. لا تسألني خلاص مع السلامه .. حنان لحظه شوي أنا ما صدقت أسمع صوتك .. وليد أفهمني أنا ما أبغاك و أبغاك تبعد عن حياتي لو تكرمت .. حنان .. أذا لي معزة عندك أمسح رقمي و أنسى كل اللي كان بيننا و رجائا لا عاد تتصل عليه و أبتعد عني .. حنان وش ذا الكلام .. هذا اللي عندي يا وليد و مع السلامه .. حنان طيب فهميني أيش فيه و أيش اللي صار .. يا أخي أنت ما تفهم اقلك خلاص ابعد عني أشبك أنته مجنون ما تفهم خلاص روح فحالك يا اخي أنا ما أبغاك .. حنان يرحم والديكي ايش ذا الكلام حرام عليكي تسوي فيني كذا .. انته اللي حرام عليك اللي بتسويه فيني خلاص روووووح روح روح أفهم يا بني أدم أنا ما أحبك .. و أنا عشقكك و أموت فيكي .. و أنا أكرهك أكرهك يا وليد فاهم أكرهك





مسكينه يا أمل .. دخلت للغرفه وشافت شبح .. خافت و طار عقلها بس ما طلعت تركض او جلست تصرخ .. لانها تعرف هالشبح .. و تعرف أنه زوجها اللي راح تقضي معاه باقي عمرها





أنتهى .. الساعة 4:00 عصرا .. و لنا لقاء .. تحياتي
أبو خالد
11-07-2007, 01:20 AM
حنو و عهووده
( حنان و عهود )


اليوم الثالث .. الثلاثاء 25/10/1428هـ .. الساعة 1:00 صباحا





### الفصل الخامس ###



آآآآآآآآآآآآآآآه طلعوها خلاص ما أبغها .. خلاص حبيبتي هدي نفسك .. كله منك أطلع براء ما أبغاء أشوفك .. حاضر حاضر بس هدي نفسك .. تعاااااال لا تروح خليك جنبي .. أنا جنبك حبيبتي خلاص لا تخافي و هدي نفسك هانت يالغالية .. بطني يا وليد بطني و كل جسمي يعورني بمووووووت ارحموني يا ناس .. حبيبتي الرحمه من الله صلي علي النبي و قولي لا اله الا الله .. لا اله الا اللللللللللللللللللللله تعبان يا وليد حاسه روحي بتطلع خلاص ما ابغاء أولد ودوني للبيت طلعني من هنا .. طيب حياتي ما يصير خاطرك الا طيب





طمنيني يا دكتوره .. لا تخاف يا اخ وليد كل شي طبيعي و سليم 100% .. بس يا دكتوره البنت بتتألم و حالتها ما تسر .. هذا أنت قلتها بنت يعني لساتها صغيره و بعدين هذي أول ولاده لها و طبيعي أنها تكون صعبه شوي .. الله المستعان طيب ما في مسكنات و الا شي يساعدها و يهديها شوي .. فيه بس للضروره لان المسكنات ممكن تأذي الجنين لا تخاف يا أستاذ وليد المدام بتدلع و ما فيها الا العافيه أتطمن .. الله يطمن بالك يا دكتوره مشكوره و ما قصرتي





أربع ساعات و أحنا بالمستشفي .. أربع ساعات و المسكينه تعاني و تتلواء من الالم و أنا ما بيدي شي .. أربع ساعات مرت عليه كأنها أربع سنين .. أربع ساعات عمري ما أنساها و لا تروح من بالي





وليد xxxxx وليد xxxxx وليد xxxxx .. أيوه سستر أنا وليد .. مبروك ولادة كلاس في يزي بيبي قرل .. ثنكيو سستر ثنكيو فري متش أي كان سي ما وايف بليز .. جست افيو منت اند يو ول سي هير ناو يو كان كم وذ مي أند سي ذا بيبي .. أوكي .. ورحت معاها للغرفه و شفت الممرضه الثانية شايله أحلى و أغلى و أجمل و أكبر نعمة وهبها لي الله سبحانه و تعالي





ما شاء الله مبروك أستاذ وليد و تترباء بعزك .. ما شاء الله مولوده في كامل صحتها و مؤشراتها الحيوية ممتازه جدا و ما شاء الله تبارك الله زي فلقة القمر ألف مبروك .. الله يبارك فيكي أختي الله طيب ممكن أشيلها .. أكيد سمى بأسم الله





شلتها بين أيدي و ضميتها علي صدري .. حسيت بحياة جديده الله خلقها و أعطاها احلى روح .. حسيت بروحها تلامس روحي .. حسيت بحرارته .. بحركتها .. بجمال الدنيا و هي تتثاوب .. بأروع أحساس و أصابعي تلامس خدها .. حسيت بأغلى شعور بهالدنيا .. حسيت بأني أب .. أخير يا وليد صرت أب و شايل بنتك بين أيديك .. بنتي .. يا زين هالكلمه و ياغلاتها علي قلبي .. بنتي .. هذي بنتي .. هذي بنتي .. أبي أصرخ و أقول للعالم كله هذي بنتي





اااااه يا بطني اااااه وليييييييييييييد فينك يا وليد .. جنبك حبيبتي جنبك لا تخافي .. شفت ايش صار فيني كله منك و من بنتك .. هههههه يا بعد عمري خلاص اهدي و انسي صدقيني لما تشوفيها راح تنسي كل شي .. ما أبغاء أشوفها ما أبغاها .. طيب ولا يهمك خلاص بروح اتبرع فيها .. دب دب فين بنتي فينها .. موجوده أوعديني انك ما تعضيها او تضربيها و انا اجيبها ههههههههه .. دبببببببببببببببببببببب روح جيب البنت .. حاضر حاضر .. هذي هي حبيبتي هذي بنتنا سمى و شوي شوي عليها





لحظه لا توصف .. مشهد مستحيل ينمحي من الذاكره .. تجلت روعة الانسانية فاللحظه اللي عطيت بنتي لزوجتي و ضمتها علي صدرها و جلست تبكي .. كانو منسجمين مع بعض .. كان صوتهم واحد و نفسهم واحد .. اهاتهم وحده و حركاتهم و حده .. حسيت بأن الله رزقني طفلتين فوقت واحد .. و حسيت كمان ان بنتي رجعت لرحم أمها و أستصعبت علي نفسي اني ارجع و أشيلها مره ثانية .. كنت أظن ان شعور الاب هو أسمى و أجمل شعور بهالدنيا لكن طلع فرق كبير بين احساس الاب و أحساس الام .. تلاقت عيونهم .. وحده تتنهد والثانية ترد عليها .. حتى لما تثاوبت همها كمان تثاوبت معاها .. رجعت عيونهم تلاقت .. الام عيونها ذبلانه من التعب والسهر والولاده .. و البنت عيونها توها بدت تتفتح و متضايقه من الضوء .. البنت و الام .. المال وراس المال .. الحب والحياة .. يالله لك الحمد و الشكر

يالله لك الحمد و الشكر

يالله لك الحمد والشكر

أشهد أن لا اله الا الله و أشهد أن محمد عبده ورسوله

الحمد لله

والشكر لله

ولا أله الا الله والله أكبر





المولوده طلعت صوت .. مدري هي عطسه والا كحه و الا ايش بالضبط المهم طلعت صوت و بعدها بدأت أول أنشودة حب فحياتي و أول صرخه لها .. البنت تبكي والام تبكي و أنا بديت أعطي الفرصه لدموعي أنه تتعرف علي خدي





قد ما كتبت صدقوني مقصر فوصف ذاك اليوم .. كل لحظه و كل ثانية أشوف عظمة الخالق تتجلى قدامي .. لما شفت بنتي بترضع حسيت الدنيا كلها صارت ملك يميني .. و حسيت بأحساس أمها اللي كانت طايره من الفرحه و فعينها احلى دمعه .. شايف يا وليد شايف بنتي .. شايف حبيبتي الله يخليها لنا يارب .. الله يخليك لنا يارب ولا يحرمنا منك يا تاج راسى .. حياتي انتي الله يفرح قلبك كمان و كمان ويسعدك دنيا و أخره .. آمين يارب





الوه هلا والله وينكم انتو .. فيه خلاص وصلنا المستشفي انتو فين بالضبط .. فقسم الولاده الدور الرابع غرفه 1455 .. طيب جايني الحين مع السلامه .. حبيبتي وصلت أمك و جايه الحين بالطريق .. والله كويس اللي جت مسكينه تعبتها معايه .. وصلت حماتي و دخلت للغرفه هي و محمد ولدها .. بنتي حبيبتي الحمد لله علي السلامه .. الله يسلمك يا امي لا تبكي يا امي انا الحمد لله بخير و البنت طيبه و زي القمر .. الحمد لله الحمد لله مبروك يا وليد .. الله يبارك فيكي يا أم محمد و الحمد لله علي سلامتها و سلامت المولوده خلاص صرتي جده يا أم محمد .. الله يسلمك من كل شر يا ولدي و يسعدك ويهني كان شاء الله .. مبروك يا حنان .. الله يبارك فيك يا محمد .. مبروك يا وليد .. الله يبارك فيك يا أبو حميد مبروك يا خال بنتي .. صح نسيت أقلكم .. أنا بتكلم عن زوجتي حنان





أنتهى .. الساعة 2:00 صباحا .. و لنا لقاء .. تحياتي
أبو خالد
11-07-2007, 05:16 AM
حنو و عهووده
( حنان و عهود )


اليوم الثالث .. الثلاثاء 25/10/1428هـ .. الساعة 1:00 ظهرا


### الفصل السادس ###


طبعا أنتو محتارين زيي .. كيف تطورت الأحداث و وصلت هالمرحله .. هذي لها قصه طويلة و مؤلمة .. قصه كانت تلعب براسي و تمرني زي الأطياف و أحلام اليقضه .. قصه كنت أسمع صوت داخل أعماقي يرويها لي و أنا طالع من المستشفي و بمشي علي رجولي .. قصة كانت بدايتها بنهايتي .. أو يمكن تكون قصه مالها بداية و لا لها نهاية .. المهم أنها قصه زيها زي غيرها .. لا ما هي زي غيرها .. أغلب القصص يكون فيها خير و شر و فرح و حزن و حظ و قراده و ظلم و أنصاف .. و كانت كل القصص تتساوي فيها هالمعايري .. لكن قصتي زاد فيها الظلم و زاد فيها غدر الزمان و زاد فيها الألم .. والله تعبت و تعبي من تعب الناس اللي حولي .. أنا السبب .. أني اللي نشرت الألم و اليأس علي كل اللي حولي .. أنا السبب


