لـــــقـــــاءات .. مع الراوي .. أسرة العلا

[أبو خالد]

لـــــقـــــاءات

علي وزن إضاءات لتركي الدخيل

و نفس الهدف .. مجموعة لقائات مع الاخواه الاعضاء لألقاء الضوء علي بعض جوانب حياتهم و علاقتهم برابطنا الاول مدينة العلا و ما قدموه للعلا و لأهالي العلا .. لقاءت مع الاعضاء و بعض الزوار .. وقد نقوم نحن بزيارة بعض الاهالي لأجراء المقابلات معهم

والهدف الفائدة و المتعه و أكتساب الخبره .. والتعرف علي أخواننا أكثر و أكثر .. لا تهمنا الخصوصيات و نحوها و أنما نبحث عن المعلومه العامة و الامور التي تخص العلا خاصة و الوطن بشكل عام

كل عضو في هذه الاسرة هو شخصية هامه جدا و يستحق الاشاده و نتمنى أن يعطينا من وقته القليل لأجراء حوار أو لقاء مصغر معه

طريقة الحوار و اللقاءات ستكون عبر الماسنجر .. يكون الحوار بيني وبين الضيف عن طريق الماسنجر أو عن طريق الهاتف أو بشكل مباشر .. والاهم هي اللقائات و الحوارات التي ستقومون بها انتم

هذا المقال ليس حكرا علي الراوي او حصري لأبو خالد وحسب .. المجال مفتوح للجميع لأجراء الحوارات و المقابلات .. النساء مع النساء و الرجال مع الرجال .. ومن ثم ترسل المقابله علي بريدي الخاص بالاسرة ( والذي سيتم أضافته لاحقا بعد موافقة الادارة ) و من ثم يضاف للموضوع بعد تجميل النص واعداده للنشر

أخيرا أمل من الله سبحانه و تعالي ان يكتب لنا النجاح والتوفيق و تقبلو تحياتي

[أبو خالد]

لقاءات
مع الراوي

اليوم أعزائي و أخواني نبداء مشوارنا مع سلسلة اللقاءات الحوارية التي تعود علينا بالخير والفائده ان شاء الله و نسعى من خلالها الي تقريب وجهات النظر و الحصول علي المعلومة عن ماضينا وحاضرنا و تطلعاتنا المستقبلية

للأسف ضيفنا لهذه الحلقة ضيف ثقيل عليكم و ضيف قليل حيا و لا يستحي علي وجهه ضيف لعنه الله سبحانه وتعالي و استمرت لعنته ليوم الدين و كل من سمع طاريه لعنه وتعوذ منه .. فلعنة الله علي أبليس اللعين و أعوذ بالله من الشيطان الرجيم و نبداء اللقاء .....

فالبداية نرحب فيك و لعنت الله عليك عكرت مزاجنا بزيارتك اللئيمة و خربت أجوائنا الإيمانية واجتماعنا علي الخير و طاعة الرحمن

هلابك و مشكور علي هالترحيب الحلو وهالمقدمه الجميلة

فالبداية نبيك تعرفنا بنفسك .. عطينا المعلومات الشخصية

طبعا معاكم إبليس اللعين الرجيم .. وأنا من الجن من عرب الشيطان القبيلة المعروفه .. متنقل ما بين العزوبية و شبه الزواج و لي ملاين الأبناء من غير عيالي اللي بالتبني و هذولي منكم يالبشر بعضكم يجيني وأتبناه .. و بالنسبة للسكن مالي مكان محدد عايش بأرض الله الواسعة أصول وأجول بكل مكان

أعوذ بالله منك .. ما ذكرت العمر ضيفنا اللعين

اها بالنسبة للعمر حدث ولا حرج .. أنا هنا من قبلكم يالبشر و باقي إلي يوم الدين .. وعلي فكره بعضكم يقول لبعضكم يا طويل العمر .. تراء ما في طويل عمر غيري يعني مالكم ومال ذي الكلمة

أعوذ بالله منك .. ضيفنا اللعين لك انجازات عديده و أعمال حفرت في ذا كرت التاريخ لكن تخسى ما نبي نسمعها منك .. السؤال هو وينك .. لك فتره مختفي عن الساحة .. وين كنت