عمري ما حسيت بمذله زي اللي أنا فيه ليش تسوي فيني كذا يا وليد وش سويتلك أنا .. أهدي يا أمل وخلينا نتفاهم .. نتفاهم نتفاهم علي أيش جاي تقلي أبغاء أتزوج عليكي و أحنا ما كملنا شهرين و تبغاني أتفاهم .. أمل الصراخ و الجنان ما راح يجيب نتيجة .. طيب أيش هو اللي بيجيب نتيجة و أيش هي هالنتيجه .. اللي يرضيكي يا أمل خلينا نتفاهم بالعقل و مالك ألا اللي يرضيكي .. ترضيني كيف و أنت تبغاء تتزوج علي .. أنتي هدي نفسك و أسمعيني و بعدين نتفاهم .. تفضل هذا أنا هادية و بارده لأبعد الحدود تفضل قول اللي عندك .. أمل أنتي سعيده معي .. هذا مو موضوعنا يا وليد .. جاوبيني يا أمل سعيده معي وألا لا .. و أذا قلتلك سعيده .. أقلك لا أنتي منتي سعيده معي و لا شي و أنا أبغاء أسعدكي و أهنيكي .. بأنك تتزوج عليه .. مو هذا القصد يا أمل الإنسان مستحيل يسعد اللي حوله إلا إذا كان سعيد .. طيب و أنا .. علامك .. أنا ماني مسعدتك منت سعيد معي .. أمل الله يرضي عليكي ما قلت كذا أنا كل اللي أبغاه أني أرضي ربي و ثم أرضي نفسي و ما أبي حياتي تكون بالحرام .. حرام ليش وش سويت يا وليد .. ما سويت شي يا بنت الحلال بس أنا بصراحة أكلم وحده .. نعم كمان .. أسمعيني أنا أكلم وحده و تربطني فيها علاقة حب و بس و يعلم الله أن ما بيني وبينها أي شي و لا شفتها ولا شافتني و هي محتاجتني و أنا بعد محتاجها .. وليد ايش بتقول أنتي أنت سامع الكلام اللي بيطلع من فمك .. أفهميني يا أمل صدقيني ما في حل ثاني و ما بيدي ألا شي واحد وبس أتزوج البنت .. وليد .. أمل أسمعيني أنتي بتبقي عيوني و قلبي و كل شي بحياتي و هي بتكون مجرد أضافه لحياتي و ممكن تكونوا أصدقاء .. و أيش رائيك أنا أخطبلك كمان .. والله هذا اللي بفكر فيه أساسا هي ما راح توافق الا اذا كلمتيها أنتي .. لا أكيد أنت أنجنيت يا وليد أو أنك تبغاء تجنني .. أمل انا لا أنجنيت ولا أبغاء أجننك أنا أبغاء الراحة لي ولكي يا أمل أفهميني .. وراحتك ما تكون إلا مع ضره .. ليش تعتبريها ضره أعتبريها صديقه أو طرف ثالث عايش معانا .. وليد كمان تبغاء تعيشها معنا .. مو شرط .. وليد أنا ما أقدر أستحمل كلمه زياده منك .. طيب والحل


صح وش الحل .. أطلق أمل .. أعوذ بالله من الشيطان الرجيم .. وش دخل أمل و أيش ذنبها عشان أطلقها .. طيب وش أسوي .. أنا لو ما تزوجت حنان راح أنجن .. و يمكن أطيح و أطيحها معي فمعصية الله سبحانه و تعالي .. أستغفر الله العلي العظيم و أعوذ بالله منك يا أبليس


حنان اليوم كلمت أمل .. فأيش .. فموضوعنا .. نعم أي موضوع قول ايش سويت ايش خبصت تكلم وليد ايش اللي صار .. أهدي أهدي أنتي الثانية أش فيكم اليوم كلكم معصبين .. من فعايلك قلي أيش سويت .. قلت لأمل أني أبغاء أتزوج .. وليد وليد وليد حرام عليك أيش الجنان هدا دوبكم متزوجين ما كملتو شهرين و تقول للبنت أنك تبغاء تتزوج .. كان لازم أصارحها يا حنان لمته و أنا شايل بقلبي و بعدين هذا اللي راح يصير سواء عاجلا أم آجلا .. طيب طيب قفل الحين أكلمك بعدين أمل بتتصل علي الجوال


هلا حبيبتي .. هلا حنان أشبه تلفون البيت دقيت عليه مشغول .. الوالده بتكلم جيرانها كالعاده كيفك أنتي .. ماني بخير يا حنان ألحقي علي يا حنان ألحقي علي .. ليه أشبك يا أمل تكلمي .. ما ينفع عالتلفون يا حنان لازم أشوفك تعالي لي فالبيت الله يسعدك .. طيب طيب خلاص لا تبكي يا أمل ساعة بالضبط و أكون عندك لا تبكي


الحمد لله عالسلامه يا عريس .. هلا الله يبارك فيك مع السلامه .. نعم طيب مع السلامه و مبروك .. الله يسلمك .. رجعت حليمة لعادتها القديمة .. رجعت وليد الاول .. و كل الوزارة لاحظت .. في ناس جو يباركولي و يوم سمعوا أني رجعت وليد الأول بطلوا ورجعوا مكاتبهم .. أي نعم رجعت وليد الأول .. رجعت للعبوس و التكتيم و رجعت للضيق و الألم .. بس هالمره كنت من سيئ ألي أسوئ .. زادة جروحي و زادة ألامي .. أي جروح و ألام .. بالعكس أنا كنت بخير و نعمه .. الحين اللي صرت كلي جروح و الام .. الله يعين اللي حولي .. حالي زمان أيام كنت مكروه يعتبر نعمه جنب وضعي الحالي


حكتلي حنان عن مقابلتها مع أمل .. و كانت بحد ذاتها قصه تستاهل الواحد يكتب عنها .. و سبحان الله اللي خلق هالحريم و أبدع فخلقه .. و صدق الله العلي العظيم حين قال أن كيدهن عظيم .. تقول حنان .. لما كلمتني أمل كانت تبكي و حالتها حاله .. و لما وصلت لبيتكم كنت متوقع أشوف طير مذبوح قدامي .. جيت لقيت أمل .. أمل اللي عرفتها من أيام المدرسة .. كانت واقفة ترحب و تهلي و هي بكامل زينتها .. و كانت طبيعيه زياده عن اللزوم كمان .. كانت تضحك و تسولف و مشتاقتلي و جالسه تحكيني عن سفركم و عن الوناسه و المتعه اللي هي عايشتها .. و كلمتني عنك كثير كثير .. و مدحت فيك كثير كمان .. لدرجة أني نسيت السبب اللي خلاني أجيلها جري


اااااااايه يا حنان عقبالك .. ياريت والله من فمك لباب السماء .. هههه يعني مستعجله عالزواج .. مو مره بس ما أبغاء أجلس بدون زواج عشان ما تعايريني أصلا أنتي ما تستحي علي وشك وإلا ما تتزوجي و تتركيني .. هههههه وأنا وش دخلني .. وش دخلكي مو صاحبتي و ما تقدري تستغني عني و مدري إيه فين راح كلامك يا أمل .. أف أف اف أثاريكي زعلانه و أنا مدري طيييييييب بالطقالق .. أوريكي يا دبه خلاص مزاعلتكي .. لا لا أنا ما أقدر علي زعلك .. ولا انا يا أمل الله لا يجيب الزعل .. آمين الله لا يجيب الزعل .. و الله يجب نصيبي عن قريب كمان قولي أمين .. أمين يارب وبعدين بسيطه و لا يهمك أزوجك .. يا سلام بتشتغلي خطابه .. لا أزوجك أنتي و خلاص أعتزل المهنة .. يا سلام طيب علي كذا حظي حلو بس أبغاكي تتوصي فالعريس .. من هالناحية أتطمني بزوجك أحسن واحد فالعالم .. مره وحده وينه تعيس الحظ هدا .. اللي سعيد حظ ونص بعد أن وافقتي عليه و لا يلقى أحسن منك يا حنان .. تسلمي و شكلك بتتكلمي جد .. طبعا بتكلم جد الزواج ما فيه مزح .. ماني فاهمه .. وش اللي منتي فاهمته أنا بزوجك و عندي عريش جاهز .. الحقيقة فاجأتيني يا أمل أنا كنت أفكرك بتمزحي .. لا ما بمزح هاه وش قلتي ناويه تتزوجي .. ما أدري أيش أقلك طبعا أنا أبغاء أتزوج بس ما أدري طيب مي نهوه العريس .. قلتلك عريس جاهز و طيب و أبن حلال .. والله مدام من طرفك أكيد بيطلع طيب و أبن حلال .. تسلمي مشكوره حبيبتي .. بس ما قلتيلي مي هوه .. لا تستعجلي علي رزقكك .. يا سلام يعني لكي ساعة تقرقري علي راسي وفالاخير ما تبغي تقوليلي علي أسمه .. هههه طيب ولا يهمك بقلك علي اسم العريس .. هاه مين .. زوجي وليد


أنا و حنان نحب المزح و التريقه و دايم نضحك و نسوي مقالب فبعض .. لما حكتيلي هالسالفه حسبتها بتمزح والا بتسوي فيني مقلب .. عشان كذا أخذت الموضوع بكل هدوء و جلست امزح و اتريق و اعلق عليهم و بعدين قلت لحنان .. ممتاز كذا أنحلت كل مشاكلنا الحين أروح اقلها تزوجنا و خلاص .. وليد أنته من فين تفهم أنا بتكلم جد هذا اللي صار و بعدين أحر ما عندي بارد عندك .. هههههه أسمها أحر ما عندي أبرد ما عندك و بعدين بلا خبال أمل تقلك بزوجك زوجي .. والله العظيم هذا اللي صار ياوليد ما بكذب أنا .. ما قلت بتكذبي بس أنا علي بالي بتمزحي والا بتسوي فيني مقلب .. مقلب مين انت التاني أقلك البنت قالتلي ابغاء أزوجك زوجي .. طيب وش صار بعدين أنتي وش سويتي .. ولا شي قمت و قلتلها لا أنتي جراء لعقلك حاجه الظاهر الرحلة البحرية أثرت عليكي أروح بيتي أحسن لي .. طيب وبعدين .. و لا قبلين جلست تضحك و قامت وصلتني للباب ورجعت للبيت و هذا أنا بحكيلك اللي صار .. والله ما أدري أيش أقلك بس لا تشغلي بالك يمكن بتمزح والا مقلب .. وليد خذ الأمور بجدية شويا أمل ما هي حقت مزح و مقالب أمل براسها شي والله يستر .. لا تخافي يا حنان و أن شاء الله مو صاير إلا كل خير .. وليد تتوقع أمل شاكه بشي .. من هالناحية أتطمني أنتي تعرفي أمل أكثر مني و تعرفي طبعها ما تقدر تشيل شي بقلبها و تسكت لو شاكه بش كان من زمان تكلمت .. ما أدري يا وليد بس قلبي مو متطمن و حاسة أنه في شي .. لا تخافي و طمني قلبك و مو صاير إلا كل خير


كان هاليوم من أصعب الأيام بحكايتي .. كان كل شي متوتر .. توتر بالعمل توتر فالبيت توتر عند أهلي توتر عند أرحامي كان كل شي متلخبط بس مغطي كل واحد ساتر عالثاني و مغطي عليه .. وكل لحظه تمر أحس أن اللحظة الجاية بينفجر فيها الوضع و تسقط الوجيه و الاقنعه الكذابة و كل شي يبان علي حقيقته


كنت جالس بالصالة .. و أمل جالسه فالمطبخ .. وبيني وبينها كاونتر مفتوح و صوتها واضح و هي بتكلم فالجوال ...

حنان .. نعم يا أمل .. أنا كنت ناويه أكلمك بموضوع يوم جيتيني للبيت بس بصراحة ما قدرت أواجهك .. موضوع و تواجهيني خير يا أمل تكلمي أحنا أخوات و ما بيننا هالمقدمات .. طيب مدام أنتي عرفه أننا أخوات يا حنان ليش سويتي كذا .. أيش سويت يا أمل .. منتي عارفه أيش سويتي .. أمل لا تحرقيلي أعصابي قولي أيش فيه .. سلامة أعصابك حبيبتي لا تحرقي أعصابك و لا تتعبي نفسك .. الله يسلمك أمل قولي ارجوكي و لا تسكتي أيش فيه و أصحك تقوليلي مقلب .. مدري مين فينا اللي بيسوي مقلب فالثاني يا حنان أنا كل اللي أبغاء شي واحد بس ليش ليش يا حنان أموت و أعرف أيش معنا وليد


أنتهى .. الساعة 2:00 ظهرا.. و لنا لقاء .. تحياتي
أبو خالد
11-08-2007, 05:06 AM
حنو و عهووده
( حنان و عهود )


اليوم الخامس .. الخميس 27/10/1428هـ .. الساعة 1:00 صباحا


### الفصل السابع ###


أمل بنت عادية .. عمرها حوالي أثنين و عشرين أو ثلاثة و عشرين .. و تفكيره عادي جدا يعني لاهي ذكية مره و لاهي غبية مره .. وسط و أفضل وصف لها أنها بنت عادية .. لكن حركتها ذي تعتبر ضربت أستاذ بمعنى الكلمة .. محد منا كان متوقع أن أمل تبتكر مثل هالقصة و تطلع لنا بهالخطه .. أمل ما كانت تعرف شي عن اللي بيني و بين حنان .. لكن شاءت الصدف أنها تهاجم حنان و تسوي نفسها كاشفتنا و هي ما تدري عن شئ .. و طبعا حنان انهارت بس ما تكلمت .. أما أنا وقفت مع حنان قلبا و قالبا .. دافعت عنها و عن حبى لها .. و أنكشف المستور


يعني شكي طلع بمحله .. أي شك أنتي خليتي فيها شك يا أمل .. المهم أن كلامي طلع صح و أنك بتخوني مع أعز صاحباتي .. أمل أنا ما بخونك أنا أحب حنان و أبغاء أتزوجها علي سنة الله و رسوله .. و أتمنى أنك تتقبلي هالشي و نكمل حياتنا يا أمل .. بهالبساطه يا وليد .. أيه بهالبساطه أيه بهالبساطة و ما في أبسط من كذا أنتي أكثر وحده تعرفي حنان و تعرفي وضعها .. مو هذا اللي قاهرني .. أمل أفهميني و خليني أكمل كلامي أنتي تعرفي حنان زين و تعرفي أخلاقها و طيبتها حنان علي نياتها يا أمل مسكينة و ما راح تأكل عيش معاكي يعني تقدري تملكيها بكلمتين و تصيروا أصحاب و هي ما تبي غير الستر و المعاملة الطيبة و صدقيني راح أحطك بعيوني و لا بينقص منك شي .. عيني عليك بارده يا وليد يعني مصر على حنان و تبغاء تقنعني أنا كمان أسمع يا وليد أنا بروح لبيت أهلي و بقلهم أنك تبغاء تسافر كم يوم و لا أشوفك إلا و أنت مغير رأيك .. أمل أسلوبك ذا ما يجيب نتيجة و بعدين أنا عمري ما غلط عليكي و لا كلمتك بهالاسلوب فياريت تحسني طريقة كلامك معايه .. آسفة يا سعادة النقيب غلطنا بحقك طال عمرك .. لا حول ولا قوة إلا بالله براحتك يا أمل سوي اللي تبغيه بس اللي براسي مستحيل يتغير أنتي فكري و قرري و أنا راضي باختيارك


راحت أمل لبيت أهلها .. و حنان مسكينة مرضت و تدهورت صحتها بعد كلام أمل .. مسكينة ما تستاهل و أنا السبب فكل اللي صار لكن الله يقدرني أن شاء الله و أعوضها


مر أكثر من أسبوع علي هالكلام .. و أمل كل يوم يزيد غضبها .. و حنان بدأت تتحسن صحتها و بداء رأيها يتغير شوي شوي .. حنان من أول ما تبيني أتزوجها عشان أمل .. و بعد اللي صار زاد رفضها أكثر و أكثر .. مو خوف أو قلت محبه إلا من زود محبتها لي و لأمل كانت تبي تبعد عني و عن حياتي و عن أمل .. و كان في شغله ثانية مشغله بالها .. أهلي و عملي


فالأسبوع الثاني أمل فقدت الأمل بأني أعقل و أغير اللي براسي .. و قررت تلعب لعبه جديدة .. طلبت من أمي أنها تزورها فبيت أهلها


هلا والله وغلا بأم وليد نورتي و شرفتينا يالغاليه .. هلا بك يا أمل كيف حالك يا بنتي .. والله بخير و نعمه و لله الحمد أنتي كيفك .. أنا بخير و الحمد لله ماشي الحال كيف أمورك مع وليد .. والله يا عمتى هذا اللي خلاني أطلب زيارتك .. أحوالكم ماهي عاجبتني قولي وش صاير بينكم .. والله يا عمتي الظاهر أنها عين و صابتنا .. أعوذ بالله من الشيطان الرجيم .. و صدقيني أسفه يا عمتي أني خليتك تكلفي علي عمرك و تجيني للبيت بس أنا كنت أبغاء أجلس معاكي لحالنا .. لا لاكلافة و لا شي و أنتي زي بنتي قولي يا أمل وش صاير .. و ليد يا عمه و ليد طايح بمشكله كبيره .. لا حول ولا قوة إلا بالله وش فيه يا أمل تكلمي خوفتيني .. أتطمني يا عمه وليد متعرف علي وحده و الظاهر أنها مسويتله بلا .. أعوذ بالله من الشيطان الرجيم .. أي والله يا عمه و الحين يبي يتزوجها .. وشو يتزوج ليه ناقصه زواج ما هذا هو متزوج وش يبي بعد و بعدين وين خرابيطه هذي يوم كان عزوبي و تعبنا و أحنا نقله شوف حياتك تزوج أستر نفسك الحين يوم زوجناه بيدور زوجه .. قلتلك يا عمه البنت مسويتله شئ يمكن سحر يمكن عمل الله و أعلم بس هي أجنبيه و تبغاء تاخذه عشان فلوسه و عشان تأخذ الجنسية .. تخسى و تعقب ومن بيسمحلها تأخذ ولدي و تدمر حياته أسمعي يا أمل .. سمى .. سم الله عدوك و كل من يضمرلك الشر أن شاء الله أنتي قفلي علي هالموضوع و خليه بيننا و لا أحد يدري و أنا راح أتصرف


أمي أطيب أم فالدنيا .. و بعدين عاقله و رزينه و ما شاء الله عليها عندها سرعت بديهه و حسن تصرف .. و أمي متعلمة و دارسه و من أوائل السعوديات اللي حصلوا علي شهادات عليا .. كان بودها تكمل و تأخذ الدكتوراه بس شافت أن التفرغ لبيتها و لولدها اللي هو أنا أهم من شهادة الدكتوراه .. و أكتفت بشهادة الماجستير في أعداد و تأهيل المعلمات .. و موقفها مع أمل كان كله تمثيل بتمثيل .. طبعا ماراح تمسكلي العصى و تربط الفلكه قبل تفهم الموضوع .. لكن فنفس الوقت كانت تبي تريح أمل و تتطمن قلبها علي بال ما تتفاهم معي


وليد كيف حالك و كيف حال أمل .. الحمد لله ماشي الحال .. الحمد لله وليد أبغاك توصلني مشوار .. حاضر يالغاليه غالية والطلب رخيص .. ركبنا بالسيارة و طلعنا من البيت .. وين تبي أوديكي يا أم وليد .. مدري أي محل أبغاء أتمشي ما يحقلي أتمشي واللي التمشية لكم يا الشباب و بس .. و من قال أنك منتي شباب بالعكس شباب و نص و أذا تبي أنا مستعد أمشيكي كل يوم وش رايك .. لا مشكور و ما تقصر خليك أنت فحريمك و أنا أدبر نفسي عندي عيالي و عندي أبو عيالي و عندي بدل السواق ثلاثة .. طيب و لا يهمك .. وليد .. نعم يمه .. كيفك أنت و أمل .. الحمد لله ماشي الحال .. شلون ماشي الحال .. يعني ماشي الحال ليه تسألي .. بس حبيت أسأل لأني أبغاء أشوف كان أمل ماهي مريحتك نشوفلك غيرها .. هههههه ليه سيارة هي خلاص زوجتي و تراء ما ارضي عليها .. زين طيب و الثانية .. أي ثانية .. البنت اللي تبي تتزوجها .. أي بنت .. أمل قالت لي علي كل شي .. لا حول ولا قوة إلا بالله .. لا و أزيدك من الشعر بيت تقول أنها ساحرتك أو مسويتلك عمل .. أعوذ بالله من الشيطان الرجيم .. ما علينا المهم وش سالفت هالبنت .. يعني ما علمتكي .. قلتلك ما علينا من أمل أبغاء أسمع منك و صدقني كانها زينة و طيبه وبنت ناس و أنت شايف أن سعادتك ورضاك معها أنا اللي بزوجك أياها يا وليد