ليش الإحراج يعني منت عارف وين كنت .. أنا كنت بأتمتع بأجازتي السنوية .. تعرف أنا كل سنه اخذلي أجازه شهر و أحب تكون إجازتي بشهر 9 لأن الجو زين

أعوذ بالله منك .. إيه هين أنت تحب شهر تسعه .. بس اللي اعرفه انك تأخذ الاجازه غصبا عنك .. بقدرة الله عز وجل تغل أيديك ورجولك بالسلاسل و تحبس أنت وربعك عن المسلمين

هذاك زمان .. صحيح أنا احبس و تغلل أيدي ورجلي بالسلاسل لكن أكون مبسوط .. مبسوط لأن تعبي وشغلي ما راح هدر .. أنا صحيح أكون بأجازة لكن عمالي الأكفاء يشتغلون ليل مع نهار بغيابي .. ما هم مقصرين

أعوذ بالله منك .. كيف يعني .. ممكن توضح

يعني العادة نسبة أرباحنا تتراوح بين سبعه مليار سيئة إلي عشرة مليار سيئة بالشهر ( والعلم عند الله ) لكن فشهر رمضان تزيد النسبة وتوصل إلي خمسين مليار احيانن .. الناس تنهبل برمضان .. و رجالي ماهم مقصرين .. سوينا لكم برامج ومنكرات و سهرات و أغاني و وناسه .. والكل يشارك و يخبص .. من غير العداوة والكره اللي بينكم و برامج كثيرة ممكن أكلمك عنها بالتفصيل

أعوذ بالله منك .. لا اقطع واخص خزاك الله عارفين وش مسوي فالخليقة .. المهم كيف قدرت توصل لهالمستوى

تعب السنين .. الإخلاص فالعمل .. ما عندي كسل وتراخي .. الاهتمام .. الامانه .. المصداقيه .. أنا الله سبحانه وتعالي كان بيحطني بالنار من يوم خلق أبوكم آدم .. قلت له يارب أمهلني ليوم يبعثون .. خليني أعيش و اجمع لي كم واحد يونسوني بالنار .. والحمد لله الله عطاني هالفرصه .. و أنا حلفت يومها وقلت (( بعزتك لأغوينهم أجمعين )) و هذا أنا صدقت مع نفسي ومع الله سبحانه وتعالي و اجتهدت بعملي و جالس اجمع الشباب اللي بيخاوني للنار

أعوذ بالله منك .. الله قال (( ألا عبادك منهم المخلصين )) هذولي تبطي و أنت ما أغويتهم بأذن الله و الله يجعلنا منهم .. ضيفنا اللعين أشوفك مبسوط بإنجازاتك .. طيب رجالك هذولي شياطين الأنس مجتهدين زيك وألا مشي حالك

لا شياطين الإنس ونعم فيهم .. شغالين زي الساعه .. فساد و خراب و دمار و مأمرات و خرابيط و نجاسات .. تصدق أنهم سووا شغلات أنا ما قدرت عليها .. أنا أوسوس لواحد عشان يخطي هم يسووا مسلسل يتابعه ملايين وكلهم يخطو .. احرش واحد علي واحد هم يقوموا حروب .. لا شياطين الإنس مبدعين

أعوذ بالله منك .. اجل تقاعد انتو طس وفكنا شرك

لا لازم أكون متواجد دائما .. علمتك أنا ماني مهمل بواجباتي .. أنا ما اصدق علي الله يطلق سراحي بعد رمضان علطول ارجع للشغل وبكل نشاط وحيويه .. والدليل يوم العيد