تعبت أنفاسي و تعبت ذاكرتي و أنا أتصفح أحداث الماضي .. مدري كيف مرت ذيك الأيام .. أطلع من حفره أطيح بدحديره .. وكل ما ضحكت لي الدنيا ترجع تضحك علي و تزيدني هم علي هم .. حنان ما زالت في صراع نفسي جابلي الجنان لأني كنت حاس فيها بتتعذب و بتتألم بسببي .. أمل جالسه عند أهلها و تتفرج عالاحداث و كأنها من الجمهور ما كنها لاعبه أساسية .. أمي اللي قلت أن الله بيكتب الفرج علي يدها قلبت الطاولة علي راسي


وليد أنت أنجنيت .. ليه يمه .. وشو اللي ليه أجنبيه يا وليد .. وش فيها يمه يهودية هي .. ما فيها شي و أنا أمك و الله العلم يمكن تكون أحسن مني و منك بس .. بس أيش .. أبوك جماعتك شغلك .. وش فيهم .. أبوك مستحيل يسمحلك تتزوج أجنبيه .. هو أنا اللي بتزوج و إلا هو يمه .. وليد زواجك من أجنبيه يهز صورت أبوك قدام جماعته و يمكن يخرب عليه و يطير الشيخه من أيديه .. و أنت بعد راح تصير منبوذ بالقبيلة و عيالك ما أحد يرحب فيهم و بعدين شغلك نسيت أنك ضابط بالداخلية و وظيفتك حساسة والله لو دروا أنك بتاخذ أجنبيه كان سجنوك .. يايمه أنا أبي أتزوج بالحلال علي سنة الله ورسوله ماني مسوي شي غلط .. و من قال أنك مسوي شي غلط وليد أنا عارفتك زين و حاسه فيك و أدري أنك تحب و حتى أنا لو عرفت البنت متأكدة أني راح أحبها و أتمناها زوجه لك لكن الظروف ما تسمح بهالشي يا وليد .. أي ظروف يايمه أنا أهم شي عندي أني أفوز بحنان و أسعدها .. هي أسمها حنان ونعم والله عاشت الاسامي وليد لا تفكر بقلبك فكر بعقلك و أحسبها صح و صدقني راح تنساها و بالنسبة لأمل أدري أنك منت مرتاح معاها لكنك ما تبي تتركها خلي الموضوع علي أنا أشوفلك بنت حلال تسترك و تسترها و خلي أمل الأولي و خذ الثانية .. مليون بنت ما تنسيني حنان و لا تعوضني عنها يا يمه .. وليد طيعني الله يرضي عليك فكر بعقلك و شوف وش نتيجة هالزواج


كلام أمي منطقي 100% .. و ما باليد حيله .. طيب ليش ما أتزوج بالسر .. للضرورة أحكام أتزوج و خلاص .. بس لازم تصريح ما في شيخ يملكلي إلا بتصريح .. و أن تزوجت بدون تصريح فيها سجن و غرامه و فصل مخزي من العمل .. خليني أضبط وضعي بالعمل و بعدين يحلها الحلال


مساك الله بالخير طال عمرك .. هلا والله مساك الله بالنور و السرور يا نقيب وليد .. كيف حالك يا سعادة اللواء .. هههه وين راحت أبو عبدالله .. أنت قلت نقيب وليد و أنا قلت لك سعادة اللواء .. لا أجل خلينا نرجع لأبو عبدالله و أنت شد حيلك و جيب ولد عشان أقلك أبو فلان .. الله يرزقنا أن شاء الله .. آمين يا رب أنت تستاهل كل خير .. تسلم يا أبوعبدالله الحقيقه أنا جايك فموضوع و ما أدري كيف أبداء .. لا حول و لا قوة إلا بالله وليد أنت عارف معزتك و غلاتك عندي و فنفس الوقت تعرف وضعك و مركزك اللي وصلت له بجهدك و انضباطك و ما أحد يقدر يرفضلك طلب فأترك عنك اللف و الدوران و أدخل فالموضوع علي طول .. ما أدري وش أقلك يا أبو عبدالله بصراحة الموضوع صعب شوي .. قول و أن شاء الله خير اللي أقدر عليه ما راح أقصر معاك .. تسلم هذا العشم طال عمرك .. طيب خلصنا و قول وش عندك .. أنا أبي تصريح .. تصريح تصريح ايش .. تصريح .. وش تصريحه سلاح سفر تصريح ايش .. تصريح زواج من أجنبية مقيمة بالسعودية


أنتهى .. الساعة 2:00 صباحا .. و لنا لقاء .. تحياتي
أبو خالد
11-09-2007, 03:56 AM
حنو و عهووده
( حنان و عهود )


اليوم الخامس .. الجمعة 28/10/1428هـ .. الساعة 3:00 صباحا


### الفصل الثامن ###


حسيت أني واحد من أفراد الصاعقة و الكتايب الخاصة و أنا جالس أفجر قنابل وحده وراء الثانية .. من غير الطلقات و الصواريخ اللي كانت تتوجه لي من كل مكان .. يعني تقدر تقول صرت بين مطرقة و سندان .. مشاكل من كل مكان .. و هم و ألم عشته بكم يوم زي اللي عاشوه بأزمان .. ههههه ورآه كلامي مقفى صرت ياسر العظمة .. وكل اللي صار لي كوم و اللي بيصير كوم .. للحين ما وصل الموضوع لأبوي .. والله يستر


وليد .. نعم .. أبغاك تمرني المكتب .. أبشر مته تبغاني أجيك .. ماهي مشكله أي وقت تكون فيه فاضي أنت تعرف مواعيدي مته ما لقيت فرصه مر علي .. أبشر و مايصير خاطرك إلا طيب .. خير أن شاء الله مع السلامة .. مع السلامة


السلام عليكم .. و عليكم السلام ورحمة الله وبركاته هلا والله بالشيخ وليد وينك يارجال من تزوجت ما شفناك .. هلا بك يا عبدالله موجودين بس تعرف مشاغل الدنيا وش علومك أنت .. والله بخير و نعمه والحمد لله كل شي تمام .. الحمد لله أمورك زينه .. يالله لك الحمد ماهو قاصرني شي .. الحمد لله بشر كيف الوالد اليوم .. ما عليه خلاف .. يعني رايق معصب كيف وضعه .. لا عادي ليه تسأل في شي .. أبد سلامتك بس أتصل علي و طلب أني أجيه للمكتب و هذي أول مره قلت يمكن صاير شي أو فيه مشكله وألا شي لا قدر الله .. لا أبد كل شي تمام و الشغل ماشي من أحسن لا يكون أدخل أنت وش وش يبي منك .. خير أن شاء الله طيب بلغه أني هنا .. أبشر


كيف أمورك يا وليد .. الحمد لله كل شي تمام .. الحمد لله بس أحوالك ماهي عاجبتني .. ليه .. مدري عنك هاه تبغاء أقلك أني حاس بأنه في شي وألا تبغاء أقلك ملاحظ عليك شي و ألا تبغاء ندخل فالموضوع علي طول و أقلك أني عرفت كل شي


أبوي رجل أعمال .. و سلطان مجلس .. و الكل يهابه ويحسب له ألف حساب .. جامع صفات و مميزات لها أول مالها أخر .. حاصل علي شهادة الدكتوراه .. شاعر و كاتب .. سلطان مجلس .. حكيم و فاهم .. شديد و طيب لأبعد الحدود .. كان معروف داخل و خارج المملكة .. وكانوا معارفه متنوعين .. أصدقائه أمراء و شيوخ و وزراء و كمان عمال .. يعرف كل الناس و معروف و محبوب عند كل الناس .. و كان عنده ميزه خطيرة جدا جدا .. ما في صغيره و كبيره تصير فالبلد إلا توصله .. صدقوني المباحث والاستخبارات ما عندها اللي عنده .. وبالنسبة لقصتي كان متابعني من البداية و عارف كل شئ


النقيب طيار وليد xxxxx عنده مشكلة طال عمرك .. خير أن شاء الله .. والله ما أدري وش أقلك يا سمو الأمير موضوعه شخصي شوي لكنه بدأ يأثر علي عمله .. شوف يا أبو عبدالله بالنسبة لوليد بالذات لزم نهتم فيه حتى لو كان موضوعه شخصي أنت عارف أن وليد ضابط كفؤ و يستاهل كل خير و راحته مطلوبه عشان يستمر بعمله و أنت عارف وش أنجز أثناء خدمته .. أكيد طال عمرك ما في شك أكيد أكيد و بحاول قد ما أقدر أني أساعده بس طال عمرك .. خير وش فيه .. بصراحة مشكلته .. أدخل فالموضوع بدون مقدمات وش عندك يا أبوعبدالله .. بصراحه النقيب وليد يبغاء يتزوج أجنبية .. أجنبية .. أي نعم طال عمرك .. لواء فهد .. سم طال عمرك .. أبغاك تحل هالموضوع و تنهيه بأسرع وقت


يبه أنت تعرفني زين و تعرف أني رجال و مسئول عن تصرفاتي و لأني جاهل أو مختل أنا ماسويت شي إلا و أنا مقتنع فيه .. ماشي يا وليد و عن نفسي ماعندي مانع و ماراح أفكر بالمشاكل اللي بتجيني لكن أنت ما حسبت حساب اللي بيصيرلك لو سويت اللي براسك .. يا يبه أنا أهم شي عندي سعادتي وراحتي و ما علي بغيري العادات و والرسميات ماهي قرءان منزل .. أنا ما أتكلم عن العادات والتقاليد أنت عسكري و تعرف النظام و بعدين أنت ولدي الكبير و وريثي من بعدي و كونك متزوج وحده أجنبيه راح يحرمك أنت و عيالك من أشياء كثيرة .. أشياء ما تهمني يا يبه .. بس أنا تهمني و أهلك تهمهم .. بس يبه .. أسمع يا وليد أنا أدري فيك و داري أنك تحب هالبنت و لازم تفكر زين قبل تضيع نفسك و تضيع بنت الناس أذا تحب البنت صحيح أنساها و أبعد عنها .. وش قصدك يبه .. أذا تزوجت هالبنت لا قدر الله راح تكون بينك و بين أهلك و جماعتك و الكل راح يرفضك و يبتعد عنك وراح تخسر كل شي سمعتك و عملك و حتى أهلك و بكره ما تلقي حق ريال خبز تأكلها فيه و حتى لو جبتها و حطيتها عندي فالبيت راح تتعامل علي أساس أنها وحده أجنبيه وحده غريبة دخلت بيتنا و ضيعت ولدنا و خربت بيته وحده زيها زي أي نبته ضاره


كلام أبوي ضايقني كثير .. بس للأسف هذي صوره مبسطه و جميله و بيضاء و نقيه عن الواقع الأسود المرير .. الواقع للأسف أسوء بكثير من اللي وصفه أبوي .. رجعت لمكتب و أنا جالس أفكر بهالموضوع .. ولما دخلت المكتب لقيت اللواء أبوعبدالله جالس محلي


السلام عليكم .. و عليكم السلام ورحمة الله أستريح .. مساك الله بالخير طال عمرك .. مساك الله بالنور وينك يا وليد لي مده أنتظرك .. المعذره طال عمرك الوالد أتصل علي و رحت له .. أكيد يبي يكلمك بموضوع زواجك .. حسستين أنك مشترك فمأمره ضدي يا أبوعبدالله .. أفا عليك يا وليد أنا معاك يا وليد و الوزارة كلها متمسكه فيك بس النظام و العقل ما يسمح باللي بتسويه .. أبوعبدالله أنا ما بسرق أو بقتل أو بسوي شي حرام .. إلا بتقتل و نص يا وليد أنت بتقتل نفسك و تبينا نكون شركاء فهالجريمه .. أذا الحب و راحت النفس أجرام أسمحلي أفتخر بجرمي و أصر عليه .. حتى لو قلتلك زواجك أو وضيفتك .. راح أختار الزواج بدون تردد .. و أن قلتلك ما في تصريح حتى لو فصلت من العسكريه .. فهالحاله راح أضطر أهاجر و أعيش خارج المملكة .. نفسي تسجل كلامك و ترجع تسمعه العناد يولد الكفر يا وليد .. هذا ماهو عناد يا أبوعبدالله هذا حب الحب الوحيد بحياتي الطعم الوحيد بحياتي طول عمري و أنا مجرد كائن حي محشور فقفص الرجولة و العادات و التقاليد حتى يوم كبرت صرت خادم لهالبلد و ضحيت بوقتي و صحتي و مجهودي للدين ثم للبلد و أخرتها تبو تحرموني من سعادتي .. ما قلنا شئ يا وليد بس اللي بتسويه غلط والله غلط و ماراح يزيدك إلا هم و تعاسة أنت بتصير نكره بعد ما كنت من خيرة شباب البلد .. لا تتعب نفسك أبوي قال هالكلام و أكثر و صدقني يا أبوعبدالله أنا الحين ما أبي من هالدنيا إلا أني أتزوج اللي أبيها و أعيش حياتي و بس .. وليد .. سم طال عمرك .. كم رصيدك فالبنك .. ليه تسأل .. جاوبني عندك مليون مثلا .. الحمد لله عندي .. ممتاز روح أسحبها و جيبها لي .. أبشر بس أفهم ليش .. بعدين راح أفهمك أسحبها و جيبها لي و لا أحد يدري عن هالموضوع .. أن شاء الله الحين أروح أسحبها و أجيبها لك .. زين و أعتبرها أمانه عندي و لا أحد يدري عنها و مته ما غدر فيك الزمن تعال و خذها و ما أقدر أقلك إلا مبروك


وليد .. هلا حنان .. وليد الله يخليك أحنا لازم نبعد عن بعض .. حنان وش صار هالمره ما كنا طيبين أمس .. ما صار شي بس لازم ننهي اللي بيننا يا وليد .. حنان أدخلي فالموضوع علي طول .. ما في شي يا وليد


حنان جاها تهديد من أكثر من مصدر .. و كثيرين كلموها و حاولوا يفرقوا بيني وبينها .. و حنان يتيمة الأب .. و عايشه هي و أمها و أخوانها و خالها هو المسئول عنهم .. خالها جاه مبلغ كبير مقابل يمنع الزواج لكنه رفض .. ما رفض حبا فالبنت و فمصلحتها لا رفض طمع .. قال بدل ما أخذ مبلغ و أطلع أخذ ولدهم و أستفيد منه طول العمر .. و أهل الخير ما قصروا .. شرحوا لحنان المصايب اللي راح تصير بسبب زواجها مني .. و هالشئ خلها تتراجع و تغير رأيها خوفا علي مو خوف منهم


وليد أنا عمري ما أدخلت بينك و بين بنتي لكن هالمره أسمحلي بتدخل و نص بعد بنتي ماهي لعبه و سمعتي و سمعتها غالية و ما أسمح لأحد أنه يسئ لي أو لبنتي .. و مالك إلا طيبت الخاطر يا عم وش اللي تبيه و أنا حاضر .. اللي أبيه واحد من أثنين أما أنك رجال تعقل و ترجع لصوابك أو أنك تطلقها و تفكنا شرك .. و أنا ماني مجنون و لأني قليل عقل ياxxxxx و أذا بنتك تبي الطلاق أنا ما عندي مانع و أذا هي ما تبيني فأنا ما أبيها من أول يوم أخذتها بس ما حبيت أدخلكم فمشاكل و تركتها تكمل ست شهور علي ذمتي و الحين هي بطريق و أنا بطريق .. يصير خير يا وليد يصير خير


رميت هالخبر الحلو و حنا نتغداء بالبيت .. أبوي و أمي و أخواني و أخواتي .. كلهم تلقو الخبر الصاعق و تأكدوا و تيقنوا أني فقد عقلي خلاص


طلقت أمل علي الغداء و خطبت حنان علي العشاء .. و قلت لهم أنه الأفضل أننا نتزوج بأسرع و وقت عشان ما تصير مشاكل .. و ثاني يوم رحت للوزارة و طلبت مقابلة الوزير .. ولما دخلت مكتبه لقيت مفاجأة .. أنا كنت بأنتظر من زمان يا نقيب وليد و بنتظر اليوم اللي تجيني فيه و تطلب التصريح أكتب طلبك و هات أوقع عليه بالموافقة و صدقني أني بضرك ما بفيدك و لهالسبب راح أعطيك مهله مدتها ثلاث شهور ترجع فيها نفسك و تفكر زين و أذا رجعت مكتبك ينتظرك أما أذا أصريت علي قرارك فأنسى كل شي يا وليد


ميزان عجيب .. كفه فيه حنان و بس .. و كفه فيها أهل و عز و جاه و منصب و هيبه و عمل و فلوس و سيارات و كل شي بهالدنياء .. بس الغريب أن كفت حنان رجحت و صارت هي الأقوى .. أخترت حنان و قررت أترك كل شئ .. أو بالأحرى هم اللي تركوني و صرت بعدهم و لا شئ



أنتهى .. الساعة 4:00 صباحا .. و لنا لقاء .. تحياتي
أبو خالد
11-09-2007, 09:12 PM
حنو و عهووده
( حنان و عهود )


اليوم الخامس .. الجمعة 28/10/1428هـ .. الساعة 8:00 مساء


### الفصل التاسع ###


بكل بساطه هذا اللي صار .. حصلت علي موافقة وزارة الداخلية للزواج بأجنبية .. لكن ما حصلت علي موافقة أهلي .. فصلت من العسكرية .. فقدت الاتصال بجميع الأصدقاء و الأقارب.. خسرت كل شي .. حتى حلالي و أملاكي تنازلت عنها و تركتها .. رميت كل شي ورائ .. و ما فكرت إلا بشي واحد و بس .. زواجي من حنان


كان موضوع الزواج شئ لا يذكر .. خطبت البنت من خالها و أمها و وافقوا و رحت للمأذون الشرعي و ملكت عليها و انتهى الموضوع .. حنان قالت ما تبي لا عرس و لا أي شي .. وراضيه فيني أنا وبس .. و طلبت أني أخذها من بيتها بعباتها اللي عليها .. و فعلا هذا اللي صار .. أخذت حنان و أمها و أخوانها و طلعنا لأحد المنتزهات و تعشينا و سهرنا شوي و بعدها رحنا للبيت .. كنت مستأجر شقتين جنب بعض في أحدى العمائر المتوسطة و في حي عادي بين الوسط و الراقي و بدية أأثثها و أجهزها لإقامتي أنا و زوجتي بشقه و أهل زوجتي بالشقة المقابلة .. و يعلم الله أن مرت علي أيام من أسعد أيام حياتي .. أهل حنان كانوا زي أهلي و أكثر .. أخوانها صاروا زي أخواني و يخلوني أتعب بأي شي .. يخدموني بعيونهم .. عشان كذا أستأجرت المحل اللي بالعمارة و سويته سوبر ماركت و سلمته لأخوان زوجتي و صاروا يشتغلوا فيه .. أما أنا فتفرغت للحب و الراحة و الاستقرار و الحنان .. الله يرضى عليكي يا حنان دنيا و آخره


مواردي المالية قربت تنتهي .. ما كنت أملك إلا رصيدي فالبنك اللي أنخفض بشكل كبير بعد المليون اللي عطيتها للواء فهد و بعد مصاريف الشقة و العفش و السوبر ماركت .. و صار لازم أدور علي مصدر دخل يساعدني علي أمور الحياة .. خاصتنا أني تركت كل ما أملك من بيت ألي سيارات ألي أراضي .. و علي فكره كان عندي عماره لكني تركتها و سكنت بشقه .. و طلعت من ديرتي و سكنت بمدينة آخري عشان أبعد عن الناس و أبعد عن المشاكل


أستمريت علي هالحال حوالي سنه تقريبا و بعدها جتني أول مفاجأة سارة بعد آلاف المفاجآت المفجعة