أعوذ بالله منك .. وش فيه يوم العيد

يوم العيد هذا من أحلا أيام ألسنه عندي .. فسوق و مجون و خراب و انتهاك للأعراض و نشر للبدع والمفاسد .. من تشرق شمس يوم العيد و أنا شغال .. اطلع يوم العيد وشوف البناااااااات .. كاسيات عاريات .. صايعات .. غزل فجور دمااااااار .. حتى فالمساجد .. فالحرمين و مصلي العيد فكل ديره تلقاء الحريم كاسيات عاريات متعطرات متبرجات .. الرجال يصلوا العيد وعيونهم رايحه فيها .. كل صلات عيد اكسب ملايين السيئات .. بعد العيد تشتغل التلفونات وعيدك مبارك حبيبي وهات حنحنه .. البنات يوم العيد كلهم يصيروا صغار .. طول السنة متغطيه8 يوم العيد يقولوا لا توها صغيره ههههه وتطلع للشارع كاسية عارية مظهره لشعرها ومفاتنها .. و تسلم علي عم و ولد عم و ولد خال .. وبس تخف الزحمة تبدءا الخرابيط و الخلوات الغير شرعيه و الحب والغرام و......

أعوذ بالله منك .. يخرب بيتك منت بسيط .. طيب أبغاء اعرف كيف قدرت تسوي كل ذا يالملعون

بسيطه .. الناس الحين ماهي محتاجه شياطين .. كل واحد عنده عشرين ادمي يوسوس له .. من غير الشياطين الفضائية إلي توسوس 24ساعه للناس و انتو وارهم ورآهم .. صدقني أول نبلش بالآدمي عشان نخليه يخطي .. الحين صاروا الشياطين الصغار مدلعين .. ترسل إبليس يخرب بيت يرجع يقلك خربت ثلاث مدن وأنا بالطريق .. انتو اللي خربتو وعطيتونا فرصه و طريق سهل عليكم

أعوذ بالله منك .. يعني تبغاء تقنعني إن ما في احد يقاومكم

أبدا .. ما فيه مقاومه .. بالعكس ما في غير كل ود وترحيب .. تجي للواحد تقله ازني يقلك اوكي و بشرب و بحشش وبشهر فالبنت و باعزم اخوياي عليها كمان .. وش رأيك جيناه بطلب جانا بخراب ديار .. ما فيه كلكم بتروحو فيها عن قررررريب

أعوذ بالله منك .. هين هين .. فيه ناس صعبه توصلهم أنت وشكلك يالملعون .. فيه ناس متمسكين بكتاب الله وسنة نبيه و ما يمديك توصلهم

ههههههههههههههههههه بالعكس هذولي أسهل شي .. صحيح يتعبونا شوي بس هذولي اللي نستمتع فيهم .. بيقراء قران نخليه يلخبط ويألف .. بيدرس عن النبي والصحابة نخليه يشك و يكذب التاريخ و نخليه يبتدع و يحيد عن الحق .. بيصلي ويطلب ربه نشغله بتكفير الناس و الجهاد ضد المسلمين و نخرب حياته .. نضيق عليه و نشغله بنصرة دينه عن عبادته .. يعني يترك الصلاة و يجادل الفساق عشان يهديهم ههههههه

أعوذ بالله منك .. أنا وش خلاني أسوي معك لقاء يالملعون .. المهم عندي سؤال خاص بالعلا و أهالي العلا .. كيف علاقتك فيهم

وشي العلا ذي .. زيها زي غيرها .. و بما إنها ارض زراعيه أنا كمان زرعت فيها .. زرعت الحسد زرعت العداوة زرعت البعد .. شوفهم حاسدين بعض مقاطعين بعض و متعادين و يتخانقو علي أتفه الأسباب

أعوذ بالله منك .. ما علينا .. طيب فيه آماكن بالعلا يقولوا انك ساكن فيها و فيها جن و خرابيط وش سالفة هالاماكن

ياخي قلنالك حنا بكل محل .. بالعلا وغير العلا .. فيه جن ومرده وخيلان فكل مكان .. بس العلا فيها آماكن سياحية حلوه لهالسبب نكثر فيها .. عندك الدور بيوت وبراد ونخل و وناسه وفاضيه لا احد مهتم فيها ولا احد يجيها .. وحنا ساكنين و مستانسين .. وعندك المزارع المهجورة واهم شي المستشفي القديم و العمارة الطويلة اللي جنب مسجد بن زقر .. وبعدين لا تنسى إن حنا اللي بنينا السراديب حقت العيون .. والحين فاضيه وحنا رجعنا لها .. وبعدين عندكم مناطق حلوه وما احد معبرها .. عشان كذا عايشين فيها عيالنا