وليد .. هلا حبيبتي .. وليد اليوم حاسة بتعب ومتضايقة مدري وش فيني .. أنتي لكي كم يوم منتي عاجبتني قومي البسي خليني أوديكي للمستشفي .. مافي داعي يا وليد .. إلا في داعي و نص كمان يلا قومي بلا دلع .. حاضر


أحنا لازم نسوي شوية تحاليل عشان نتأكد بس بحكم خبرتي ممكن أقلكم مبروك .. يعني .. أيوه يا أستاذ وليد زوجتك أن شاء الله حامل .. الله يبشرك بالخير الله يبشرك بالخير مبورك يا حنان .. هاه ايوه الله يبارك فيك الله يبارك فيكي يا دكتورة شكرا


كانت فرحتنا لا توصف .. أول كنت حاط حنان بعيوني .. لكن بعد الخبر السعيد كان ودي أشق صدري و أحطها بين ظلوعي .. طرنا من الفرحة و المحيط الصغير اللي حولي طار من الفرحة هو كمان .. ما كان حولي غير أهل حنان و كم واحد من الجيران و زملائي بعملي الجديد .. نسيت أقلكم أني أشتغل سائق تكسي .. أي نعم سائق تكسي .. أشتريت سيارة و طلعت تصريح و قلبتها أجره .. و الحمد لله الله رزقني منها و صرت أدخل مبلغ لا بأس فيه .. بالاضافه إلي السوبر ماركت اللي تتطور و صرنا نبيع بالجملة و تعاقدنا مع موزعين يأخذوا منا و يلفوا عالمحلات .. كانت أوضاعي مستورة و لله الحمد .. لأني كنت شايل من تفكيري كل شي .. همي نفسي و زوجتي و بس .. لكن بعد موضوع الحمل


شوي شوي حبيبيتي أنتبهي يالغاليه .. ياسلام أشوف زاد الاهتمام .. أكيد أول كنتي حبه و حده الحين صرتي حبتين و يمكن ثلاثة .. أي شهوه دا بطيخه شايفني .. ههههه لا كوره ياسلااااااااام مته تنتفخي كذا و تصيري زيا لكوره .. ايوه من دحين بدينا شماته .. هههه أمزح معاكي يا قلبي و يانور عيني .. تسلم عينك و تسلميلي يا بعد عمري الله يخليك لنا و يديمك علي راسي يا سيدي .. حلوه ذي سيدي خلاص صرنا حجازيين .. أنا طول عمري حجازيه أنته اللي بدوي يا بدوي .. ههههه المهم المولود أيش راح يطلع بدوي وإلا حجازي .. شكلو حيطلع نص نص يعني مميزات البدوي و مزايا الحجازي .. صار إعلان ماهو مولود .. ههههههه


زادت المسؤولية .. و بازدياد الفرح زادت الأحزان .. فرح علي ما رزقني الله سبحانه من زوجه صالحه أعطتني كل شي حلو بهالدنيا من طاعة و حب و حنان و خدمه و تلبية طلباتي و أحتياجاتي و شايلتني بعيونها .. و اليوم صارت حامل بفلذة كبدي و بجائزتي بهالحياه .. الطفل أو الطفلة اللي راح يشيل أسمي و ينور حياتي .. أما الأحزان فكانت علي حالي و وضعي اللي أنقلب رأسا علي عقب و بعدي عن أهلي و عن مجتمعي اللي كنت عايش فيه .. و كان كل تفكيري كيف أحسن علاقتي مع أهلي و كيف أحافظ على حنان و اللي فبطنها


كنت أتصل ما بين وقت و وقت علي أمي و أتطمن عليها و أطمنها علي .. و أخواني بعد بدية أكلمهم مابين فتره و فتره .. و كنت متردد بخصوص الوالد لأنه زعل و كان ردت فعله قوية بسبب اللي صار .. ما أدري أتصل عليه و إلا أفاجأه بزيارة للبيت .. طيب ليش ما أنتظر لين تولد حنان و أروح و أنا شايل ثمرت حياتي بين أيدي .. صح هذا أحسن حل و هالطريقه هي اللي بتطفي النار و تذيب الجليد اللي بيني و بين أهلي .. لكن القدر ما أنتظر


مرت الأيام و حنان قربت تولد .. و في الشهر الأخير من الحمل جتني مفاجأة جديدة


الوه .. هلا .. الأخ وليد .. أي نعم .. معاك فلان الفلاني .. هلا والله أمر أخوي بأيش أقدر أخدمك .. ما يأمر عليك عدو أنا أكلمك من المستشفي الحقيقة أخوك أحمد صار عليه حادث و هو مرقد عندنا ...... وين أي مستشفي .. مستشفي xxxxx و هو طلب نتصل فيك أنت تحديدا .. طيب طيب أنا جاي الان


كان أخوي الصغير مسافر لقضاء بعض المشاغل .. و يوم كان فنفس البلد اللي أنا فيها صار عليه حادث و دخل للمستشفي .. جيت له وشفت أخوي بعد مرور سنتين تقريبا من أخر مره شفته فيها .. و للأسف كان علي السرير الأبيض .. كانت أصابته و لله الحمد بسيطة و ما فيها شي يقلق .. كان عنده كسر بسيط فالساق و شوية جروح و رضوض متفرقه .. و كان فرحه بشوفتي أكثر بكثير من كلمة كبير .. و طلب مني شي و ألح بطلبه .. طلب مني أنه ما أحد يدري أنه مرقد فالمستشفي و لا أنه صار عليه حادث .. ما كان يبي أحد يدري لا أبوي و لا أمي و لا حتى زوجته .. و ما أدري هالطلب عشان ما يقلقوا عليه وألا عشان ما يدروا أني معها الحين


قايلكم أبوي ما يخفي عليه شي فالبلد .. فاليوم الثالث لنا فالمستشفي كنت جالس مع أحمد و بجهز أغراضه عشان يطلع من المستشفي لأن الدكتور كتب له علي خروج .. و طلعت أنا وياه من المستشفي و أنا شايل أغراضه بيد و سانده بيدي الثانية .. و علي وين ؟؟ !!!!! ؟؟


كانت حنان تعاني من آلام و تعب شديد لان ولادتها قربت و ما بقي غير أسبوع أو عشرة أيام بالكثير و تولد .. ورغم هذا كانت جالسه ترتب الشقة عشان نستقبل أخوي أحمد بعد طلعته من المستشفي .. وصلنا للبيت و فتحت الباب .. حنان عمرها ما شافت أحد من أهلي .. ما شافت إلا صورة الوالد .. و صورته ما كانت معي لأني زي ما قلت لكم تركت كل شي وراء .. لكن فيوم طلع الوالد بالتلفزيون و قلت لها هذا أبوي .. واليوم شافت أبوي علي الطبيعة


كنت داخل للبيت و ساند أخوي و قدامي أبوي .. بعد سنتين أبوي دخل لبيتي و وقف و وجها لوجه قدام زوجتي .. كنا طالعين من المستشفي إلا وصوت أبوي ورآنا يقول علي وين .. أبوي وصله الخبر و جاء بنفسه يتطمن علي أحمد .. و ضرب عصفورين بحجر .. لقى أحمد و وليد .. و يامحاسن الصدف


هذي أخرتها يا وليد شقه مترين فمترين و تكسي .. شوف حتى شكلك تغير .. مسود وحالتك حاله و ضعفان كأنك من أطفال مجاعة أفريقيا .. بس سعيد و متهني يا يبه و الحمد لله عايش فنعمه و صحه و كل أموري زينه و لله الحمد .. يعني عاجبك هالوضع .. يبه الحياه ماهي مظاهر وبس و أنا مستعد أنحرم من كل شي بس أعيش حياتي مع اللي أخترتها و حبيتها و حبتني .. طيب الحين مر عليكم سنتين ما خلص الحب اللي تقول عليه .. مستحيل يا يبه كل يوم حبي لها يزيد أكثر و أكثر و عمري ما ندمت علي أي خطوه أتخذتها عشان أوصل لحنان .. و أزيدك من الشعر بيت كلها أيام و يشرف أول مولود أو مولودة بأذن الله .. وراح ينتسب لنا يا وليد .. وش قصدك يبه .. يعني ولد الاجنبيه راح يصير من عيال الحمايل والقبايل .. أي نعم يبه هالنسب من الله ماهو مني و لا من غيري و بعدين أبشرك زوجتي حصلت عالجنسيه هي و أخوانها بعد يعني أنتهينا من سالفة أجنيبه .. و مين راح ينسى اللي سويته و مين راح ينسى أنك فضحتنا و شوهت سمعتنا مين راح ينسي أنها أجنبيه .. يايبه أنا ما سرقت و لا نهبت و لا سويت شي غلط .. أنت بعت أهلك عشان وحده أجنتبيه يا وليد .. أهلي علي عيني وراسي و ما عاش اللي يبيعكم و صدقني أن نفسي و مناي أرجعلكم بأي طريقه .. الباب مفتوح و لا يردك إلا بيتك حياك الله فأي وقت صلح غلطك و تخلص من هالمشكله اللي حطيت نفس فيها و تعال .. الظاهر يبه أني ماراح أرجع للبيت مره ثانيه


أصواتنا كانت عالية و واضحة .. و للأسف حنان سمعت كل شي .. وهالشي أثر عليها و أتعب نفسيتها .. جيت لقيت دمعتها علي خدها و كانت دمعتي تبي تسبق دمعتها .. صمت حزين ما قاطعه إلا صوت الباب و هو يتسكر وراء أبوي اللي أخذ أخوي وراح


مرت الأيام و جاي موعد ولادة حنان .. مرت ساعات و أنا واقف بالمستشفي .. وفالنهايه وصلت أغلي ضيفه بهالدنيا


أستاذ وليد .. نعم يا دكتور .. الحقيقة ما أدري أيش أقلك بس .. بس أيش .. أنت كنت تعرف أن زوجتك عندها تكسر فالدم و أن المناعة كانت ضعيفة عندها .. وش فيه يا دكتور تكلم .. لا تخاف لا تخاف في مرض بسيط يصيب الأمهات أحياننا بعد الولادة بس حالت زوجتك تطورت شوي و راح تحتاج لعناية يعني لازم تجلس عندنا كم يوم لين تتعالج و ترجع زي أول و أحسن أن شاء الله .. لا حول و لا قوة إلا بالله دكتور أنا مؤمن بربي و ما أعترض علي حكمه و قدره و فنفس الوقت أنا إنسان متعلم و فاهم فأبغاك تشرحلي موضوع مرض زوجتي بالتفصيل