عليك لعنة الله .. طيب بيضات يقولوا فيها كرسي لك و انك تجتمع بالجن كل يوم هناك صحيح و ألا خرطي

أنا وش يوديني للعلا .. وبعدين العلا وشهي ذي اللي ابلشتنا فيها .. حتى الناس اللي تفهم و سوت شي يستاهل إني أخرب عليهم و اغويهم كلهم براء العلا .. يعني أي واحد منكم يصحصح شوي علطول يهاجر للرياض وإلا لجده و إلا لاي محل اقل شي تبوك .. المهم يطلع من العلا .. يعني إذا أبغاء استهدف احد راح اروحله لديرته لأنه ما في احد بيقعد بالعلا .. بالنسبة لبيضات في مكتب إقليمي لنا هناك وبس عادي .. وبعدين تعرف العلا فيها شوية ذهب وحنا مسؤلين عنه وعن حراسته منكم

أعوذ بالله منك .. مدام وصلنا للذهب نرجع لمحور حديثنا .. كيف كان شغلكم زمان و كيف صار الحين

شوف الزمن يتغير باستمرار .. و تعاملنا معاكم يتغير مع تغير الزمن .. زمان كنا نسوي معسكرات تدريب و نستعد قد ما نقدر عشان نغويكم و نخرب حياتكم .. لكن الحين بطلنا نعلم عيالنا .. يطلع من بطن أمه يضحك علي قبيلة منكم .. ما صار فيه مجهود ولا تعب .. ماني مكلمك عن الأيام السوداء بحياتي اللي هي أيام الرسول والصحابة والسلف وأيام زمان .. بكلمك عن الأجيال الاخيره اللي سبقتكم بكم سنه .. زمان كنا نتعب شوي مع الناس .. عشان تفرق اثنين يبغالك سنه سنتين .. و جهد و إبداع بمعنى الكلمة .. الحين فثانتين تفرق مدينتين .. كنا نطلق أربعه خمس حريم بالسنة الحين نطلق حرمتين ثلاث بالثانية .. أول ندخل المسجد ونحترق بالقران ونأكل تبن عشان نطلع مصلي واحد من بين العشرات .. الحين نروح المسجد نلقاء الأمام حاط بنقالي يصلي بداله و مافي احد .. و إذا لقيني كم واحد فالمسجد نصفر لهم بس يطلعو ورآنا علي طول .. وبعدين أول كان كل شي علي ظهورنا .. ما في دش ما في أشرطه ما في مجلات ما في حركات ما في جولات و نت و خرابيط .. كنا نتسيدكم واحد واحد عشان تروحوا لمصر تحضروا حفله وألا تزنوا وتشربوا خمر .. الحين دخلنا مصر فكل بيت .. جبنالكم أفلام و خلاعة وبرامج و أغاني وهاتك شغل .. بصراحة نستأهل جائزة زيزو و المنتج المثالي خخخخخخخخخخخخخخ

لا بارك الله فيك يالملعون .. اللي قاهرني انك صادق وماني قادر أرد عليك .. لكن تدري الشرهة علي اللي يسوي معك لقاء صفحي .. يالله الخلا أعوذ بكلمات الله التامات من شر ما خلق .. أعوذ بالله من الشيطان الرجيم

http://gallery.7oob.net/data/media/23/HPIM0301.jpg

و في ختام هاللقاء المشئوم اعتذر لكم أحبتي عن استضافتنا لهالملعون لكن وش نسوي ما لقينا غيره .. آمل أنكم استفدتم و تعلمتم شي جديد من هاللقاء و إن شاء الله نعوضكم بلقاءات أزين و أفضل

تحياتي

[كارميله]

اولا : بسم الله الرحمن الرحيم
ثانيا : فكرة رائعة
ثالثا : !!!!
لكن ..:rolleyes:

ليه استفحت بهالمخلوق المخييييف .....!!!! ؟؟؟؟ ( وقل رب اعوذبك من همزات الشياطين واعوذ بك رب ان يحضرون )

هالحين خوفتني :eek::eek:ما اقدر ادخل المنتدى عشان ..؟

اخيرا :مشكور اخوي على هاللقاء الاكثر من رائع وحماك الله وحمانا من كل شر

[أبو خالد]