أنتهى .. الساعة 9:00 مساء .. و لنا لقاء .. تحياتي
أبو خالد
11-11-2007, 02:01 AM
حنو و عهووده
( حنان و عهود )


اليوم الأخير .. الأحد 2/11/1428هـ .. الساعة 1:00 صباحا


### الفصل العاشر و الأخير ###


ثلاثين يوم .. ثلاثين يوم هي المدة اللي عاشت فيها حنان معنا من بعد ما سلمتني أغلى و أكبر و أهم أمانه .. الله سبحانه و تعالي عطاني عهود و أخذ حنان .. و لا أعتراض على حكم الله .. و أدعى من كل قلبي أنها تكون متهنيه و مرتاحة و ساكنه جنة الخلد بمشيأت الله .. أنتظريني يا حنان


هذي هي النهاية .. كان يوم طويل بحياتي .. يمكن جاوز الأربع والعشرين ساعة .. اليوم ذا بالذات حسيت أنه خمسين ساعة .. توفت حنان .. و بيدي غسلتها و جهزتها و دفنتها .. و بيدي غطيت قبرها .. و ما بقالي فهالدنيا إلا ذكرياتي الجميلة و أيامي الحلوة معاها .. و بقت عهود


أنا ساكن فوحده من مدن الحجاز .. و نظامهم هنا يختلف .. العزاء ساعة و نص بس بعد صلاة المغرب .. و كان عزاء بسيط جدا .. جيراني و كم واحد من سواقين التكاسي و شويت زباين للمحل .. كانت أسوء لحظات بحياتي .. و المشكلة أني كنت مضطرب لدرجة أن اللي حولي خافوا علي .. كان وجهي يتقلب بين الابتسامة و العبوس .. أن طرت علي أبتسمت و ترجع تطري علي و ارجع للعبوس


ما في إنسان ما مر بتجربة الوفاة و العزاء و هالاحزان .. واحد من أهله أو جار أو صديق .. بس كانت الأمور تختلف .. كانوا الناس يد وحده يتجمعوا و يواسوا أهل الميت و يخففوا عنهم .. لكن فحالتي كان الوضع قاتل


وليد .. نعم .. ما تبغاء تأكلك لقمة يا ولدي .. مالي نفس يا خاله و بعدين أنتي كلي أول و بعدين أكلي غيرك الزعل و الحزن ما راح يرجع حنان حنان راحت للي أحسن مننا و بتعيش أحلى عيشه .. الله يرحمها و يغفر لها و يسحن إليها .. أي والله يا خاله أدعيلها أدعيلها بالرحمة و المغفرة و أنا بأذن الله راح أتصدق عنها و أواصل كل عمل خير كانت تسويه و بحج عنها و أعتمر و .. قاطعتني خالتي وهي تبكي و صار كل اللي حولنا يبكو .. و بين الدموع تسلل صوت عهود و هي تبكي


أعذب و أحلى صوت فالدنيا كان صوت عهود و هي تناغي .. كانت مبسوطة لأني كنت فاك كافولتها و مخليها تأخذ راحتها .. خاصتا بعد ما قصصت أضافرها عشان ما تشمخ و جهها .. كانت تجسيد لعظمة الخالق و نعمه و أفضاله علي بصورة ملاك كان لي أبنه رآئعة الجمال .. كانت أحلى طفله شفتها بحياتي .. أخذت من أمها لونها الأبيض الناصع و مني الطول و من أمها الملامح الدقيقة و مني الشعر الأسود الناعم و من و من .. باختصار كانت نسخه من أصلين .. أخذت مني و من أمها .. خاصتا الملامح .. كنت أشوف عيون حنان بعيونها الوساع .. كنت أشوف أنف أمها و شفايفها و خدودها و حتى أذانها .. كانت ملامحها مطابقة لحنان .. بجد الله عوضني بهالدنيا و ما أقول غير الله يجمعني فيهم بالاخره


مر علي وفات حنان سبعه و عشرين يوم بالضبط .. ورغم الجروح و الأحزان إلا إني كنت مبسوط و مرتاح وعايش حياة خاص فيني أنا و عهوود .. كانت أم حنان و أخوانها يساعدوني بأمور حياتي خاصتا إني صرت ما أطلع من البيت و لا أروح و لا أجي .. و كنت مخصص كل يومي لعهود .. أنام معاها و اصحي معاها .. كنا نتروش سواء و نأكل سواء و نلعب سواء .. حتى لما تمرض كنت أمرض معاها .. كنت متعلق فيها لأبعد الحدود .. و كانت هي كمان متعلقة فيه .. و أي واحد يشيلها غيري تضحك له لمده ستين ثانيه بس و بعدين تجلس تبكي لين أشيلها من جديد


أمي وصلها خبر ولادة عهود .. و فرحت و تمنت تشوفها .. و أنا وعدتها أني أزورها لما تقوم حنان بالسلامة .. و كانت تتصل فيني من وقت لآخر هي وأخواني .. بس للأسف كل مره أفاجأهم بخبر شين .. و كنت مقرر أني أزورهم أنا و عهود و أحاول أصلح العلاقات مع أبوي .. خاصتا بعد ما وصله خبر ولادة عهود و وفات حنان و هو اللي قالي ارجع للبيت


كان يوم الثلاثاء .. و كان زي ما ذكرت اليوم السابع و العشرين فعمر عهود .. و كانت فكامل صحتها و عافيتها و وجهها مورد و زي القمر .. قلت خلاص بكره أن شاء الله بنزل للديره و أشوف أهلي و هم كمان يشوفوني و يشوفوا الثمرة اللي طلعت فيها من هالدنيا .. كنت نايم عالسرير و عهود نايمه علي بطني وجالسين نسولف


هاه حبيبتي بكره بنسافر بنروح لبيت جده و تشوفي أمي و تشوفي أهلكي و عزوتك بنروح للبيت و نتمشى و نستاني .. و كانت ترد علي و تناغي و تتبسم و كانت مبسوطة عالاخر .. و فجأة و بدون مقدمات صابتها زي الدوخة .. حسيت عيونها ذبلت و لونها تغير .. فالبداية فكرتها تبغاء تنام .. بس العادة كانت تتثاوب إذا بغت تنام .. و كانت تنعس بالتدريج أيش النوم اللي نزل عليها فجأة


كنت كل يوم أوديها للدكتورة حقت الأطفال لين طفشو مني فالمستشفي .. كانت كل ما كشفت عليها تقلي بنتك بخير و نعمه و الحمد لله كل شي فيها طبيعي .. وزنها كان طبيعي لونها صحتها أكلها كل شي كان ماشي من أحسن لا يكون .. بس ذيك اللحظة حسيت بقلق و خوف .. و علي طول شلتها ولبستها ورحت للدكتورة .. و طول الطريق و أنا أشوفها تذبل أكثر و أكثر


بسيطة بسيط يا أستاذ وليد حرارتها مرتفعه و نبضها منخفض شوي بس أن شاء الله خير .. طمنيني يا دكتورة .. أتطمن ماهو صاير إلا كل خير .. راح نسويلها فحوصات و تحاليل أيش أكلت اليوم .. نفس أكلها يا دكتورة حليب و الأكل الجاهز حق الأطفال اللي كتبتيلي عليه .. غريبة عالعموم إحنا راح نشوف نتايج التحاليل و نعرف كل شي أتطمن و لا تخاف


مرت أربعه و عشرين ساعة و عهود فحاله يرثاء لها .. انتهى اليوم السابع والعشرين و بدينا فاليوم الثامن والعشرين


فأخر لحظات فيومها الثامن والعشرين رجعت فتحت و صحصحت ورجع الدم يسري فعروقها .. رجعت الوردة و تفتحت من جديد .. و بدت تنثر أبتساماتها و أصواتها الرائعة .. كانت تناغي و تضحك و تصدر أصوات حلوه .. كانت لحظات لا تنسى بحياتي .. يالله .. تكررت هالكلمة كثير فحكايتي .. لحظات لا تنسي .. يعني فالنهاية ما أقول غير الحمد و الشكر لك يارب .. رغم الأحزان في لحظات كثيرة فعمر الإنسان لازم يحمد ربه عليها .. و نحمد الله سبحانه حتى علي أيام البؤس والشقاء و الأحزان .. الحمد لله الذي لا يحمد علي مكروه سواه


رجعت عهود .. رجعت و رجعت لها عافيتها لمدة ما تجاوزت ساعات قليله .. رجعت رحمة من الله سبحانه و تعالي عشان تودع أبوها .. رجعت عشان تلحق أمها .. رجعت عشان تموت و هي بتضحك .. و أنا كمان بضحك .. رجعت تبي تموت بين أيدي بدل السرير البارد اللي كانت عليه


ألوه هلا يمه .. هلا وليد وينك علي أساس انك تجي اليوم .. معليش يمه بتأخر شوي صارت عندي ظروف .. ظروف خير أن شاء الله .. معليش يمه أكلمك بعدين الحين أنا مشغول شوي


ألوه .. ايوه يا وليد .. هلا يمه معليش ما قدرت أكلمك أول لأني كنت فمغسلة الموتى .. مغسلة الموتى خير وش فيه .. خير يمه الله أخذ وداعته عهود يمه توفت الله يرحمها .. لا حول و لا قوة إلا بالله لا حولا و لا قوة إلا بالله أنت ناقص يا وليد يا حسرتي عليك يمه .. يايمه و حدي الله و ادعيلها بالرحمه الله اللي أختارها طير من طيور الجنة برحمته .. الله يرحمها ويغفر لها إن شاء الله و الله يرحمك من اللي أنت فيه يا وليد حرام اللي بيصير فيك ارجع يا وليدي لبيتك و اهلك ارجع كفايه اللي صار لك .. صلي علي النبي يا يمه و ما صار إلا كل خير .. الله يثبتك و يصبر قلبك ياوليدي .. آمين يا رب المهم أنا برتب أموري و أجيكم أن شاء الله


أخذت لي حوالي أسبوعين فبيتي السعيد بس للأسف و حيد .. رتبت أموري مع أهل زوجتي الله يرحمها و نقلت ملكية السوبر ماركت بأسم أم حنان و عيالها .. و بعت سيارتي و جمعت كل اللي بقي معي و اشتريت فيه الشقة اللي كانوا ساكنين فيها و سجلتها بأسم أمهم بعد .. و بعد ما أتطمن عليهم قررت أرجع لديرتي