بارك الله فيكي أختي

و أعاذنا و أياكي من الشيطان الرجيم

مشكوره عالزيارة و التكرم بقرائة و فهم محتوى اللقاء

تحياتي

[الدخيل]

اول: شي اعوذ بالله من الشيطان الرجيم

ثانيا ::4b2d4742a4:


من جد رائع

[أبو خالد]

هلا و الله بالدخيل

شرفتنا و نورت الموضوع عزيزي

مشكور عالزيارة و المشاركة الجميلة

تحياتي

[احساسي ورد]

ابو خالد ابهرتنا بمشاركتك


بس ثاني مره لاتستضيفلنا شي غريب مايندرى هالمره ابليس المره الجايه الله واعلم


http://gallery.7lm.com/data/media/19/25-.gif

[رعد الشمال]

ابو خالد

دائما مبدع

ومقابلتك مع ابليس

دليل قطعي على الموهبه

التي تتمتع بها وانك انسان فوق العاده

ويوجد لدينا بالعلا جنيه مشهوره اسمها شاره

تسكن في بساتين العلا وتتمتع بجمال خارق

وذهب وتتأقلم مع الاجواء التقلبه والاجيال

المختلفه .

فحبذا لو عملت معها لقاء وحا ولت استدراجها

لتطلعنا على المعلومات في الحقبه الزمنيه

القديمه وعن الاسر والعوائل والقبائل

التي سكنت العلا وعن الادوات

والمعدات المستخدمه

في حياتهم العامه

اليوميه

سلامي وتحياتي لك

[رعد الشمال]

ابو خالد

دائما مبدع

ومقابلتك مع ابليس

دليل قطعي على الموهبه

التي تتمتع بها وانك انسان فوق العاده

ويوجد لدينا بالعلا جنيه مشهوره اسمها شاره

تسكن في بساتين العلا وتتمتع بجمال خارق

وذهب وتتأقلم مع الاجواء المتقلبه والاجيال

المختلفه .

فحبذا لو عملت معها لقاء وحا ولت استدراجها

لتطلعنا على المعلومات في الحقبه الزمنيه

القديمه وعن الاسر والعوائل والقبائل

التي سكنت العلا وعن الادوات

والمعدات المستخدمه

في حياتهم العامه

اليوميه

سلامي وتحياتي لك

[رحــــــــــال]

يعطيك العافية ابو خالد 0
تحياتي 0

[أبو خالد]

بسم الله على قلبك حربية

و لا تخافي مشاغلي ماهي مخليتني أستضيف أحد

و مشكوره يالغلا على هالطله و هالزيارة الكريمة

و أن شاء الله أنزلك لقاء قريب و يكون أزين من الأول

و تحياتي

[رعد الشمال]

http://101sqr.jeeran.com/photos/746815_l.jpg

[الصديق]

زرت الموضوع و تمتعت بقرائته

سلمت و سلمت يمينك
كنت أتوقع أشوف لقاءات أكثر !!!!!!!!!!
صدقني يا أبوخالد راح تلقاء كل ترحيب
أنا تابعت لقاءاتك و كلها أكثر من رائعة
و اللي يـــــــنـــــــجـــــــح فالمجتمع العام
أكيد راح يـــــتـــــمـــــيـــــز بين جماعته
أخوك
عادل السبيعي
أبوفارس

[أبو خالد]

يالله تحي أبوفارس
منور المقال و أنا أخوك و هلا والله و غلا بمنتديات أسرة العلا
أي مجتمع عام و أي جماعه يا أبوفارس
مافي من جماعتي غير واحد بس و له فتره مختفي بعد
خليها على الله
تحياتي
الـــراوي

[علي العلوان]

ابوخالد
رائع
الموضوع دليل قطعي على الموهبه التي تتمتع بها

مرحباً بك
سأقرأ لك

[عبدالقادر مكي]

اعوذ بكلمات الله التامة من كل شيطان وهامة ومن كل عين لامة
الله يحفظنا واياكم من كل شر

[باسم ابو سليمان]

يعطيك العافية ابو خالد

بس وين كل هالغيبة هذي