لا اله إلا الله .. معقولة مرت سنتين و نص بعد .. الدير هزي ما هي ما تغير شي .. نفس الشوارع و نفس البيوت و كل شي علي حاله .. البلد ما تغيرت لكن الناس اللي تغيروا .. رغم أنها ديرتي و رغم أني حسيت أني ما فارقتها لحظه وحده و كأني طالع منها اليوم بس إلا أني حسيت نفسي غريب .. تايه و ضايع بديرتي .. وين يا الطيب


وين يا الطيب .. كان سواق التكسي بيسألني وين أبي أنزل .. وصفت له البيت و نزلني عند الباب .. و وقفت قدام باب بيتنا لأول مره من سنتين ونص .. دخلت البيت و أنا أجر رجولي جر .. و كان خيالي يسبح فعالم جميل ويتخيل حنان و عهود وهم داخلين معي .. شوفي يا حنان هناك كنت العب .. شوفي يا بابه هذي سيارتنا .. شوفي يا حنان هذا بيت الشعر اللي كلمتك عنه .. شوفي يا عهووووووود هذا المسبح اللي راح نسبح فيه أنا و أنتي .. شوفي يمه هذي زوجتي وبنتي


بسم الله عليك يا وليد وين زوجتك وبنتك .. هاه وشو وين .. أنت تقول شوفي زوجتي و بنتي .. كانوا معي يمه كانوا حولي كانت حنان ماسكه يدي كانت عهود متعلقة بضلوعي كنت شايل شنطة حليبها و غياراتها يمه كانت بكلمهم و اوريهم بيتنا يمه .. كنت بوريهم المسبح بوريهم سيارتي بوريهم النخلة اللي زرعتها بوريهم الشجرة اللي طحت منها بيت الشعر اللي بغيت احرقه و أنا صغير بوريهم بيتنا يبه بيتنا اللي أتربيت فيه بيتنا اللي انحرمت منه و أتحرم علي عيالي بيتنا اللي طلعتني منه العادات والتقاليد بيتنا إلي ضاق علي كبره و ما قدر يتحمل طفله برئه و أم مسكينة بيتنا اللي أنقفل بوجهي و وجه سعادتي و عمره ماراح ينفتح من جديد


سنتين و نص و أنا صابر .. سنتين و نص و أنا واقف علي رجولي و عمري ما انحنيت أو انكسرت .. سنتين و نص و أنا عايش علي أمل إني ارجع لحياتي .. سنتين ونص و أنا بنتظر اصحي من هالكابوس الفضيع .. سنتين و نص عدو خلاص لكني طلعت صفر اليدين .. حتى ذكرياتي الحلوة بدت تتصارع بخيالي و بدت تتلخبط علي الأمور .. صبرت و أتحملت لكن يوم دخلت بيتنا و شفت أمي و أبوي و أخواني أنهرت و طحت .. أنكسرت و طلع كل اللي بداخلي .. تدمرت و خسرت كل شي .. و هالمره خسرت كل شي من صحيح .. لأني زمان خسرت كل شي و كسبت نفسي .. واليوم رجعلي كل شي و خسرت نفسي


خـــــاتـــــمـــــة


رجع وليد لبيته و عاش مع أهله لكنه بقي عازب و رافض فكرت الزواج


وزارة الداخلية طلبت من وليد أنه يرجع لشغله معزز مكرم و بنفس رتبته السابقة و بنفس الراتب و لكنه رفض


أبو وليد تغيرت معاملته لوليد و لعياله و لكل الناس


ما زالت ضحكات حنان و مناغاة عهود تتردد في خيال وليد و في صوت الليل و الطيور و شروق الشمس و غروبها .. كان ينادي كل اللي حوله حنان أو عهود .. و كان يسمع كل اللي حوله يناديه بابه و حبيبي



أنتهى .. الساعة 2:00 صباحا .. و تقبلوا تحياتي


أبـــو خــــــــــالــــــــــد الــــــــــــــــــــراوي .. أسرة العلا .. تمت في 2/11/1428هـ .. كل الحقوق مهداه لموقع و منتديات أسرة العلا
شاطي الذكريات
11-11-2007, 04:42 PM
حرام عليك

تعور القلب والله
ربيع
11-11-2007, 05:58 PM
يقولن ان عبله بالعراق
وناموا العرب وثاني يوم . . . . . لقوا ان عبلة بتحلم في واحد اسمه . . . . . عـــــنـــــــــــــــتـــــــــــر

ما شاء الله يا ابو خالد سوالف على مزاج عالي

شكرا لك
أبو خالد
11-12-2007, 01:56 AM
حياكم الله و أن شاء الله تكون القصة عجبتكم

تحياتي ربيع و شاطئ الذكريات
باسم ابو سليمان
11-13-2007, 04:57 AM
يعطيك العافية اخوي ابو خالد على هالقصة وبصراحة قرأتها من اولها لاخرها وجدا عجبتني بس تبغى الصراحة حنان حزنتني
أبو خالد
11-14-2007, 06:53 PM
حياك الله باسم

و مشكور عالزيارة

تحياتي
كناري المدينة
11-14-2007, 07:42 PM
الحمدلله انتهيت من الرواية

بجد مـــــــــبـــــــدع ماشاء الله ابوخالد

يعطيك العافية ونتتظر رواياتك القادمة

بوركت
أبو خالد
11-14-2007, 07:55 PM
تسلمي كناري و الله يبارك فيكي

مشكوره عالزياره و أن شاء الله تكوني أستمتعتي معنا

و أبشري بعزك .. قريب أن شاء الله بنزل الجديد

و بفكر أسوي قصه أسمها ( علاوية و عيني قوية ههههه )

تحياتي
كناري المدينة
11-14-2007, 08:15 PM
حقوق الاسم محفوظة لي ابو خالد وبس :D

يلا انتظرها بشووووووق


بوركت
أبو خالد
11-14-2007, 08:31 PM
و لا يهمك

بكتبها و برسلها لكي فالبريد الخاص و انتي نزليها

أتفقنا

تحياتي
رعد الشمال
01-10-2008, 04:52 AM
ابو خالد

وش القصه هذي

شكلها قصه ما هي قصه

ذبحتني اذن الفجر وبتقوم الصلاه

والقصه مابعد حمية

الله يعين ............
شكولاين
01-15-2008, 01:42 PM
قصه حلوه وجميله جداااااااااااااااااااااااااااا
لكنها محزنه وتقطع القلب http://egyfilm.com/Forums/images/smiles/icon_cry.gif http://egyfilm.com/Forums/images/smiles/icon_cry.gif http://egyfilm.com/Forums/images/smiles/icon_cry.gif

http://egyfilm.com/Forums/images/smiles/icon_sad.gif
لأني زمان خسرت كل شي و كسبت نفسي .. واليوم رجعلي كل شي و خسرت نفسيhttp://egyfilm.com/Forums/images/smiles/icon_sad.gif

اختصرت هاذي الجمله ماحدث في الراويه http://egyfilm.com/Forums/images/smiles/icon_arrow.gif
ربنا يساعد وليد بس ايش التصميم اللي جا عليه وخلاها بيبع كل شئ عشانها
صح الحب كبير لكن الواحد عقلوه فين راح http://egyfilm.com/Forums/images/smiles/icon_rolleyes.gif

وحنان كمان ماقصرت عنه الله يرحمها هي وعهود

وماشاء الله علي ابو وليد نفسي اصير زيه دبه النمل اعرفها عشان ابقا عارفه بكل شئ :D
سياسيه مهمه :D

بجد قصه رائعه جدا وفي انتظار قصتك الجديده بس خليها المره هاذي
فرح ونهايتها سعيده >>>وحده ماتحب النهايات الحزينه http://egyfilm.com/Forums/images/smiles/icon_cool.gif
الصديق
01-15-2008, 03:32 PM
قصه حلوه وجميله جداااااااااااااااااااااااااااا
لكنها محزنه وتقطع القلب http://egyfilm.com/Forums/images/smiles/icon_cry.gif http://egyfilm.com/Forums/images/smiles/icon_cry.gif http://egyfilm.com/Forums/images/smiles/icon_cry.gif

http://egyfilm.com/Forums/images/smiles/icon_sad.gif
لأني زمان خسرت كل شي و كسبت نفسي .. واليوم رجعلي كل شي و خسرت نفسيhttp://egyfilm.com/Forums/images/smiles/icon_sad.gif

اختصرت هاذي الجمله ماحدث في الراويه http://egyfilm.com/Forums/images/smiles/icon_arrow.gif
ربنا يساعد وليد بس ايش التصميم اللي جا عليه وخلاها بيبع كل شئ عشانها
صح الحب كبير لكن الواحد عقلوه فين راح http://egyfilm.com/Forums/images/smiles/icon_rolleyes.gif

وحنان كمان ماقصرت عنه الله يرحمها هي وعهود

وماشاء الله علي ابو وليد نفسي اصير زيه دبه النمل اعرفها عشان ابقا عارفه بكل شئ :D
سياسيه مهمه :D

بجد قصه رائعه جدا وفي انتظار قصتك الجديده بس خليها المره هاذي
فرح ونهايتها سعيده >>>وحده ماتحب النهايات الحزينه http://egyfilm.com/Forums/images/smiles/icon_cool.gif

ما شاء الله تبارك الله
رد جميل جدا يا أخت شوكولاين و كلام يدل علي أنك قرأتي القصة كامله و أبديتي أنطباعاتك تجاهها و تميزتي عن غيرك بالردود
سأقوم بنقل ردك للأخوان ليتطلع عليه كاتب الرواية و أصدقائه لأنه رد مميز أختي و لكنه جاء متأخرا للأسف الشديد فكاتب الرواية مطرود من هذا المنتدي منذ شهر و لا يستطيع الدخول و متابعت الكتابة و الردود
أبو خالد
01-29-2008, 09:55 AM
وصلني ردك يا شوكولاين و يعطيكي ألف ألف عافيه على هالمتابعه
كلك ذوق يالغلا و أن شاء الله تعجبك باقي القصص
تحياتي
الـــراوي
أبو خالد
01-29-2008, 09:55 AM
مشكور يا أبوفارس
تحياتي
الـــراوي
عبدالقادر مكي
04-28-2008, 08:01 AM
تحياتي لك وتقديري يا ابوخالد تقبل مروري.